Nic

आगलागीबाट १ करोड ४० लाख बढीको क्षती

भगीरथ भण्डारी

इलाम । सन्दकपुर गाउँपालिकाको माईपोखरीस्थित एक होटलमा बिहिबार भएको आगलागिबाट ५ वटा होटल जलेर पूर्ण रुपमा नष्ट भएका छन् ।

शुक्रबार दिउसो स्थानीय चक्रदिप मुखीयाको भान्साबाट शुरु भएको आगोले १ करोड ४० लाख बढीको क्षती भएको अनुमान गरिएको छ ।
आगलागिबाट चक्र मुखीयासहित निमदोर्जे शेर्पा, मिङमालमु शेर्पा, कमल मुखीया, र लाक्पा शेर्पाले संचालन गर्दै आएका काठबाट निर्मित होटल र सरसामान जलेर पूर्ण रुपमा नष्ट भएको जिल्ला प्रहरी कार्यलय इलामले जानकारी दिएको छ ।

चक्रदिप मुखीयाले संचालन गरेको सिम्रन होटल जल्दा ४२ लाख बराबरको सरसामान, २० तोला सुन, १० तोला चाँदी र १० लाख नगद नष्ट भएको जनाईएको छ । यस्तै निमदोर्जे शेर्पाको पेमु होटल जल्दा ४० लाख मुल्य बराबरको सरसामान, नगद ३ लाख र ६ तोला सुन नष्ट भएको छ । आगलागिबाट कमल मुखीयाको होटलसंगै १० लाख बराबरको सरसामान, ९ लाख २० हजार नगद , १ तोला सुन र १० तोला चाँदी जलेर नष्ट भएको छ ।

यस्तै आगलागिबाट स्थानीय लाक्पा शेर्पाले संचालन गरेको होटल जल्दा २९ लाख बढीको क्षती भएका छ भने मिङमादिकी शेर्पाको होटल जलेर नष्ट हुँदा ६ लाखको सरसामान, नगद ५० हजार र २ तोला सुन नष्ट भएको छ ।
आगो नियन्त्रण स्थानीय , नेपाल प्रहरी , नेपाली सेना र इलाम नगरपालिकाको दमकलले आगो नियन्त्रणमा लिएको छ । आगो नियन्त्रण गर्न इलाम नगरपालिकाको दमकल ढिलो गरी पुगेको स्थानीय तथा होटल संचालकको गुनासो छ ।

Janata Tv

प्रतिक्रिया दिनुहोस्
विशेष

काठमाडौं उपत्यकामा दुई पांग्रे सवारी साधन मोटरसाइकल र स्कुटरको पछाडि बस्नेले समेत हेलमेट लगाउनुपर्ने भएको छ ।

मानिसको मुटु बायाँतिर हुन्छ तर वुलिङटार गाउँपालिकाको वडा नम्बर ५ स्थित भदौरी गाउँका बेलबहादुर पुलामीको मुटु दायाँपट्टी भएको पाइएको छ।

प्रकृतिले सुन्दर बनाएको देशलाई हामी मानिसले भौतिक रुपमा अझ सुन्दर बनाउन सक्नु पर्दछ ।

धादिङको आदामघाट नजिक बन्छेटारबाट त्रिशूली नदीमा बस खस्दा ज्यान गुमाउने ७ जनाको सनाखत भएको छ ।

हरेक दिन थुप्रै सपना बन्छन् । तर ती पूरा हुदैँनन्, मनभित्रै मर्छन् । हरेक योजना चिहान बन्छ ।

अनेरास्ववीयूकी निवर्तमान अध्यक्ष एवम् सांसद नविना लामाले जनवर्गीय संगठनको एकता प्रक्रिया अनुसार नै भएको तर्फ संकेत गर्नुभएको छ ।