‘नेपाल अन्तरिक्ष युगमा प्रवेश’

काठमाडौं । प्रधानमन्त्री केपी ओलीले नेपाल अन्तरिक्ष युगमा प्रवेश गरेको बताउनुभएको छ । प्रधानमन्त्री ओलीले मुलुकको श्रीबृद्धिका लागि कटिबद्ध वैज्ञानिकहरुको समुहलाई धन्यवाद दिनुभएको छ ।

उहाँले आफ्नै स्याटलाइट अन्तरिक्षमा पठाइएपछि सफल परीक्षणको शुभकामना समेत व्यक्त गर्नुभएको छ । प्रधानमन्त्री ओलीले बिहीबार बिहान ट्वीट गर्दै स्याटलाइट निर्माणले नेपालको प्रतिष्ठा बढेको बताउनुभएको छ । सानै आकारको भए पनि नेपाली भूउपग्रह अन्तरिक्षमा पठाइएपछि विश्वभर छरिएका नेपालीले खुशी व्यक्त गर्दै सामाजिक सञ्जालमा आफ्ना धारणा राखिरहेका छन् ।

बिहीबार बिहान साढे २ बजे अमेरिकाको भर्जिनियाबाट नेपालको भूउपग्रह ‘नेपालीस्याट–१’ अन्तरिक्षमा प्रक्षेपण गरिएको छ । यसको तौल झण्डै एक किलोग्राम छ । नेपाली भूउपग्रहलाई एन्टारेस नामक वायुयानभित्र रहने सिग्नस कार्गो विमानमा राखेर अन्तरिक्षमा पठाइएको छ । नेपाली भूउपग्रह निर्माणमा जापानस्थित नेपाली वैज्ञानिक आभाष मास्केलगायत संलग्न हुनुहुन्थ्यो ।

Janata Tv

प्रतिक्रिया दिनुहोस्
विशेष

प्रहरी हिरासतमा रहेका पत्रकार रवि लामिछाने पक्राउ प्रकरणमा कलाकारहरूले निष्पक्ष छानबिन हुनुपर्ने बताएका छन् ।

रमेश शुभेच्छुको संकलन र सम्पादनमा ‘वर्ष साहित्य पुस्तक–२०७४’ प्रकाशित भएको छ ।

वडा नम्बर ७ का सचिव चेतबहादुर कुँवरलाई बलात्कर आरोप लागेको हो ।

सार्वजनिक सम्पत्तिको रक्षा कसरी गर्ने ? हामीभित्रै  पनि समस्या छन् ।

सर्वसाधारण नागरिकले नेपाली सेनाको पोशाक लगाए कारबाही गरिने भएको छ ।

बूढीगङ्गा नगरपालिकामा चट्याङ लागेर बालिकाको मृत्यु भएको छ ।