खानेपानी मन्त्रीकाे ११ महिनाः मेलम्चीमा ९६ प्रतिशत प्रगति

काठमाडौं ।  खानेपानी मन्त्रालयले राष्ट्रिय गौरवको आयोजना मेलम्चीमा ९६ प्रतिशत  भौतिक प्रगति भएको जनाएको छ ।  ११ महिनामा मेलम्ची खानेपानी आयोजनाको कार्य तीब्र रूपमा अगाडि बढेको मन्त्रालयको दाबी छ ।

खानेपानी मन्त्री विना मगरको सचिवालयले पठाएको प्रेस नोटमा भनिएको छ, ‘२७ वर्षदेखि सुरु भएको मेलम्चीको काम बितेको ११ महिनामा यति धेरै प्रगति होला भन्ने कसैले सोचेका थिएनन् । वर्षौं वर्ष लगाएर २७ किलोमिटर लामो सुरुङ खन्ने काम सकिएपछि यसको ढलान अर्थात् फिनिसिङ गर्ने काम अब १ किलोमिटर पनि छैन ।’

एक वर्षको अवधिमा मेलम्ची आयोजना बाहेक खानेपानी मन्त्रालय अन्तर्गतका निकायले देशभरि नै साना ठूला गरी ५ सय १८  आयोजना सम्पन्न गरेको मन्त्रीको सचिवालयले जनाएको छ ।  खानेपानी तथा ढल व्यवस्थापन विभाग अन्तर्गत ७७ जिल्लामा सञ्चालित क्रमागत उच्च प्रविधियुक्त केन्द्रीय आयोजनामध्ये १ सय १०  सम्पन्न भएका छन् ।

 विभाग अन्तर्गतकै खानेपानी तथा सरसफाई सहलगानी कार्यक्रमले ९  र तेस्रो साना शहरी खानेपानी कार्यालयले ४ आयोजना सम्पन्न गरेकाे नाेटमा उल्लेख छ । सहलगानी अन्तर्गत नवलपरासीको अमरापुरी, मोरङको मानगढ, उर्लाबारी, झापाको चन्द्रगढी, रुपन्देहीको प्रगतिनगर, नयाँगाउँ, चितवनको रत्ननगर, धनगढा, पर्सामा खानेपानी आयोजना निर्माणा भएकाे छ ।

तेस्रो साना शहरी खानेपानी अन्तर्गत सल्यानको खलंगा शितलपाटी, झापाको चारआली, कैलालीको टिकापुर र सुनसरीको महेन्द्रनगरमा आयोजना सम्पन्न भएको मन्त्रालयले जनाएकाे छ ।


११ महिनाको अवधिमा ३५  शहरी तथा अर्धसहरी खानेपानी आयोजना निर्माण भएकाे छ ।  त्यसबाट ३ लाख ८७ हजार ५ सय ८२ परिवारलाइ खानेपानी सुविधा पुगेकाे छ ।  भूकम्पबाट क्षतिग्रस्त भएका  मध्ये ३ सय ६० आयोजनाको पुनर्निर्माण तथा पुनस्र्थापना  भएको छ । पछिल्लाे एक वर्षमा १७ जिल्ला खुला दिसा मुक्त घोषणा भएको मन्त्रालयले उल्लेख गरेकाे छ । मुलुकमा अहिलेसम्म  ६३ जिल्ला खुला दिसा मुक्त क्षेत्र घोषणा भएका छन् ।

एसियाली विकास बैंकको सहयोगमा देशभरका विभिन्न २० शहरमा आयोजना निर्माण तथा खानेपानी तथा सरसफाईको दिगो व्यवस्थापनको लागि १७८ दशमलव ५ मिलियन अमेरिकी डलर खर्च भएकाे मन्त्रालयले जानकारी गराएकाे छ ।   मन्त्रालयले अहिलेसम्म भएका यी कार्यलाइ महत्वपूर्ण उपलब्धीको रुपमा लिएको छ ।

काठमाडौं उपत्यकाभित्र ९ वटा पानीपोखरी निर्माण कार्य अन्तिम चरणमा पुगेको मन्त्रालयले जनाएको छ । राजविराज, लाहान र नेपालगंजमा ४ सय ५० घन मिटर क्षमताको पानी पोखरीको निर्माण  भइसकेको मन्त्रीको सचिवालयले जनाएको छ । भक्तपुरको महादेवखोला ईम्पाउन्डिङ रिजर्भवायर खानेपानी आयोजना, दाङको पातुखोला, सुर्खेत भ्याली बृहत खानेपानी आयोजना, बबई थोक वितरण र नारायणी थोक वितरण  आयोजनामा लगानी जुटाउने सन्दर्भमा मोडालिटीको विषयमा प्रधानमन्त्री कार्यालयले ऐन बनाउने तयारी गरिरहेको नोटमा उल्लेख छ ।

Janata Tv

प्रतिक्रिया दिनुहोस्
विशेष

सचिवालय बैठकमा सभामुख र मन्त्रीको प्रतावित सूचीबारे छलफल हुने स्रोतले जनाएको छ ।

महरालाई म्याद थप्नको काठमाडौं) जिल्ला अदालतमा उपस्थित गराइएको हो ।

पत्रपत्रिकामा मन्त्रिमण्डल हेरफेरको तयारी भइरहेको समाचार समेत छापिएको छ ।

निवर्तमान सभामुख कृष्णबहादुर महरा र रोशनीको फेरेन्सिक जाँच गरिएको छ ।

बिहान ५ः०० स्टेशनआइडी÷राष्ट्रियगान ५ः०२ योग÷एरोबिक्स ५ः२५ दर्शन दिग्दर्शन ५ः५५ विज्ञापन÷प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन÷प्रोमो ७ः०० जनता…

मेष– सामूहिक काममा जस मिल्नेछ, वाेलीको प्रभाव रहनेछ । वृष–सम्मानमा आघात पुग्नेछ । काममा आलोचना मिल्नेछ । मिथुन– व्यावसायिक यात्रा…