सुर्तीजन्य पदार्थ ऐन कडाई गर्न माग

काठमाडौं । सुर्तीजन्य पदार्थका विरुद्ध ऐन–२०६८ लागु गरे हजारौं मानिसलाई क्यान्सरलगायत नसर्ने रोगबाट बचाउन सकिने सरोकारवालाहरुले बताएका छन् ।

बुधबार ललितपुरस्थित् क्वेष्ट इन्टरनेश्नल कलेजमा क्यान्सर काउन्सिल नेपालले आयोजना गरेको ‘सुर्तीजन्य पदार्थ रोकथाम तथा जनचेतनामूलक’ कार्यक्रममा बोल्दै बरिष्ठ क्यान्सर रोग विशेषज्ञ प्राडा विष्णुदत्त पौडेलले सरकारले कडाइकासाथ ऐन कार्यान्वयन गर्नुपर्नेमा जोड दिएका हुन् ।

‘नेपालमा प्रत्येक वर्ष ३५ हजारले सुर्तीजन्य पदार्थको सेवनको कारणले अकालमा ज्यान गुमाउनु परेको छ’, पौडेलले भन्नुभयो, ‘लाखौं रुपैयाँ क्यान्सर तथा नसर्ने रोगहरुको उपचारमा खर्चिनु परिरहेको छ ।’ गलत संगतका कारण किशोरकिशोरीहरूले सुर्तीजन्य पदार्थ सेवनको लतमा लाग्ने भएकाले ऐन कडाइका साथ कार्यान्वयन गर्न सकिए समस्याबाट मुक्ति पाउन सकिने पौडेलको भनाई थियो ।

क्यान्सरलगायत नसर्ने रोगका रोकथामका लागि जनचेतनामूलक कार्यक्रम नागरिकस्तरबाटै अभियानका रुपमा चलाउनु पर्ने काउन्सिलका अध्यक्ष्य रुद्रलाल कडरियाको भनाई थियो ।

‘यस्ता कार्यक्रमहरुमार्फत मुटु र क्यान्सरलगायत नसर्ने रोगहरुको उपचारमा लाग्ने खर्चसमेत न्यूनीकरण गर्न सकिन्छ’ कडरियाले भन्नुभयो, ‘विगत लामो समयदेखि स्कुल तथा कलेजहरुमा विभिन्न सचेतनामूलक कार्यक्रमहरु अभियानका रुपमा सञ्चाल गर्दै आइरहेका छौं ।’

Janata Tv

प्रतिक्रिया दिनुहोस्
विशेष

मेष– धनको श्रोत जुट्नेछ । व्यवसायमा राहत मिल्नेछ । वृष– पहिचान स्थापित हुनेछ । राजनीतिमा अवसर पाइनेछ । मिथुन–परोपकारमा मन जानेछ ।…

घरमा श्रीमान् श्रीमतीको झगडा भयो भने दिक्क मान्ने ? अहिलेको भनाभन त्यही हो ।

प्रतिनिधिसभा अन्तरगतकाे विकास तथा प्रविधि समितिले जोरपाटी, साँखु सडक निर्माण स्थलगत अनुगमन गरेको हो ।

नेपाली कांग्रेसका भक्तपुर सभापति दुर्लभकुमार थापाले क्यान्सर अस्पताल नगर हस्तक्षेत्र गरिएको बताउनु भएको छ ।

पूर्व प्रधानमन्त्री तथा नेपाली कांग्रेसका सभापति शेरबहादुर देउवाले गौरा पर्वको शुभकामना व्यक्त गर्नुभएको छ ।

भू–उपयोग विधेयक राष्ट्रपति विद्यादेवी भण्डारीले शुक्रबार स्वीकृत गर्नुभएको हो ।