Logo बैशाख २, २०७८ बिहीबार


पूर्वप्रधानमन्त्री नेपाल अस्पतालबाट डिस्चार्ज, केहीदिन आराम गर्न डाक्टरको सुझाव


काठमाडौं । पूर्वप्रधानमन्त्री तथा नेपाल कम्युनिष्ट पार्टी(नेकपा)का वरिष्ठ नेता माधवकुमार नेपाल अस्पतालबाट डिस्चार्ज हुनुभएको छ ।

पूर्वप्रधानमन्त्री नेपाल ज्वरो तथा रूघाखोकीको कारण चैत २४ गते महाराजगंजस्थित शिक्षण अस्पताल भर्ना हुनुभएको थियो । ज्वरो तथा रूघाखोकी निको भएपछि अस्पतालबाट बुधबार बिहान घर फर्कनु भएको हो ।

घर फर्किनेक्रममा उहॉले उपचारमा संलग्न डा सन्तकुमार दास, डा निरज बम र डा सबिन थपलिया सहितको चिकित्सक टोली, नर्स र अस्पताल प्रशासनलाई बिशेष धन्यवाद दिनुभएको छ । चिकित्सकले उहाँलाई एक साता घरमै आराम गर्न सल्लाह दिएका छन् । चिकित्सकले केही दिन आराम गर्नू भनेपछि पूर्वप्रधानमन्त्री नेपालको सचिवालयले एक सातासम्म नेता तथा कार्यकर्ताको भेटघाट बन्द गरिएको जनाएको छ ।

नेता नेपालले उपचाररत अवस्थामा भेटेर तथा विभिन्न किसिमले स्वास्थ्यलाभको कामना गर्नुहुने राष्ट्रपति, उपराष्ट्रपति, प्रधानमन्त्री, सभामुख, उपसभामुख, राष्ट्रियसभा अध्यक्ष, उपप्रधानमन्त्री, पार्टी अध्यक्ष, मन्त्री र सांसदसहित विभिन्न नेता तथा कार्यकर्ता, कर्मचारी, सुरक्षाकर्मी र शुभेच्छुकप्रति आभार प्रकट गर्नुभएको छ ।

प्रतिक्रिया दिनुहोस्
विशेष

विपक्षी सांसदहरुले विशेष अधिवेशन आह्वान गर्न माग गर्दै प्रदेश प्रमुख शेरचनलाई निवेदन दिने तयारी गरेका छन् ।

भुसालले भन्नुभयो, 'महन्थ र ओली सबैभन्दा असंगतिला पात्र हुन् । तर, आज आफ्नै पार्टीका नेतालाई लखेटेर महन्थसँग गठबन्धन गरेर सरकार…

अधिवेशन अन्त्य भइसकेपनि नेपाली कांग्रेस, नेपाल कम्युनिष्ट पार्टी (माओवादी केन्द्र) र जनता समाजवादी पार्टी (जसपा)ले अविश्वास प्रस्ताव दर्ता गरेका छन्…

संसदमा पेस भएको संघीय निजामती सेवा विधेयकमा अधिकृत पदमा खुलाबाट ८० प्रतिशत र बढुवाबाट २० प्रतिशत पदपूर्ति गर्ने व्यवस्था गरिएको…

हालसम्म बाँके जिल्लामा कोरोना संक्रमणबाट मृत्यु हुनेको संख्या ५९ पुगेको छ ।

घाइते तामाङको विएण्डसी अस्पतालमा उपचार भइरहेको जिल्ला प्रहरी कार्यालय झापाले जनाएकाे छ।