Logo बैशाख ६, २०७८ सोमबार


नागरिकता वितरण बन्द गर्नु अदालतको कमजोरी

विनु तिम्सिना
मोरङ ।
प्रदेश १ का प्रदेशसभा सदस्य एवम् संघीय समाजवादी फोरम संसदीय दलका नेता जयराम यादवले वितरण शुरु भएको नागरिकता बन्द गर्नु अदालतको कमजोरी भएको बताउनु भएको छ ।

प्रदेशसभाको बुधबार बसेको बैठकमा शून्य समय लिएर बोल्दै नेता यादवले अदालतले जनताको चाहना र आवश्यकताका आधारमा पुनः नागरिकता वितरणको काम सुरु गर्नुपर्ने माग गर्नुभयो । २०६३ सालमा सरकारले जन्मसिद्धका आधारमा नागरिकता दिएकाको सन्तानलाई वंशजको नागरिकता वितरण गर्न गृहमन्त्रालयले गरेको परिपत्र सर्वोच्चले बदर गरेको थियो । त्यसपछि नागरिकता पाउने आशामा बसेका नागरिकहरु राज्यबिहीनताको अवस्थामा पुगेको यादवको दाबी थियो ।

यस्तै शून्य समय लिएर बोल्दै धनकुटाका सांसद निरन राईले जोगवनी किमाथांका सडकको धरान देखि हिलेसम्म पनि सिक्स लेनको बताउन माग गर्नुभयो । लामो समयदेखि विराटनगर रानी देखि धरानसम्म सिक्स लेनको सडक निर्माण गर्ने काम धमाधम भइरहँदा धरानदेखि धनकुटा हिलेसम् मभने डिपिआर समेत नभएको भन्दै उहाँले आवश्यक पहल गर्न प्रदेश सरकारलाई आग्रह गर्नुभयो ।

यस्तै शून्य समयमा बोल्दै सांसद कूलप्रसाद साम्बाले मोरङको उर्लाबारी क्षेत्रमा क्रसर उद्योगको नाममा प्राकृतिक स्रोतको दोहन भइरहेको भन्दै त्यसलाई रोक्न माग गर्नुभयो । सांसद बिनादेवी राईले ज्येष्ठ नागरिकहरुले सार्वजनिक यातायात र अस्पतालमा पाउने छुट अझै नपाएको भन्दै सरकारको ध्यानाकर्षण गराउनु भएको छ । सांसद विमल कार्कीले उदयपुरस्थित बेलेपुरमा रहेको सप्तकोशी किनारको क्षेत्र पुरातात्विक महत्वको रहेको भन्दै उत्खनन् र अनुसन्धान गर्न आग्रह गर्नुभयो । उक्त क्षेत्र सिन्धु घाँटीको सभ्यता जत्तिकै महत्वपूर्ण रहने कार्कीको दाबी थियो ।

बुधबारको संसद बैठकले आन्तरिक मामिला तथा कानून मन्त्रालयले पेश गरेको प्रदेश सुशासन कायम गर्न बनेको विधेयकमाथि आवश्यक संशोधन सहितको प्रतिवेदन सुशासन तथा विधायन समितिले पेश गरेलगत्तै पारित गरेको छ । संसदको अर्को बैठक बिहीबार दिउँसो १ बजे बस्ने गरी टुंगिएको छ ।

प्रतिक्रिया दिनुहोस्
विशेष

सामाजिक सञ्जाल फेसबुकमा स्ट्याटसमार्फत कलाकार श्रेष्ठले आफूलगायत परिवारका पाँच जनामा कोरोना संक्रमण पुष्टि भएको बताउनु भएको हो ।

चित्त बुझ्दाे जवाफ नआएको खण्डमा वैशाख १० गते बस्ने बैठकले कारबाही गर्ने निर्णयसमेत गरेको बताइएको छ ।

त्रिवि क्रिकेट मैदान कीर्तिपुरमा भइरहेकाे क्रिकेटमा मलेसियाविरुद्ध नेपालले सानदार जित हासिल गरेकाे छ।

ओली नेतृत्वले गरेका कुनैपनि भेला कोरोना मुक्त हुने तर अरुले गरेका भेलाले कोरोना फैलाउने भन्ने कुरालाई मान्न नसकिने पनि बताउनुभयो…

विवाह, ब्रतबन्ध, मलामीजस्ता कार्यमा २५ जनाभन्दा बढी सहभागी हुन पनि रोक लगाएको छ ।

हिजो मात्रै देशभर गरी संक्रमितको संख्या एक हजार नाघेको छ। काठमाडौं उपत्यकामा मात्रै पाँच सयको हाराहारीमा संक्रमण फैलिएको छ ।