Nic

दोलखा बस दुर्घटनाः घाइतेलाई काठमाडौं रिफर

ताराबहादुर महत
दोलखा । शुक्रबार बिहान दोलखाको बिगु गाउँपालिका–१ लामाबगरमा भएको बस दुर्घटनामा परी दुई जनाको मृत्यु भएको छ । माथिल्लो तामाकोशी जलविद्युत आयोजनाका मजदुरहरु ओसारपसार गर्ने रोल्वालिङ्ग यातायातको बा ४ ख ४५७३ नम्बरको बस दुर्घटना हुँदा सुर्खेतको चौगुने गाउँपालिका–३ का दिनेश थापा र लमजुङको मस्र्याङदी गाउँपालिका–३ का हिराप्रसाद मिजारको घटनास्थलमै मृत्यु भएको जिल्ला प्रहरी कार्यालय दोलखाका प्रवक्ता प्रहरी निरीक्षक प्रदिप महतले जानकारी दिनुभयो ।

दुर्घटनाका घाइतेहरु मध्ये ५ जनालाई हेलिकप्टर मार्फत र ४ जनालाई थप उपचारका लागि एम्बुलेन्समार्फत काठमाडौं लगिएको छ । गम्भीर घाइते देवसिंह चौधरी, लमजुङका सुरज लामा, बर्दियाका दिनेश सुनुवार, सुर्खेतका प्रेम आचार्य र बस चालक दोलखाका कालिञ्चोक गाउँपालिका ९ का सुदिप शिवाकोटीलाई श्री एयर लाइन्सको हेलिकप्टरमार्फत काठमाडौं लगिएको छ । त्यसैगरी अन्य घाइतेहरु बर्दियाका मायाराम थारु, बुद्धिप्रसाद थारु, बुद्धिराम चौधरी र सुनिल रानालाई एम्बुलेन्स मार्फत शुक्रबार दिउँसो नै काठमाडौं रिफर गरिएको प्रहरी निरिक्षक महतको भनाइ छ ।

उहाँका अनुसार घाइतेहरुको काठमाडौंस्थित वि एण्ड वि र मेट्रो सिटी अस्पतालमा उपचार भइरहेको छ । आयोजनाका मजदुरहरु ओसारपसार गर्ने गाडी दुर्घटनामा परेको थियो ।

Janata Tv

प्रतिक्रिया दिनुहोस्
विशेष

प्रधानमन्त्री केपी ओलीले मुलुकभित्र राष्ट्रिय एकता कायम हुन नदिने षडयन्त्र भइरहेको बताउनुभएको छ ।

ट्याङकरले फेरि मान्छे मारेको छ । सिभिल मल अगाडि शुक्रबार पानी बाेक्ने ट्याङकरले किचेर महिलाको मृत्यु भएको छ ।

गृहमन्त्री रामबहादुर थापाले मुलुकमा कम्युनिष्टको बहुमत सरकार बन्नुमा जननेता मदन भण्डारी र जीवराज आश्रितको योगदान रहेको बताउनु भएको छ ।

नेताद्वय मदन भण्डारी र जीवराज आश्रितको २६ औं स्मृति दिवशको अवसरमा प्रधामन्त्रीले नेताद्वयलाई सम्झिनुभएको हो ।

आज जननेता मदन भण्डारी र जीवराज आश्रित स्मृति दिवस । मुलुकभर विभिन्न कार्यक्रम गरी स्मृति गरिँदै छ ।

सेवा आयोगका एक सदस्यले आपत्ति जनाएपछि त्रिभुवन विश्वविद्यालयले सञ्चालन गरेको शाखा अधिकृतको परीक्षा अवरुद्ध भएको हो ।