Nic

शल्यक्रियापछि आँखाको ज्योति गुम्यो

रामभरोसी यादव

सिरहा । कर्जन्हा नगरपालिका–९ मा फागुनमा सञ्चालित निःशुल्क आँखा शिविरमा शल्यक्रिया गराएका अधिकांशको आँखामा गम्भिर समस्या देखापरेको छ । क्रिश्चियन धर्म प्रचारक संस्था आरटिएन ट्रस्टले आयोजना गरेको शिविरमा दुईसय भन्दा बढी विरामीले उपचार गराएका थिए । उपचार गराएका मध्य शल्यक्रिया गरिएका ७७ जनामध्ये धेरैजसोको आँखामा जटिल समस्या देखिएको हो ।

धमिलो देख्दै आएको आँखा शल्यक्रियापछि देख्नै छाडेको कर्जन्हा– ८, थलहाका कलाम हुसेनले बताए । उनको बाँया आँखा धमिलो देख्दै थियो अप्रेशन पछि पुरै नदेख्ने भएको छ । त्यसमाथि आँखा चिलाउने र दुख्ने समस्याले सताएको उनले जनाए । त्यही ठाउँका ७५ वर्षीय देवलाल राउतको पनि बायाँ आँखा नै अप्रेशन भएको थियो । उनले अप्रेशन गरेकै आँखा देख्न छाडेको छन् ।

कर्जन्हा ८ गौतारीका मेथियाको पासवाले दायाँ आँखाको अप्रेशन भएको बताए । उनले भने, ‘आँखा अप्रेशन गरेर आएकै दिन देखि दुख्ने, चिलाउने र धमिलो देख्ने समस्या बढ्दै गएपछि चिन्तित छु ।’ मेथिया, कलाम र देवलाल मात्र हैन यस गाउँबाट उपचारमा गएका करीव दुई दर्जन विरामी आँखामा फरक प्रकृतिका गम्भिर समस्या देखिएका छन् । धेरैले आँखा नै नदेख्ने र देख्नेहरुको पनि विभिन्न समस्या देखिएको स्थानीय महिला अधिकारकर्मी अनिता पासवानले बताइन् ।

दक्षिण कोरियाबाट आएका करिब ३३ जना स्वास्थ्यकर्मिहरुको समूहले क्रिश्चियन धर्म प्रचारक आरटिएन ट्रस्टको आयोजनामा फागुन १३ देखि १६ गतेसम्म आयोजना गरेको शिविरमा निःशुल्क शल्यक्रिया गरेका थिए । उनीहरुका अनुसार, शिविरमा आँखा जचाउन आएकालाई कोरियन भाषामा निर्देशन दिइएको थियो । शिविरमा कोरीयामा बनेकै औषधि वितरण गरिएकोे पाइएको छ । शल्यक्रिया गरेका कसैलाई पनि विरामीलाई मेडिकल प्रिसकिप्सन दिइएको छैन ।

आयोजक संस्था आरटिएनका उपाध्यक्ष नागेन्द्र पासवानले उपचारमा आएकाहरुमा ठूलो समस्या आएको आफूहरुले थाहा नपाएको बताए । उनले भने, ‘उपचार गरेका सवैलाई ठिक नै हुन्छ भन्ने छैन, केहीमा समस्या आएको हुनसक्छ त्यो हामीसम्म नआइपुगेको छैन ।’ उनले आफूहरुले पूर्ण मानवीय भावनाका साथ शिविरको आयोजना गरेको सुनाए । गाउँमै यसु धर्म मान्नेहरु निःशुल्क आँखा उपचारको प्रचार गर्न आएपछि आफूहरु शिविरमा पुगेको बताए ।

Janata Tv

प्रतिक्रिया दिनुहोस्
विशेष

संसदीय सुनुवाई समितिले सर्वोच्च अदालतका लागि प्रस्तावित पाँच न्यायायाधीशहरुको नाम अनुमोदन गरेको छ । समितिको बिहीबार सिंहदबारमा बसेको बैठकले सर्वोच्च…

वीघाटको पानी यहाँ आउने र त्यसले नुहाएमा अनेकौ चर्मरोग निको हुन्छ भन्ने किंवदन्ती छ ।बाइधारा क्षेत्रमा शीतलामाई र गुहृयेश्वरीको पूजा…

‘२०६२, ०६३ को जनआन्दोलनमा धर्मनिरपेक्षता राजनीतिक दलको एजेण्डा थिएन । ‘जनआन्दोलन सकिएको तीन साता नबित्दै धर्मनिरपेक्षता बनाइयो । यो अत्यन्तै…

मन्त्रिपरिषदको सोमबार बसेको बैठकका निर्णयहरु सार्वजनिक भएका छन् । कर्मचारी समायोजनदेखि समृद्धिको पथमा मुलुकलाई लैजाने सवालका महत्वपूर्ण निर्णय भएका छन्…

खानेपानी मन्त्री बिना मगरले मेलम्ची खानेपानी आयोजनाका बाँकी काम अघि बढाउन देखिएको समस्या छिट्टै समाधान गर्ने बताउनु भएको छ ।…

भारतको ठूलो राज्य उत्तर प्रदेशमा ८ सिट, बिहारमा ५, असम ५, छत्तिसगढ ३, जम्बु कश्मिर २, कर्नाटक १४, महाराष्ट्र १०,…