Logo बैशाख २, २०७८ बिहीबार


उपाधि होड

सहिद स्मृति राष्ट्रिय फुटबल प्रतियोगितामा शनिबार मकवानपुर र क्यामरुनी क्लब दाफिन्स भिँड्दै

पुष्पराज अधिकारी
हेटौंडा ।
दोस्रो संस्करणको भूगर्भ सिमेन्ट सहिद स्मृति राष्ट्रिय फुटबल प्रतियोगिता–२०७५ को उपाधिका लागि क्यामरुनी क्लब दाफिन्स र आयोजकको मकवानपुर–११ शनिबार भिड्दैछन् ।

फाइनलअघि दुवै टोलीले उपाधिमा आ–आफ्नो दावी गरेका छन् । फाइनलअघि भएको प्रिम्याच कन्फ्रेन्समा दुवै टोलीका प्रशिक्षक तथा कप्तानले उपाधि जित्नेमा आफूहरू ढुक्क रहेको प्रतिक्रिया दिएका हुन् । दाफिन्स क्लब मोफासलमा जारी विभिन्न चारवटा राष्ट्रिय प्रतियोगिताको उपाधि जितिसकेको टोली हो भने आयोजकको मकवानपुर–११ उदियमान नेपाली फुटबलर र विदेशी खेलाडीको समीश्रणमा तयार भएको टोली हो ।

फाइनलको यात्रा तय गर्ने क्रममा दाफिन्सले सशस्त्र प्रहरीको एपिएफ र थ्रीस्टार क्लबको चुनौती पन्छाएको थियो । आयोजक मकवानपुर–११ ले मच्छिन्द्र र नेपाल पुलिस क्लबलाई पराजित गरेको थियो । मकवानपुरको मिडफिल्ड र फरवार्ड लाइन केही मजबुत देखिन्छ भने दाफिन्सको मिडफिल्ड र गोलरक्षक सक्षम छन् ।

प्रतियोगिताको उपाधि जित्नेमा आफूहरू ढुक्क रहेको मकवानपुरका प्रशिक्षक विजयलाल श्रेष्ठले दावी गरेका छन् । मकवानपुरका कप्तान अशोक बरालले बलियो भएर मात्र प्रतियोगिताको उपाधि नजितिने दावी गर्दै आफूहरू प्राविधिकरूपमा सक्षम रहेको र त्यसकारण उपाधि जित्ने दावी गरे। ‘फाइनल खेल हो दुवै टोली जित्नका लागि खेल्नेछन् । तर, हामीसँग असाध्यै मेहेनत गर्ने जुनियर खेलाडीहरू रहेका छन् । दाफिन्सका टिम व्यवस्थापक आशिक थापा मगरले आफूहरू उपाधि जित्नेमा ढुक्क रहेको बताउनुभयो ।

मकवानपुर जिल्ला फुटबल संघको आयोजनामा करिब ११ वर्षपछि आयोजित प्रतियोगिताको उपाधि कस्ले जित्छ भन्ने जिज्ञास मेटाउनका लागि रेफ्रिको अन्तिम सिटी कुर्नुको विकल्प छैन । प्रतियोगिताको पहिलो संस्करणको उपाधि थ्रीस्टार क्लबले जितेको थियो ।

प्रतिक्रिया दिनुहोस्
विशेष

राष्ट्रिय परिचयपत्र वितरण कार्यलाई छिट्टै सम्पन्न गरी वायोमेट्रिक प्रणाली औठाछापको माध्यमबाट बेवारिसे शवको पहिचान गरी संख्या शुन्यमा पुर्याउन समितिले निर्देशन…

विपक्षी सांसदहरुले विशेष अधिवेशन आह्वान गर्न माग गर्दै प्रदेश प्रमुख शेरचनलाई निवेदन दिने तयारी गरेका छन् ।

भुसालले भन्नुभयो, 'महन्थ र ओली सबैभन्दा असंगतिला पात्र हुन् । तर, आज आफ्नै पार्टीका नेतालाई लखेटेर महन्थसँग गठबन्धन गरेर सरकार…

अधिवेशन अन्त्य भइसकेपनि नेपाली कांग्रेस, नेपाल कम्युनिष्ट पार्टी (माओवादी केन्द्र) र जनता समाजवादी पार्टी (जसपा)ले अविश्वास प्रस्ताव दर्ता गरेका छन्…

संसदमा पेस भएको संघीय निजामती सेवा विधेयकमा अधिकृत पदमा खुलाबाट ८० प्रतिशत र बढुवाबाट २० प्रतिशत पदपूर्ति गर्ने व्यवस्था गरिएको…

हालसम्म बाँके जिल्लामा कोरोना संक्रमणबाट मृत्यु हुनेको संख्या ५९ पुगेको छ ।