आईपीएल क्रिकेटः पञ्जाबको जित, खेलाडी र फ्यानसँग प्रिति

काठमाडौं । इंडियन प्रिमियर लिग (आईपीएल) क्रिकेट अन्तर्गत सोमबार भएको खेलमा किंग्स इलावेन पञ्जाब विजयी भएको छ । घरेलु मैदानमा भएको खेलमा पञ्जाबले सनराइजर्स हैदराबादलाई ६ विकेटले पराजित गरेको हो ।

१ सय ५१ रनको विजयीलक्ष्य पछ्याएको पञ्जाबले ४ विकेट गुमाएर १ बल बाँकी छँदै लक्ष्य पूरा गर्यो । उसका लागि लोकेश राहुलले सर्वाधिक ७१ रनको योगदान गर्दै अविजित रहे । यस्तै मयंक अग्रवाल ५५, क्रिस गेल १६, डेभिड मिलर १ र मन्दीप सिंह २ रनमा आउट हुँदा श्याम करन भने ५ रन खेल्दै अविजित रहे । बलिङतर्फ हैदराबादका सन्दीप शर्माले दुई तथा रशिद खान र सिद्धार्थ कौलले एक–एक विकेट लिए ।

त्यसअघि मोहालीको पञ्जाब क्रिकेट एशोसियसनको आइएस ब्रिन्दा स्टेडियममा टस हारेर पहिला ब्याटिङ गरेको हैदराबादले निर्धारित २० ओभरमा ४ विकेट गुमाएर १ सय ५० रन बनाएको थियो । हैदराबादका लागि डेभिड वार्नरले सर्वाधिक ७० रन बनाएर अविजित रहे । यस्तै जोनी बरिष्ठो १, विजय शंकर २६, मोृहम्मद नाबी १२, मनिष पाण्डे १९ रन बनाएर आउट हुँदा दीपक हुड्डा भने १४ रन बनाएर अविजित रहे । बलिङतर्फ पञ्जाबका रविचन्द्र अश्विनलले दुई विकेट लिए भने मुजिब रहमान र मोहम्मद सामीले समान एक–एक विकेट लिए ।

प्रतियोगितामा ७१ रन बनाएका पञ्जाबका कप्तान लोकेश राहुल प्लेयर अफ द म्याच भए । जितपछि खेलाडीहरुको हौसला बढाउन नायिका एवं किंग्स इलावेन पञ्जाबकी ओनर प्रिती जिन्टा मैदानमा पुगेकी थिइन् र यस्तै उनले खेलाडीसँगै फ्यानहरुसँग पनि समय बिताएकी थिइन् ।

आजको खेल
प्रतियोगिता अन्तर्गत आज डिफेन्डिङ च्याम्पियन चेन्नाई सुपरकिंग्स र कोलकत्ता नाइट राइडर्सबीचको खेल हुनेछ । खेल बेलुकी सवा ८ बजे चेन्नाईको घरेलु मैदानमा हुनेछ । यसअघि चेन्नाई र कोलकत्ता पाँचपटक आमनेसामने हुँदा तीनपटक चेन्नाईले जितेको छ भने दुईपटक कोलकत्ताको पल्लाभारी भएको छ । चेन्नाई महेन्द्रसिंह धोनीको कप्तानीमा मैदान उत्रँदा कोलकत्ता भने दिनेश कार्तिकको कप्तानीमा रहनेछ ।

Janata Tv

प्रतिक्रिया दिनुहोस्
विशेष

प्रहरी हिरासतमा रहेका पत्रकार रवि लामिछाने पक्राउ प्रकरणमा कलाकारहरूले निष्पक्ष छानबिन हुनुपर्ने बताएका छन् ।

रमेश शुभेच्छुको संकलन र सम्पादनमा ‘वर्ष साहित्य पुस्तक–२०७४’ प्रकाशित भएको छ ।

वडा नम्बर ७ का सचिव चेतबहादुर कुँवरलाई बलात्कर आरोप लागेको हो ।

सार्वजनिक सम्पत्तिको रक्षा कसरी गर्ने ? हामीभित्रै  पनि समस्या छन् ।

सर्वसाधारण नागरिकले नेपाली सेनाको पोशाक लगाए कारबाही गरिने भएको छ ।

बूढीगङ्गा नगरपालिकामा चट्याङ लागेर बालिकाको मृत्यु भएको छ ।