Nic

फर्केर आउनु जब याद आउँछ मेरो

कविता

–आरोही मादेन

नसोध मलाइ कि
किन प्रश्न गरिनँ तिमीसँग
तिमीले छोडेर जानुमा

किनकी,
यो कुरासँग म पनि निःशब्द थिएँ

कि म भन्दा राम्रो
प्रेमको हकदार हो तिमी

यसरी म हजारौँ शब्दमा
तिम्रो तारिफ गरुँ,
त्यो पनि कम लाग्छ

सायद
यो दुनियाँमा कुनै शब्दै छैन
जो तिम्रो तारिफ गर्न सकूँ !

तिमीलाई याद त छ होला
त्यो सुन्दर पल
त्यो लुकिछुपी गरेको भेटघाट
अनि त्यही पुरानो कसम र वाचा

आशा छ
कि दोहोर्‍याउने छैनौ
कुनै अर्को प्रेमसँग यस्तो भुल

यसरी त जिन्दगी धेरै लामो छ
तर हाम्रो सम्बन्धको आयु कम थियो

थाहा थिएन
कि प्रेम गर्दा यति विघ्न भारी हुन्छ भन्ने
आधी बाटोमै साथ छोड्नु पर्छ भन्ने

रोज्दिनँ थिए यो प्रेमको बाटो
यदि थाहा हुन्थ्यो भने
कि यो टुक्रिएको मुटुको
सहारामा जिउनु पर्छ भन्ने

याद तिम्रो हरेक दिन आउँछ
तर हर काममा दखल दिएर जान्छ
अब यो दखल अन्दाजसित पनि
प्रेम छ मलाइ

किनकी
मसँग सिर्फ तिम्रो याद बाँकी छ

केही कुरो तिम्रो
मलाइ याद आउँछ
मेरो आँखालाई रसाइदिएर जान्छ
आफ्नो हाल सुनाउन कोही छैन

वश
अनुहारमा मुस्कान छ
अनि जिन्दगी यसरी नै
अगाडि बढ्दै जाँदैछ

खुला छ यो अँगालो
फर्केर आउनु जब याद आउँछ मेरो
नसम्झ गलत मलाइ
आज पनि हुँ तिम्रो ।

Janata Tv

प्रतिक्रिया दिनुहोस्
विशेष

प्रधानमन्त्री केपी ओलीले मुलुकभित्र राष्ट्रिय एकता कायम हुन नदिने षडयन्त्र भइरहेको बताउनुभएको छ ।

ट्याङकरले फेरि मान्छे मारेको छ । सिभिल मल अगाडि शुक्रबार पानी बाेक्ने ट्याङकरले किचेर महिलाको मृत्यु भएको छ ।

गृहमन्त्री रामबहादुर थापाले मुलुकमा कम्युनिष्टको बहुमत सरकार बन्नुमा जननेता मदन भण्डारी र जीवराज आश्रितको योगदान रहेको बताउनु भएको छ ।

नेताद्वय मदन भण्डारी र जीवराज आश्रितको २६ औं स्मृति दिवशको अवसरमा प्रधामन्त्रीले नेताद्वयलाई सम्झिनुभएको हो ।

आज जननेता मदन भण्डारी र जीवराज आश्रित स्मृति दिवस । मुलुकभर विभिन्न कार्यक्रम गरी स्मृति गरिँदै छ ।

सेवा आयोगका एक सदस्यले आपत्ति जनाएपछि त्रिभुवन विश्वविद्यालयले सञ्चालन गरेको शाखा अधिकृतको परीक्षा अवरुद्ध भएको हो ।