Nic

‘संविधानको लक्ष्मण रेखामा बसेर अधिकार प्रयोग गरौँ’

सुर्खेत । कानून न्याय तथा संसदीय मामिलामन्त्री भानुभक्त ढकालले संविधानको लक्ष्मण रेखामा बसेर अधिकार प्रयोग गर्नुपर्ने बताउनुभएको छ । राष्ट्रियसभाको राष्ट्रिय सरोकार तथा समन्वय समितिद्धारा कर्णाली प्रदेशको राजधानी वीरेन्द्रनगर सुर्खेतमा आज आयोजित ‘तहगत राज्य संरचनाको विकासमा समन्वय’ विषयक प्रादेशिक अन्तक्र्रिया कार्यक्रममा मन्त्री ढकालले सो धारणा व्यक्त गर्नुभएको हो ।

‘संविधानले अनुसूची ५ मा संघ अनुसूची ६ मा प्रदेश र अनुसूची ८ मा स्थानीय तहको अधिकार सूची स्पष्ट गरेको छ’, कानूनमन्त्री ढकालले भन्नुभयो, ‘अधिकार अन्योन्याश्रित र साझा छन् ।’ उहाँले ३३९ कानूनमा अर्थसँग सम्बन्धित पाँच वटा कानून खारेज गरेको जानकारी दिनुभयो । एक फरक प्रसङ्गमा उहाँले सिके राउतलाई राष्ट्रिय राजनीतिको मूलधारमा ल्याउन सरकार सफल भएको बताउनुभयो । नागरिकको जीउधन रक्षा र मुलुकको सुरक्षाका लागि सरकारले विप्लव नेतृत्वको नेकपाले सञ्चालन गर्दै आएको अराजक गतिविधिमाथि प्रतिबन्ध लगाएको उहाँको भनाइ थियो ।

सिके राउतलाई मूलधारमा ल्याउनु र नेकपामाथिको प्रतिबन्धलाई प्रमुख प्रतिपक्ष दलका नेताले पनि सकारात्मक सुझाव दिएको बताउँदै मन्त्री ढकालले सङ्घीयता र संविधानको कार्यान्वयनका पक्षमा सरकार दृढ रहेको बताउनुभयो । राष्ट्रियसभाका उपाध्यक्ष शशिकला दाहालले मुलुकको समृद्धि र विकासमा आएका अवरोध फुकाउँदै अघि बढ्नुपर्नेमा जोड दिनुभयो । कर्णाली प्रदेशसभाका सभामुख राजबहादुर शाहीले प्रदेश र स्थानीय सरकारको मनोविज्ञानलाई बुझेर संघीय सरकारलाई काम गर्न अनुरोध गर्नुभयो ।

राष्ट्रियसभामा प्रमुख प्रतिपक्षी दलका नेता सुरेन्द्रराज पाण्डेले राजश्व बाँडफाँट, प्राकृतिक स्रोत साधन उपयोगमा तीन सरकार स्पष्ट हुनुपर्ने बताउनुभयो । समितिका सभापति दिलकुमारी रावल थापाले तहगत राज्य संरचनाको विकासमा सहजता ल्याउन प्रादेशिक अन्तक्र्रिया कार्यक्रम गरिएको बताउनुभयो । उक्त कार्यक्रममा राष्ट्रियसभा सदस्य, प्रदेश सरकारका मन्त्री, प्रदेशसभामा विपक्षी दलका नेता, प्रदेशसभा सदस्य, जिल्ला समन्वय समितिका प्रमुख, नगरपालिका तथा गाउँपालिका प्रमुख÷उपप्रमुख, प्रमुख प्रशासकीय अधिकृत र पत्रकारसहित ८० जनाको सहभागिता थियो ।

Janata Tv

प्रतिक्रिया दिनुहोस्
विशेष

आज चैत्र १० गते आइतवार प्रसारण हुने कार्यक्रमहरु बिहान ४ः०० आरम्भः राष्ट्रिय गीत र सुमधुर धुनहरु ५ः०० बजे तीर्थ पर्यटनः…

गोरखा । नेपाल कम्युनिष्ट पार्टी (नेकपा)का प्रवक्ता नारायणकाजी श्रेष्ठले विप्लव समूहमाथि सरकारले प्रतिबन्ध लगाएको नभई संविधान विरोधी गतिविधिलाई मात्र नियन्त्रण…

काठमाडौं । नेपाल कम्युनिस्ट पार्टी (नेकपा)का अध्यक्ष एवम् प्रधानमन्त्री केपी ओलीले अबको मुख्य उद्देश्य मुलुक समृद्धि रहेको बताउनु भएको छ…

काठमाडौं । नेपाल कम्युनिस्ट पार्टी (नेकपा)का बरिष्ठ नेता एवम् पूर्वप्रधानमन्त्री झलनाथ खनालले संगितले मानिसलाई थप उर्जावान बनाउने बताउनुभएको छ ।…

बिहान५ः०० स्टेशन आइडी/राष्ट्रिय गान५ः०२ योग दर्शन५ः३० तीर्थ पर्यटन५ः५५ विज्ञापन/प्रोमो६ः०० जनता समाचार६ः३० दर्शन दिग्दर्शन६ः५५ विज्ञापन/प्रोमो७ः०० जनता समाचार७ः३० गीतहरु८ः०० किताबका कुरा८ः३० बाइलाइनपुनःप्रसारण८ः५५…

मेष– दौडधुप बढी हुनेछ, पे्रममा प्रगति मिल्नेछ । वृष– नयाँ वस्तु प्राप्ति हुनेछ, मेलमिलापको योग बन्नेछ । मिथुन– सन्तानको सुख…