बिहेमा चाहे अनुसारको गीत नबजाउँदा हतियार प्रहार

बसन्त लिम्बू
ताप्लेजुङ । बिहेमा आफुले चाहे अनुसारको गित नबजाएको विषयमा विवाद हुँदा ताप्लेजुङमा ३ जना घाईते भएका छन् । जिल्लाको आठराई त्रिवेणी गाउँपालिका २ सिमलबोटेमा आइतबार राती आफूले भनेजस्तो गीत नबजाएको निहुँमा खुकुरी प्रहार हुँदा पाहुना आएका ३ जना घाइते भएको प्रहरीले जनाएको छ ।

राती साढे २ बजे स्थानीय दिल बहादुर तामाङको छोरीको बिवाहमा भने जस्तो गीत नबजाएको बिषयमा युवाहरुबीच विवाद भएको थियो । विवादका क्रममा सोही स्थानका ४–५ जनाको समुहले आवेशमा आई खुकुरी प्रहार गर्दा पाहुना गएका फुङलिङ नगरपालिका–८ दोखुका ३८ वर्षीय कर्ण बहादुर सुनुवार, ३० वर्षका पेम्बा शेर्पा र ३२ वर्षका पासाङ शेर्पा घाइते भएका हुन् ।

धारिलो हतियार प्रहारबाट शरीरको विभिन्न भागमा चोट लागि घाइते भएका तीनै जनाको जिल्ला अस्पताल ताप्लेजुङमा उपचार भइरहेको जिल्ला प्रहरी कार्यालय ताप्लेजुङले जनाएको छ । हतियार प्रहार गर्ने समूह फरार रहेकोले खोजीकार्य भइरहेको प्रहरीले बताएको छ ।

Janata Tv

प्रतिक्रिया दिनुहोस्
विशेष

कार्यवाहक प्रधानमन्त्री ईश्वर पोखरेललाई नेकपाको स्कुल विभाग प्रमुखको जिम्मेवारी हस्तान्तरण गरिएको छ ।

प्रहरी हिरासतमा रहेका पत्रकार रवि लामिछाने पक्राउ प्रकरणमा कलाकारहरूले निष्पक्ष छानबिन हुनुपर्ने बताएका छन् ।

रमेश शुभेच्छुको संकलन र सम्पादनमा ‘वर्ष साहित्य पुस्तक–२०७४’ प्रकाशित भएको छ ।

वडा नम्बर ७ का सचिव चेतबहादुर कुँवरलाई बलात्कर आरोप लागेको हो ।

सार्वजनिक सम्पत्तिको रक्षा कसरी गर्ने ? हामीभित्रै  पनि समस्या छन् ।

सर्वसाधारण नागरिकले नेपाली सेनाको पोशाक लगाए कारबाही गरिने भएको छ ।