Logo बैशाख ५, २०७८ आइतबार


चिटिक्क स्वास्थ्यमन्त्री, हिरिक्क अस्पताल (भिडियोसहित)


कान्ति न्यौपाने
काठमाडौं । सरकारले मुलुकका सबै नागरिकलाई स्वस्थ्य बनाउने संकल्प गरेको छ । त्यो स्वास्थ्य तथा जनसंख्या मन्त्रालयको काम हो । उपप्रधानमन्त्री एवं स्वास्थ्य तथा जनसंख्यामन्त्री उपेन्द यादव र राज्यमन्त्री डा सुरेन्द्र यादवले त्यसको नेतृत्व गरिरहनुभएको छ ।

उहाँहरुले स्वास्थ्य मन्त्रालयको नेतृत्व गरेको १ वर्ष भइसकेको छ । मन्त्री तथा राज्यमन्त्रीले दिनहुँ विभिन्न कार्यक्रममा ‘अब उपचार बिना कसैले जीवन गुमाउन नपर्ने, सबै नागरिकलाई स्वस्थ्य पारिने’ अभिव्यक्ति दिने गर्नुभएको छ ।

उहाँले हरेकदिन त्यस्तो अभिव्यक्ति दिइरहे पनि मन्त्रालयदेखि करिब १ किलोमिटर पश्चिमस्थित वीर अस्पतालको अवस्था भने नाजुक छ । वीर मुलुकको जेठो अस्पताल हो । चिकित्सा क्षेत्रको अध्ययन तथा अनुसन्धान गर्नुकाे साथै दक्ष स्वास्थ्यकर्मी उत्पादन गरेर सर्वसाधारणलाई गुणस्तरीय सेवा दिने उदेश्यले सरकारले त्यसलाई ‘राष्ट्रिय चिकित्सा विज्ञान प्रतिष्ठान’ बनाएको छ ।

वीर अस्पतालले मुलुकका नागरिकलाई स्तरीय स्वास्थ्य सेवा दिने उदेश्य लिएको छ तर आफ्नै अवस्था भने उदेक लाग्दो छ । स्वास्थ्य मन्त्रालयले सबै नागरिकलाई आफ्नो घर तथा टोल अगाडि सफा राख्न सूचित गर्छ, योजना बनाउँछ । तर योजना कार्यान्वयनमा प्रभावकारी भूमिका खेल्ने चिकित्सा विज्ञान प्रतिष्ठान अर्थात् वीर अस्पताल यतिखेर आफै अस्वस्थ हुन पुगेको छ । अस्पताल वरपर फोहरका डंगुर थुप्रिएका छन् । वातावरण दुर्गन्धित छ ।

अस्पताल पुग्ने जो कोहीलाई हिरिक्क वान्ता आउला जस्तो हुन्छ । अस्पतालका चिकित्सक तथा कर्मचारी दुर्गन्धित वातावरणमै बिरामीको उपचारमा जुट्न बाध्य छन् । बिरामी दुर्गन्धमै निस्सासिन बाध्य । वीर अस्पताल पुग्दा स्वस्थ्य व्यक्ति समेत बिरामी हुने अवस्था छ । अस्पतालका कर्मचारी पटकपटक आग्रह गर्दा समेत सम्बन्धित निकायले फोहर नउठाएको बताउँछन् ।

माकुराको जालो हटाउन राष्ट्रपतिको करोड !
वीर अस्पताल कुनै बेला मुलुकमै विश्वनीय र प्रतिष्ठित उपचार निकाय बनेको थियो । पंचायतकालमा नागरिक मात्र होइन राजपरिवारका सदस्य समेत उपचारको लागि पहिले त्यहीं जान्थे । अस्पतालमा राजपरिवार, प्रधानमन्त्री र मन्त्री लगायतका बिशिष्ठहरुको उपचारको लागि छुट्टै कोठाको व्यवस्था गरिएको थियो । अस्पतालमा अहिले पनि भीआइपी कक्ष राखिएको छ । विशिष्ठ व्यक्ति उपचारको लागि जाँदा मात्र भिआइपी कक्ष खोल्ने गरिएको छ । डा. राववरण यादव राष्ट्रपति हुँदा उहाँले विभिन्न पटक त्यही उपचार गराउनुभयो । राष्ट्रपति भएर उपचारको लागि पहिलो पटक जाँदा यादवले वीर अस्पतालको अवस्था निरीक्षण समेत गर्नुभएको थियो । राष्ट्रपति यादव पुग्दा पनि अस्पताल अहिलेको भन्दा अलि कम तर दुर्गन्धित अवस्थामै थियो । अस्पतालभित्र ठाउँ ठाउँमा माकुराको जालो झुण्डिएको थियो । अस्पतालको दुरावस्था देखेपछि राष्ट्रपति यादवले व्यवस्थापन पक्षलाई लक्षित गर्दै भन्नु भएको थियो– यो माकुराको जालो हटाउन कति करोड चाहिने हो ?

व्यर्थ भो पद्माको प्रयास
केहीवर्ष यता वीर अस्पतालमा स्वास्थ्य उपकरण बिग्रिएर थन्किएको र दुर्गन्धित भएको समाचार नौलो तथा अनौठो हुन छोडेको छ । वीर अस्पताल दुरावस्थामै रहेको बेला स्याङ्जा क्षेत्र नम्बर २ बाट प्रतिनिधिसभा सदस्य बन्नु भएकी पद्मा अर्याल गत वर्ष जनसंख्या तथा स्वास्थ्यमन्त्री हुनुभयो । अर्यालले मन्त्रालयको कार्यभार समाले लगतै वीर अस्पतालको शौचालय सफा गर्न पुग्नुभयो । त्यसपछि उहाँ मुलुकका अन्य अस्पतालमा समेत आफै सरिक भएर सरसफाई अभियान संचालन गर्नुभयो । विभिन्न अस्पतालमा सरसफाई अभियान चलिरहेकै बेला अर्यालको मन्त्रालय फेरियो । उहाँलाई जनसंख्या तथा स्वास्थ्यबाट भूमि व्यवस्था, गरिबी तथा सहकारी मन्त्रालयको नेतृत्व दिइयो । स्वास्थ्यको नेतृत्व मन्त्री यादवद्वयको भागमा पर्यो । मन्त्रालय यादवद्वयले समालेपछि अस्पताल सरसफाई अभियान सेलायो ।


वीर अस्पतालको शौचालय सफा गर्दै मन्त्री अर्याल, फाइल तस्बिर

कहाँ गए धुर्मुस सुन्तली ?
मन्त्री अर्यालले अस्पताल सरसफाई अभियान संचालन थालेपछि मुलुकका चर्चित कलाकार सिताराम कट्टेल ‘धुर्मस’ कुञ्जना घिमिरे ‘सुन्तली’ ले त्यसमा साथ दिने प्रतिवद्धता जनाउनु भयो । धुर्मस–सुन्तलीले वीर अस्पताल सफाईको जिम्मा लिने र त्यसको लागि कोष बनाउने योजना बन्यो । अहिले त्यो योजना के भएको छ ? योजनाकारलाई नै थाहा होला । वीर अस्पताल भने दुर्गन्धको चपेटामा छ । स्वास्थ्यमन्त्रीद्वयले चिटिक्क भएर मुलुकका सबै नागरिकलाई स्वस्थ्य बनाउने प्रतिद्धता जाहेर गरिरहुनु भएको छ । तर अस्पतालको वातावरणले भने उहाँहरुको प्रतिवद्धतालाई गिज्याईरहेको छ । मन्त्रीद्वय चिटिक्क हुनुहुन्छ तर वीर अस्पताल भने हिरिक्क छ ।


प्रतिक्रिया दिनुहोस्
विशेष

काठमाडौं । वर्तमान सरकारमा सहभागि हुने या नयाँ गठबन्धन निर्माण गरी अघि बढ्ने भन्ने दोधारमा रहेको जनता समाजवादी पार्टी (जसपा)…

हाल देशको पहाडी भूभागमा आंशिकदेखि सामान्य बदली रही बाँकी भूभागमा आंशिक बदलीको अबस्था रहेको महाशाखाको भनाइ छ।

बोली वचनले साथ दिनेछ। आफन्त भेटघाट हुनेछ। धनको कारोबार बढ्नेछ।

नेकपा एमालेका अध्यक्ष केपी शर्मा ओलीको गृह जिल्ला झापामा एमालेकै वरिष्ठ नेताद्वय झलनाथ खनाल र माधव नेपालसमूहले पार्टी पुनर्गठन गरेको…

३ वटा सुरुङहरु निर्माण गर्नुपर्ने भएकाले नेपालको सन्दर्भमा नयाँ काम चुनौतिपूर्ण छ ।

तनहूँ जिल्लाको नाम तनहूँसुरबाट अप्रभंश भएर रहेको भन्ने किंवदन्ती छ ।