‘कोसेली र चाकडीमा नलाग्नुस्’

‘प्रहरी दलाली र दमनकाे लागि होइन’

काठमाडौ । प्रधानमन्त्री केपी ओलीले प्रहरीको सरुवा बढुवामा गुनासो नआउने गरी काम गर्न निर्देशन दिनुभएको छ ।प्रहरीमा सरुवा बढुवाको लागि अझै पनि उच्च तहका अधिकारीहरुलाई कोसेली दिने र चाकडी गर्ने प्रचलन छ । प्रधानमन्त्री ओलीले नेपाल प्रहरीद्वारा आयोजित १७८ औं दीक्षान्त समारोहमा त्यस्तो चलन अन्त्य हुनुपर्ने बताउनु भयो ।

‘प्रहरी दलाली र दमनका लागि बनाइएको फौज होइन’ समारोहमा उहाँले भन्नुभयो, ‘प्रहरी समाज, देश र नागरिकको सुरक्षा गर्ने जिम्मेवारी बोकेको सुरक्षा दस्ता हो । यसको स्पष्ट कर्तव्य छ, अधिकार छ, जिम्मेवारी छ ।’

प्रधानमन्त्रीले प्रहरीको सरुवा बढुवामा विगतमा विभिन्न किसिमका विभेद र प्रतिशोध हुने गरेको स्मरण गराउँदै अब त्यस्तो प्रवृति पूर्णरुपमा अन्त्य हुनुपर्ने बताउनु भयो । ‘सरुवा र बढुवा तल्लो तप्काले उच्च तहकाहरुलाई कोसेली दिने, चाकडी गर्ने होइन’ उहाँले भन्नुभयो, ‘प्रहरी त्यस्तो प्रवृतिबाट टाढै रहनु पर्छ र सरुवा बढुवामा कुनै गुनासो नआउने गरी काम गर्नूस् ।’

समारोहमा प्रहरी निरीक्षकको आधारभूत तालिम पूरा गरेका १२ महिला र ८३ पुरुषले पद तथा गोपनीयताको सपथ लिएका थिए ।

Janata Tv

प्रतिक्रिया दिनुहोस्
विशेष

वरिष्ठ नेता नेपालले सचिवालयमा ७ बुँदे असहमति पत्र नै पेश गर्नुभएको छ ।

अर्थतन्त्र र राजनीतिमा आउने परिवर्तनले तत्कालै नतिजा देखाउँछ र चेतनाबाट पनि प्रभाव कम हुँदै जान्छ

कपिलवस्तु । तौलिहवामा बैंकबाट निकालेकाे ३ लाख रुपैयाँ पेस्तोल देखाएर लुटिएको छ । बुद्धभूमि नगरपालिका वडा नम्बर १० विजगौरीका कुबेर…

सर्वदलीय बैठकले विधेयक परामर्श र सहमतिमै गर्ने निर्णय गरेको हो ।

प्रहरीले नक्कली छाप तथा कागजात बनाउने कार्यमा संलग्न २ जनालाई पक्राउ गरेको छ ।

विद्यार्थीहरुको भविष्यलाई सुनिश्चित गर्ने कार्यलाई व्यवस्थित गर्न हरेक वर्ष रोजगारी तथा इन्टनशिप दुवै अवसर जुटाउदै आएको छ ।