Logo बैशाख ६, २०७८ सोमबार


नेपालका शान प्रितम र आयूष ‘सारेगमप’को टप १४ मा

जोसेफ शाही

काठमाडौं । नेपालका शान प्रितम आचार्य र आयूष केसी विश्चर्चित इन्डियन रियालिटी शो ‘सारेगमप’ को अन्तिम १४ मा प्रवेश गर्न सफल भएका छन् । हजारौं प्रतिभावान बालबालिकाबाट छानिएर प्रितम र आयूष अन्तिम १४ मा आफ्नो स्थान अगोट्न सफल भएका हुन् ।

भारतीय समाजमा गीत संगीत साधनालाई उच्च महत्व दिइन्छ । तोते बोली फुट्ने उमेरमै बच्चालाई संगीत सिकाउन थालिन्छ । भारतको वंगाल प्रान्तमा संगीत साधना नहुने घरमा छोरी नै नदिने सामाजिक मान्यता रहिआएको छ । कठोर संगीत साधनाले खारिएका बालबालिकाको बीचमा आफुलाई अब्बल सावित गर्न सजिलो थिएन । तर नेपाली मेघावी दुई बाल प्रतिभा प्रितम र आयुषले आफुलाई अब्बल साबित गर्न सफल भएका छन् ।

सिन्धुपाल्चोक पुख्र्यौली घर भएका आयूष केसी र ईटहरीका प्रितम आचार्यको भेट सुरशाला आईडलमा भएको थियो । सुरशाला म्यूजिक एकेडमीले आयोजना गरेको सुरशाला आईडलमा आयुष केसी प्रथम र प्रितम आचार्यले दोस्रो स्थान हासिल गरेका थिए । सुरशालाकै विद्यार्थी आयूष र ईटहरीमा संगीतको प्रारम्भिक ज्ञान लिएका प्रितमको प्रतिश्पर्धा भारतीय रियालिटी शो ‘सारेगमप’मा पनि देखिएको छ ।






आयूष केसी र ईटहरीका प्रितम आचार्यको भेट सुरशाला आईडलमा भएको थियो ।

आयूष र प्रितमलाई ‘सारेगमप’को मञ्चमा पुर्याउने प्राविधिक बन्दोबस्त सुरशाला म्यूजिक एकेडेमीले मिलाएको थियो । सुरशाला म्युजिक एकेडेमीको समन्वयमा करिब एकवर्ष पछि अनलाईन अडिशनमार्फत आयुष र प्रितमसहित नेपालबाट १० जना बालप्रतिभा छनोट भएका थिए । दिल्लीमा भएको अडिशनबाट आयूष र प्रितम अन्तिम छनोटमा परेको सुरशाला म्यूजिक एकेडेमीका अध्यक्ष अमृत क्षत्रीले बताउनुभयो ।

आयुष र प्रितमका संगीत गुरु एवं सुरशाला फाउण्डेशनका अध्यक्ष युवा गायक अमृत क्षेत्रीले भन्नुभयो– मेरो लागि दुबै जना बराबर हुन् । दुबैकोे गायन क्षमताको राम्रा पक्षलाई केलाउदै उहाँले भन्नुभयो, ‘दुवैको गायकीको आफ्नै मौलिक शैली छ, प्रितमको खुला गायकी छ र भोकल ओपन छ, अनि आयुषको गायकी सफ्ट छ, मेलोडी भ्वाइश छ ।’

हिन्दी चलचित्र ‘वोर्डर’को ‘सन्दशे आते हैं’ बोलको गीत गाएपछि नेपालमा मात्र होइन भारतमा पनि प्रितमको चर्चा चुलिएको छ । शाहरुख खान अभिनित पछिल्लो चलचित्र ‘जेरो’ को गीत ‘जब तक जहाँ मे सुबह शाम है’ गायकीको दृष्टिकोणबाट निकै गम्भीर प्रकृतिको गीत मानिन्छ । सोही गीत प्रतिकृति हुनेगरी गाएपछि आयुषको गायकीले पनि चौतर्फी प्रशंसा बटुल्यो । एकपछि अर्को गीतमा निखारिएको प्रस्तुति दिँदै दुबै नेपाली बालक ढाका टोपी ढल्काउँदै ‘सारेगमप’मा चम्किएका छन् । आयूष र प्रितमका लागी ‘सारेगमप’ प्रस्तुति दिने मञ्च, संगीत सिक्ने गतिलो पाठशाला र ख्याति कमाउने अवसर बनेको छ ।






नेपाली सुरशाला आईडलमा प्रथम आयुष र दास्रो प्रितमको कस्तो नतिजा आउला ?

‘सारेगमप’मा प्रितम र आयुषको प्रतिष्पर्धा थप रोमाञ्चक हुने देखिन्छ । नेपाली सुरशाला आईडलमा प्रथम आयुष र दास्रो प्रितमको कस्तो नतिजा आउला ? आम नेपालीका लागि थप कौतुहलताको विषय बनेको छ । प्रितम र आयुषलाई सफलताको शुभकामना ।

प्रतिक्रिया दिनुहोस्
विशेष

मृतक स्टाफ नर्स दाङको राप्ती स्वास्थ्य विज्ञान प्रतिष्ठानमा कार्यरत हुनुहुन्थ्यो ।

सामाजिक सञ्जाल फेसबुकमा स्ट्याटसमार्फत कलाकार श्रेष्ठले आफूलगायत परिवारका पाँच जनामा कोरोना संक्रमण पुष्टि भएको बताउनु भएको हो ।

चित्त बुझ्दाे जवाफ नआएको खण्डमा वैशाख १० गते बस्ने बैठकले कारबाही गर्ने निर्णयसमेत गरेको बताइएको छ ।

त्रिवि क्रिकेट मैदान कीर्तिपुरमा भइरहेकाे क्रिकेटमा मलेसियाविरुद्ध नेपालले सानदार जित हासिल गरेकाे छ।

ओली नेतृत्वले गरेका कुनैपनि भेला कोरोना मुक्त हुने तर अरुले गरेका भेलाले कोरोना फैलाउने भन्ने कुरालाई मान्न नसकिने पनि बताउनुभयो…

विवाह, ब्रतबन्ध, मलामीजस्ता कार्यमा २५ जनाभन्दा बढी सहभागी हुन पनि रोक लगाएको छ ।