Logo बैशाख ६, २०७८ सोमबार


नेकपामा उपत्यका बिशेष कमिटी घोषणा तयारी

चन्द्रागिरीमा अध्यक्षद्वय र महासचिवसहित एकताबारे छलफल


काठमाडौं । चन्द्रागिरीमा नेपाल कम्युनिष्ट पार्टी(नेकपा) नेतृत्वको बिहिबार बेलुकीदेखि भएको छलफल अझै जारी छ ।

एकता छिनोफानोको लागि शान्त वातावरण खाज्दै प्रधानमन्त्री केपी ओली, अध्यक्ष पुष्पकमल दाहाल प्रचण्ड, महासचिव विष्णु पौडेल र सचिवालय सदस्य तथा गृहमन्त्री रामबहादुर थापा ‘बादल’ चन्द्रागिरी पुग्नु भएको हो ।

उहाँहरुबीच एकतालाई अन्तिम रुप दिने तयारीको साथै मन्त्रीहरुको कार्यशैलीबारे समीक्षा भइरहेको स्रोतले जनाएको छ । नेकपा सचिवालयले काठमाडौं उपत्यका विशेष कमिटी घोषणा गर्न बाँकी छ । प्रदेश कमिटी सरह मानिएको उपत्यका विशेष कमिटीको सूची चन्द्रागिरी छलफलले टुंग्याउने स्रोतको भनाई छ ।

छलफलमा वरिष्ठ नेताद्वय माधवकुमार नेपाल र झलनाथ खनाल भने सहभागी हुनुहुन्न । नेता नेपाल अस्वस्थताको कारण छलफलमा सहभागी नहुनु भएको हो । ३ दिनको अस्पताल बसाइपछि बुधबार घर फर्कनु भएका उहाँलाई चिकित्सकले केही दिन आराम गर्न सुझाव दिएका छन् । वरिष्ठ नेता नेपाल छलफलमा सहभागी नभए पनि उपत्यका बिशेष कमिटीमा राखिनेको सूची उहाँलाई केहीदिन अघि महासचिव पौडेलले देखाइसक्नु भएको स्रोतले जनाएको छ ।

विगतमा वरिष्ठ नेता नेपालसँग सल्लाह नगरी कमिटी बनाउँदा त्यसले विवादसमेत भएको थियो । त्यहीकारण अहिले भने महासचिव पौडेलले उहाँसँग सहमति लिएर कमिटी सूची बनाउनु भएको हो । उपत्यकाका बिशेष कमिटीको सूची भने नेतृत्वले अहिलेसम्म गोप्य राखेको छ । नेकपाले उपत्यका बिशेष कमिटी नयाँ वर्षसँगै घोषणा गर्ने तयारी गरेको छ । उपत्यका बिशेष कमिटी घोषणपछि नेकपामा केन्द्रले गर्ने एकताको कार्य पूरा हुनेछ ।

केन्द्रीय नेतृत्व त्यसपछि प्रदेश कमिटीको शपथमा जुट्ने छ । प्रदेश १ र ३ को शथप भइसकेको छ । अब सुदुरपश्चिम, कर्णाली, गण्डकी र प्रदेश ५ को शपथ हुन बाँकी छ । नेकपाको सबै जिल्ला कमिटी गठन भइसकेको छ । अधिकांश जिल्लामा निर्वाचन क्षेत्र, नगर र गाउँ कमिटीसमेत बनिसकेका छन् तर प्रदेशको शपथ नहुँदा प्रदेश कमिटीको शपथ नहुँदा ती सबै कमिटीले औपचारिक रुपमा सार्वजनिक हुन पाएका छैनन् । प्रदेश कमिटीको शपथ लगतै ती सबै कमिटी औपचारिक रुपमा घोषणा हुनेछन् । प्रधानमन्त्री एवं अध्यक्ष ओलीले सबै तह एकीकरण कम्युनिष्ट पार्टी स्थापना दिवस अगावै टुंगिने बताउँदै आउनुभएको छ ।

नेकपाले मदन आश्रित स्मृति दिवस पारेर गएको जेष्ठ ३ गते केन्द्रमा एकता घोषणा गरेको थियो । केन्द्रमा एकता घाषणासँगै सबै तहको एकता ६ महिनाभित्रै टुंग्याउने भनिएको थियो । तर प्रदेश र जिल्ला तहका पदाधिकारी कसकस्लाई राख्ने भन्ने शीर्ष नेताहरुबीच असहमति भएपछि एकता लम्बिएको हो । त्यहीकारण नेतृत्वलाई प्रदेशदेखि स्थानीय तहको कमिटी तोक्न हम्मेहम्म्मे परेको हो । अब भने विवाद क्रमश समाधान हुँदै गएको छ ।

प्रतिक्रिया दिनुहोस्
विशेष

सामाजिक सञ्जाल फेसबुकमा स्ट्याटसमार्फत कलाकार श्रेष्ठले आफूलगायत परिवारका पाँच जनामा कोरोना संक्रमण पुष्टि भएको बताउनु भएको हो ।

चित्त बुझ्दाे जवाफ नआएको खण्डमा वैशाख १० गते बस्ने बैठकले कारबाही गर्ने निर्णयसमेत गरेको बताइएको छ ।

त्रिवि क्रिकेट मैदान कीर्तिपुरमा भइरहेकाे क्रिकेटमा मलेसियाविरुद्ध नेपालले सानदार जित हासिल गरेकाे छ।

ओली नेतृत्वले गरेका कुनैपनि भेला कोरोना मुक्त हुने तर अरुले गरेका भेलाले कोरोना फैलाउने भन्ने कुरालाई मान्न नसकिने पनि बताउनुभयो…

विवाह, ब्रतबन्ध, मलामीजस्ता कार्यमा २५ जनाभन्दा बढी सहभागी हुन पनि रोक लगाएको छ ।

हिजो मात्रै देशभर गरी संक्रमितको संख्या एक हजार नाघेको छ। काठमाडौं उपत्यकामा मात्रै पाँच सयको हाराहारीमा संक्रमण फैलिएको छ ।