सवारी दुर्घटनामा ६ जनाको मृत्यु

काठमाडौं । देशका विभिन्न जिल्लामा भएका छुट्टाछुट्टै सवारी दुर्घटनामा ६ जनाको मृत्यु भएको छ । काठमाडौं महानगरपालिका–७ गौरीघाट मैजुबहालस्थित सडकमा मंगलबार बिहान भएको दुर्घटनामा मोटरसाइकल चालकको मृत्यु भएको छ । बा६८ प १०७३ नम्बरको मोटरसाइकल दुर्घटना हुँदा सोही नगरपालिका बस्ने २४ वर्षीय पारस थपलियाको उपचारको क्रममा मृत्यु भएको प्रहरीले जनाएको छ ।

कैलाली, घोंडाघोंडी नगरपालिका –१२ कोटास्थित सडकमा सोमबार राती अन टेष्ट लेखिएको ट्याक्टर पल्टिदा गौरीगंगा नगरपालिका–८ बस्ने ३५ वर्षीय करन चौधरीको घटनास्थलमै मृत्यु भएको छ । ट्याक्टर र चालकलाई प्रहरीले नियन्त्रणमा लिएको छ ।

यसैगरी कैलालीको बर्दगोरीया गाउँपालिका–६ घैलाखोलास्थित मोटरसाइकल दुर्घटना हुँदा एक जनाको मृत्यु भएको छ । मृत्युहुनेमा ३५ वर्षीय तेतुराम डगौरा रहेको प्रहरी जनाएको छ । साथै दुर्घटनाम घाइते भएकी मृतकको श्रीमती ३४ वर्षीया सुनिया डगौराको उपचार भइरहेको छ ।

सिन्धुपाल्चोक, जुगल गाउँपालिका–२ स्थित कुम्भेश्वर भन्ने स्थानमा सोमबार राती जलविरेतर्फ जाँदै गरेको बा५ ख २५०० नम्बरको ट्रक ब्रेक फेल भई दुर्घटना भएको छ । दुर्घटना हुँदा गम्भीर घाइते भएका ट्रक चालक सोही गाउँपालिका–२ किप्चे बस्ने ३८ वर्षीय श्यामकाजी स्याङ्वोको उपचारको क्रममा मृत्यु भएको छ।

नवलपरासी(पूर्व) कावासोती नगरपालिका–१६ स्थित सोमबार राती बा.३ च ९१५८ नम्बरको ट्याङ्करले बा.२८ प २०३१ नम्बरको मोटरसाइकल एक आपसमा ठोक्किएका छन् । सवारी एक आपसमा ठोक्किदा मध्यबिन्दु नगरपालिका–२ बस्ने ४२ वर्षीय युबराज घिमिरे र ३५ वर्षीय पिताम्बर पाठकको उपचारको क्रममा मृत्यु भएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको बताइएको छ ।

Janata Tv

प्रतिक्रिया दिनुहोस्
विशेष

वरिष्ठ नेता नेपालले सचिवालयमा ७ बुँदे असहमति पत्र नै पेश गर्नुभएको छ ।

अर्थतन्त्र र राजनीतिमा आउने परिवर्तनले तत्कालै नतिजा देखाउँछ र चेतनाबाट पनि प्रभाव कम हुँदै जान्छ

कपिलवस्तु । तौलिहवामा बैंकबाट निकालेकाे ३ लाख रुपैयाँ पेस्तोल देखाएर लुटिएको छ । बुद्धभूमि नगरपालिका वडा नम्बर १० विजगौरीका कुबेर…

सर्वदलीय बैठकले विधेयक परामर्श र सहमतिमै गर्ने निर्णय गरेको हो ।

प्रहरीले नक्कली छाप तथा कागजात बनाउने कार्यमा संलग्न २ जनालाई पक्राउ गरेको छ ।

विद्यार्थीहरुको भविष्यलाई सुनिश्चित गर्ने कार्यलाई व्यवस्थित गर्न हरेक वर्ष रोजगारी तथा इन्टनशिप दुवै अवसर जुटाउदै आएको छ ।