Logo बैशाख ५, २०७८ आइतबार


लगानी सम्मेलन विद्युत र पूर्वाधार विकासमा केन्द्रित

काठमाडौं । काठमाडौमा शुक्रबारदेखि शुरु भएको तेश्रो अन्तर्राष्ट्रिय लगानी सम्मेलनमा विभिन्न बिषयमा छलफल भइरहेको छ । सम्मेलन शनिबार जलविद्युत तथा पूर्वाधार विकास आयोजनामा केन्द्रित भएको छ ।

सम्मेलनमा सरकारले देशका ८ वटा ठूला जलविद्युत परियोजना प्रस्तुत गरेको छ । प्रस्तुत परियोजनाबाट ५ हजार ९ सय ९३ मेगावाट विद्युत उत्पादन गर्ने लक्ष्य छ । विद्युत उत्पादनमा ९ हजार मिलियन अमेरिकी डलर लगानी आवश्यक पर्ने परियोजनाको डिपिआरमा उल्लेख छ ।

सम्मेलनमा नलसिंह गाँड, एसआर–६ स्टोरेज, सुनकोशी –२,सुनकोशी –३, तमोर स्टोरेज,पश्चिम सेती र एसआर –६ ज्वाइन्ट स्टोरेज,पश्चिम सेती स्टोरेज र तल्लो अरुण जलविद्युत आयोजना प्रस्तुत गरिएको छ । समापनसम्म जलविद्युत परियोजनामा लगानी गर्न विदेशी लगानीकर्ता आकर्षित हुने आशा गरिएको छ ।

नेपालमा कूल जलविद्युत उत्पादनको सम्भाव्य क्षमता ८३ हजार मेगावाट रहेको र ४३ हजार मेगावाट विद्युत उत्पादनको प्राविधिक अध्ययन भइसकेको छ । विद्युत विकास विभागका अनुसार मुलुकमा अहिले ९० वटा जलविद्युत परियोजनाबाट १ हजार १६ दशमलव ७ मेगावाट विद्युत उत्पादन भइरहेको छ । १ हजार ५ सय ६८ मेगावाट विद्युत उत्पादन गर्न सम्भाव्यता अध्ययन तथा डिपिआर तयार गरेर २७ परियोजनाले उत्पादन अनुमति पत्र लिएर निर्माण शुरु गरिसकेको छ ।

विभागले १७ हजार ९ सय २२ मेगावाट विद्युत उत्पादन गर्ने सर्भे अनुमति पत्र लिन २ सय ८७ वटा परियोजनाका लागि आवेदन परेको जनाएको छ । विभागले ७ हजार ६ सय ९५ मेगावाट विद्युत उत्पादनका लागि २ सय परियोजनालाई सर्भे अनुमति पत्र प्रदान गरिसकेको छ । सरकारले ‘नेपालीको पानी जनताको लगानी– हरेक नेपालीको जनतामा लगानी ’भन्दै ६ प्रदेशमा १९ वटा जलविद्युत परियोजना निर्माण गर्ने परियोजना अघि सारेको छ ।

५ वर्षमा निर्माण पूरा गर्ने लक्ष्य लिइएको १९ वटा परियोजनामार्फत ३ हजार ४ सय ७९ मेगावाट विद्युत उत्पादन गर्ने लक्ष्य छ । प्रस्तुत परियोजनाको निर्माण सम्पन्न भए एक दशकभित्र १५ हजार मेगावाट विद्युत उत्पादन हुनेछ । २०६५ सालमा पुष्पकमल दfहाल प्रचण्ड प्रधानमन्त्री हुँदा एक दशकभित्र १० हजार मेगावाट विद्युत उत्पादन गर्ने घोषणा गरिएको थियो ।

प्रतिक्रिया दिनुहोस्
विशेष

काठमाडौं । वर्तमान सरकारमा सहभागि हुने या नयाँ गठबन्धन निर्माण गरी अघि बढ्ने भन्ने दोधारमा रहेको जनता समाजवादी पार्टी (जसपा)…

हाल देशको पहाडी भूभागमा आंशिकदेखि सामान्य बदली रही बाँकी भूभागमा आंशिक बदलीको अबस्था रहेको महाशाखाको भनाइ छ।

बोली वचनले साथ दिनेछ। आफन्त भेटघाट हुनेछ। धनको कारोबार बढ्नेछ।

नेकपा एमालेका अध्यक्ष केपी शर्मा ओलीको गृह जिल्ला झापामा एमालेकै वरिष्ठ नेताद्वय झलनाथ खनाल र माधव नेपालसमूहले पार्टी पुनर्गठन गरेको…

३ वटा सुरुङहरु निर्माण गर्नुपर्ने भएकाले नेपालको सन्दर्भमा नयाँ काम चुनौतिपूर्ण छ ।

तनहूँ जिल्लाको नाम तनहूँसुरबाट अप्रभंश भएर रहेको भन्ने किंवदन्ती छ ।