Logo बैशाख १, २०७८ बुधबार


जंगली जनावरको आतंक, एक्लै हिँड्नै मुस्किल

सुखिलाल चौधरी
उदयपुर । बढ्दो वन विनाशसँगै जंगली जनावरको बासस्थान डढेलोले मासिँदै जान थालेपछि जंगली जीवजन्तुहरु गाउँ पसेर आतंक मच्चाउन थालेका छन् । गएको एक महिनाभित्र जंगली जनावरको बासस्थान तथा आहार डढेलोले मासिन थालेपछि बाँदर, भालु, बदेल, हात्ती लगायतका जनावरहरु गाउँमा पसेर आतंक मचाउन थालेका हुन् ।

फागुन २८ गते कटारी नगरपालिका –१ बस्ने ७७ वर्षीय वृद्ध नैनबहादुर पहाडी नेवार घाँस काट्न जंगल गएको समयमा भालुको आक्रमणबाट घाइते भएका थिए । घर नजिकैको जंगलमा वृद्ध नेवारलाई भालुले आक्रमण गरेको थियो । उनको विराट नर्सिङ होम विराटनगरमा उपचार भैरहेको छ ।

चैत ९ गते चौदण्डीगढी नगरपालिका– ५ सिवाईमा भालुको आक्रमणबाट स्थानीय २६ वर्षीय घुरन सदाय र अर्का २५ वर्षीय मनिस राई घाइते भएका थिए ।

‘एक्लै हिड्डुल गर्नैहुन्न झम्टिहाल्छ । बारीमा लगाएको खेती त नष्ट गर्यो, घरमा राखेको अन्न पनि लिएर जान्छ, वडा अध्यक्ष निरबहादुर आले मगरले भन्नुभयो, ‘भान्छामा पकाएर राखेको भातसमेत खाइदिने गरेकाले दिउँसै ढोका थुनेर बस्नु परेको छ ।’

डिभिजन वन कार्यालय गाईघाट प्रमुख विष्णुप्रसाद आचार्यका अनुसार ६० भन्दा बढी सामुदायिक वन गरी करिव सात हजार हेक्टर वन क्षेत्रमा डढेलो लागेको थियो । वन्य जन्तु क्षतिपूर्ति राहत निर्देशिका २०७३ ले १४ प्रकारका वन्यजन्तुले क्षति पुर्याए वापत् किसानले राहत पाउने व्यवस्था नीतिगत रुपमै राखिएको भएपनि बाँदरको विषयमा कुनै व्यवस्था नरहेको डिभिजन प्रमुख आचार्यले बताउनुभयो ।

बाँदर नियन्त्रण रणनीतिबारे सुझावको लागि प्रदेश नम्बर १ का उद्योग, पर्यटन, वन, तथा वातावरण मन्त्रालयले प्रभावित क्षेत्र तथा अन्य बाँदर नियन्त्रण सम्बन्धि सुझाव माग गरिएकोले यस कार्यालयले केही सुझाव पठाएको डिभिजन प्रमुख आचार्यले जानकारी दिनुभयो ।

बाँदर नियन्त्रण कार्ययोजना प्रदेश मन्त्रालयमा पेश
डिभिजन वन कार्यालय गाईघाटले प्रदेश नम्बर १ का उद्योग, पर्यटन, वन, तथा वातावरण मन्त्रालयमा बाँदर नियन्त्रण कार्ययोजना पेश गरेको छ । कार्ययोजनामा बाँदर नियन्त्रणदेखि पड्का पडकाएर धपाउनेदखि समातेर निकुञ्ज र आरक्षणमा छोडनेसम्मको योजना रहेको डिभिजन वन कार्यालय गाईघाटका सूचना अधिकारी जागेश्वर प्रसाद साहले बताउनुभयो । सूचना अधिकारी साहका अनुसार त्रियुगा, चौदण्डीगढी र बेलका नगरपालिकामा बाँदरको बास स्थानलाई लक्षित गरेर बाँदरले मन पराउने विरुवा/घाँस रोपण तथा सम्वद्र्धन कार्यक्रम गर्न मन्त्रालयलाई पत्रचार गरेको बताउनुभयो ।

काठ तस्कर, वन्यजन्तुको चोरी निकासी गर्ने, नयाँ घास पलाउने भन्दै गाई गोठालाले वनमा डढेलो लगाउने गरेको उहाँको भनाइ छ । दुष्ट मनस्थितिका मानिसहरु चुरोट, विडीका पारखीहरुले चुरेट खाएर जताभावी जलेको चुरोट ठुटा फाल्ने गरेकोले जंगलमा डढेलोले जैविक विविधता नष्ट हुने, जंगली जीवजन्तु जलेर जानुको साथै जंगली जनावरको आहारसमेत नष्ट भएको छ ।

प्रतिक्रिया दिनुहोस्
विशेष

काठमाडौं । विभाजनको संघारमा रहेको नेकपा (एमाले) का दुवै समूह पृथक ढंगले अघि बढिरहे पनि भित्र/भित्रै केही नेताहरु पार्टी एकढिक्का…

राती देशका पहाडी भूभागमा आंशिक बदली रही बाँकी भूभागमा मौसम सामान्यतया सफा रहने महाशाखाले जनाएको छ।

सन्तानबाट धनको सुख पाइनेछ। व्यापारमा लाभ हुनेछ। परिश्रमको फल मिल्नेछ।

कम लागतमा धेरै फाइदा लिन सकिने हुँदा माहुरी पालन पेशा फाईदाजनक भएको खत्रीकाे भनाइ छ ।

जतिसुकै नयाँ बीमा योजना ल्याएपनि यी समस्यालाई समाधान नगरेसम्म बीमा बजारको विस्तार हुन नसक्ने उहाँकाे भनाइ थियाे ।

कोरोना सङ्क्रमण पुष्टि भएसँगै कोभिड सघन उपचार कक्षमा उपचाररत उनको आज बिहान मृत्यु भएको स्वास्थ्य कार्यालय चितवनका प्रमुख दीपक तिवारीले…