Nic

‘पार्टीभित्र देउवाको लोकप्रियता खस्किँदै गएको छ’

नेपाली कांग्रेसका अधिकाँश जिल्ला सभापतिले महासमितिको निर्णय अनुसार पार्टी अघि बढ्न नसककोे आरोप लगाउँदै विशेष महाधिवेशन बोलाउन हस्ताक्षर अभियान चलाउने चेतावनी दिएका छन् । केही सभापति महासमितिको निर्णय कार्यान्वयन नहुँदा नेतृत्वप्रति असन्तुष्ट छन् । नेतृत्वप्रति रुष्ट बनेका केही सभापतिले भेला नै गरेर महासमितिको निर्णय कार्यान्वयनको लागि दबाब दिएका छन् । प्रस्तुत छ, यही पेरिफेरीमा नुवाकोटका सभापति जगदीश्वरनरसिंह केसीले जनता समाचार डटकमको लागि नरेश न्यौपानेसँग गर्नुभएको संक्षिप्त कुराकानी :

कांग्रेस जिल्ला सभापतिहरुको भेलाले के के निर्णय गर्यो ?

हामीले पार्टी सभापति र वरिष्ठ नेताज्यूहरुले महासमितिको वैठकमा जनाएका प्रतिवद्धताको कार्यान्वयन चाहेका थियौं । तर आफैले जनाएका प्रतिवद्धतालाई नेताहरुले बिर्सिएपछि हामी जिल्लाका सभापतिहरु पुनः भेला गर्न बाध्य भएका हौं । हामीले केन्द्रीय सदस्यहरु पनि महाधिवेशनमा सहभागी हुन बुथबाटै निवाृचित भएर आउनुपर्ने र समानुपातिक आरक्षण कोटामा मनोनित गर्दा निरन्तर रुपले एकपटकसम्म मात्रै गर्नुपर्ने विषयलाई उठाएका छौं । पार्टीका भातृसंगठन भताभुङ्ग अवस्थामा छन् । भातृसंगठनको समयमै अधिवेशन गरेर नेतृत्व निर्माण गर्नुपर्छ भनेका छौं । सभापतिहरुको हेटौंडा भेलाले अघिल्लो वर्ष नै माग गरेको प्रशिक्षण वर्ष अब आगामी वर्षलाई बनाइयोस् भनेर नेतृत्वको ध्यान आकर्षण गराएको छ । त्यस्तै, पार्टीले सरकारविरुद्ध देशभर जागरण अभियान सञ्चालन गरोस् भनेर सुझाव दिएका छौं ।

तर तपाईहरुको यो भेला, पार्टीका एकपक्षीय सभापतिको मात्रै भयो भनिदैछ नि ?

त्यस्तो होइन । हामीले देशैभरिका सभापतिहरुको भावनालाई समेटेर निर्णय गरेका छौं । विशेष कारणवश भेलामा आउन नसकेका सभापतिहरुको भनाइ पनि यिनै हुन् । हामीलाई पक्ष, विपक्ष वा कुनै गुटको सरोकार छैन । केवल पार्टीको विधानमा जे छ, त्यसको कार्यान्वयन गर्नुपर्छ भन्ने हो । देशभरका सबै सभापतिहरुको धारणा पनि यही हो । उहाँहरु आफ्नो जिल्लाको कार्यक्रममै व्यस्त भएकोले सबैजनाको सहभागिता हुन नसकेको हो ।

महाधिवेशनको पूर्व तयारी त होइन ?

यो भेला त्यस्तो होइन । बरु आगामी महाधिवेशनलाई समयमै सम्पन्न गर्न, हामीले उठाएका विषयलाई विधानमा समावेश गर्न र समयमै क्रियाशील सदस्यताको वितरण गरेर महाधिवेशनको शीघ्र तयारी गर्न पार्टी नेतृत्वलाई सचेत पार्ने उद्देश्यले आयोजना गरिएको हो ।

तर पार्टी नेतृत्वले यहाँहरुले उठाइरहेको विषयलाई खास्सै चासोे लिएको देखिदैन ?

त्यही भएर त हामीले भेला बोलाउनुपरेको हो । नेतृत्वको चाकडीमा व्यस्त दुई चार जना व्यक्तिहरुले पार्टी सञ्चालन गर्न खोज्दा यस्तो अवस्था उत्पन्न भएको हो । देशभरिका जिल्ला सभापतिले दिएका सुझावलाई बेवास्ता गर्दा पार्टीभित्र सभापति शेरबहादुर देउवाको लोकप्रियता खस्किँदै गएको छ छ । नेताको चाकडीमा रमाउनेहरुले नेपाली कांग्रेस बिगारेका छन् । हामी पार्टी सपार्न चाहन्छौं ।

नेतृत्वले यहाँहरुको मागलाई बेवास्ता गर्यो भने के गर्नुहुन्छ ?

५६ जिल्लाका सभापतिहरुकोे फागुन २१ गतेको भेलाले महासमितिको भावनालाई समेट्न लिखित आग्रह गरेको छ । आजसम्म पनि निर्णय नसच्याइएपछि विशेष महाधिवेशनको माग गरिने अल्टिमेटम दिएका छौं । फेरि पनि पार्टीमा विशेष महाधिवेशनको माग गर्नु नपरोस् भन्ने कुरामा हामी सचेत छौं । २३ चैतमा बस्ने केन्द्रीय समितिको बैठकले निर्णय सच्याउने छ भन्ने अपेक्षा छ । तर फेरि पनि हाम्रा मागलाई बेवास्ता गरियो भने ४० प्रतिशत महाधिवेशन प्रतिनिधिको हस्ताक्षर संकलन गरेर पार्टी विधान बमोजिम विशेष महाधिवेशनको माग गरिनेछ ।

Janata Tv

प्रतिक्रिया दिनुहोस्
विशेष

मेष– घरबाहिर व्यस्त भइनेछ । काममा जिम्मेवारी आउनेछ । वृष– भोजनको सुख मिल्नेछ । इष्टमित्रबाट सहयोग पाइनेछ । मिथुन– प्रशन्नता बढ्नेछ ।…

अख्तियार दुरुपयोग अनुसन्धान आयोगले नेपालबाट साउदी अरबमा हज गर्न जाने हज यात्रीहरूको हवाई भाडामा अनियमिता भएको जनाउँदै १० जनाविरुद्ध मुद्दा…

काठमाडौं । ‘लोकसेवा आयोगले स्थानीय तहको कर्मचारी नियुक्तिको लागि खुलाइएको विज्ञापन संविधानसम्मत भएको जनाएको छ । आयोगका प्रवक्ता किरणराज शर्माले…

काठमाडौं । राष्ट्रिय पुनर्निर्माण प्राधिकरणले गोर्खाको बारपाकमा ‘भूकम्प स्मारक पार्क’ बनाउने काम आगामी आर्थिक वर्षबाट शुरु गर्ने स्पष्ट पारेको छ…

नेपाल कम्युनिष्ट पार्टी (नेकपा)का अध्यक्ष पुष्पकमल दाहालले चितवनमा निर्माणधिन गौतमबुद्ध अन्तर्राष्ट्रिय क्रिकेट रंगशालालाई सरकारले आवश्यक सहयोग गर्ने बताउनुभएको छ ।

पक्राउ गर्न खोज्दा थापाले प्रतिकार गरेपछि गोली चलाउनु परेको प्रहरीको भनाई छ ।