Nic

लाइसेन्सको बीचमा ५ सयको नोट च्यापेर दिएपछि मुुसुक्क हाँसेर ट्राफिकले इन्ट्री गरे

काठमाडौं । ‘दुई जना चालक छन् ?’

भीमदत्त राजमार्गको बुडर सडक खण्डको धारापानी नजिक गस्तीमा रहेका ट्राफिक प्रहरीले सोधेपछि बसका सहायकले दुईवटा लाइसेन्सको बीचमा ५ सयको नोट च्यापेर दिए । मुसुक्क हाँसेर ट्राफिकले इन्ट्री गरे । गाडीका कागजपत्र र लाइसेन्ससमेत नहेरी फर्काए । त्यसपछि शुरु भयो दार्चुलादेखि राजधानीसम्मको करिब १ हजार किलोमिटरको बस यात्रा ।

केहीअघि डडेलधुराको स्याउले ट्राफिक पोस्टमा इन्ट्री गर्दा २२ यात्रुमात्र रहेको बताइयो । त्यहाँबाट ३ किलोमिटर दुरीमा रहेको सल्लाघारीमा दुर्घटना भयो । उद्धारका क्रममा ५३ यात्रु भेटिए । अझ यात्रुभन्दा ब्यापारिक सामानको भारी भेटियो । धनगढीबाट अछामका लागि हिडेँको उक्त बसले स्याउलेबाहेक अन्य ६ वटा ट्राफिक पोस्ट पार गरिसकेको थियो ।

बुधबार डडेलधुराको साहुखर्ककमा ६ जनाको मृत्यु हुने गरी भएको दुर्घटनामा परेको बसले पनि ५ वटा ट्राफिक प्रहरी पोस्ट पार गरेको थियो । ३२ यात्रु बोक्ने क्षमता भएको उक्त बसमा पनि ५० यात्रु र ८० क्विन्टलभन्दा बढी ब्यापारिक सामानको लोृड थियो । शुक्रबार महेन्द्रनगरबाट बैतडीका लागि छुटेको यात्रुवाहक बस डोटीको रुपसकाँडामा दुर्घटना भयो । १३ जना घाइते भए । उक्त बसमा पनि क्षमताभन्दा बढी सामान र यात्रु रहेको प्रहरीले जनाएको छ ।

नियमनकारी निकाय, यातायात व्यवसायी र सवारी साधन सञ्चालन गर्ने कर्मचारीको लापरबाहीका कारण भीमदत्त राममार्गमा औसतमा दैनिक २ वटा सवारी दुर्घटना हुने गरेको छ । पछिल्लो साता औसमतमा हरेक साता ५ जनाको मृत्यु हुने गरेको छ ।, आजको कान्तिपुर दैनिकमा समाचार छ ।

Janata Tv

प्रतिक्रिया दिनुहोस्
विशेष

प्रधानमन्त्री केपी ओलीले मुलुकभित्र राष्ट्रिय एकता कायम हुन नदिने षडयन्त्र भइरहेको बताउनुभएको छ ।

ट्याङकरले फेरि मान्छे मारेको छ । सिभिल मल अगाडि शुक्रबार पानी बाेक्ने ट्याङकरले किचेर महिलाको मृत्यु भएको छ ।

गृहमन्त्री रामबहादुर थापाले मुलुकमा कम्युनिष्टको बहुमत सरकार बन्नुमा जननेता मदन भण्डारी र जीवराज आश्रितको योगदान रहेको बताउनु भएको छ ।

नेताद्वय मदन भण्डारी र जीवराज आश्रितको २६ औं स्मृति दिवशको अवसरमा प्रधामन्त्रीले नेताद्वयलाई सम्झिनुभएको हो ।

आज जननेता मदन भण्डारी र जीवराज आश्रित स्मृति दिवस । मुलुकभर विभिन्न कार्यक्रम गरी स्मृति गरिँदै छ ।

सेवा आयोगका एक सदस्यले आपत्ति जनाएपछि त्रिभुवन विश्वविद्यालयले सञ्चालन गरेको शाखा अधिकृतको परीक्षा अवरुद्ध भएको हो ।