Nic

पाँच घण्टामा चार दुर्घटना, चारजनाको मृत्यु

काठमाडौं । करिब ५ घण्टाको अवधिमा भएका ४ वटा छुट्टाछुट्टै सवारी दुर्घटनामा परी ४ जनाको मृत्यु भएको छ । बिहीबार दिउसो साढे ३ बजेदेखि ७ः४० बजेसम्मको अवधिमा कन्चनपुर, सिन्धुली र बाँकेमा भएका दुर्घटनामा ४ जनाको ज्यान गएको हो ।

कञ्चनपुरको बेलौरी नगरपालिका(७ ठुलो सिमपुरस्थित सडकमा से १ त १०८३ नम्बरको ट्याक्टरले खेलिरहेको अवस्थामा ठक्कर दिँदा गम्भीर घाइते भएका सोही ठाउँ बस्ने सुन्दर प्रसाद चौधरीको १२ वर्षीय छोरा अनुकुल चौधरीको सेती अंचल अस्पताल धनगढी कैलालीमा उपचारको क्रममा मृत्यु भएको छ । फरार चालकको प्रहरीले खोजी गरिरहेको छ ।

सिन्धुलीको कमलामाई नगरपालिका–८ सिस्नेरीस्थित बिपि राजमार्गमा ज ६ प ७४६१ नम्बरको मोटरसाइकल अनियन्त्रित भई दुर्घटना हुँदा गम्भीर घाइते भएका मोटरसाइकल चालक कमलामाई नगरपालिका–१० भिमान बस्ने २७ वर्षीय युवराज चौलागाईलाई उपचारको लागि मोडल अस्पताल लालगढ धनुषातर्फ लैजाने क्रममा बाटोमै मृत्यु भएको छ । दुर्घटनामा घाइते भएका मोटरसाटइकलमा सवार मोरङ उर्लावारी नगरपालिका–९ बस्ने २८ वर्षीया जमुना श्रेष्ठको सोही अस्पतालमा उपचारको भइरहेको छ ।

सिन्धुलीकै फिक्कल गाउँपालिका–१ भेंडीखोरस्थित सडकमा ना ७ त २२०५ नम्बरको ट्याक्टरको ट्रेलरबाट खसेर सोही ठाउँ बस्ने नारायण बहादुर सुनुवारको ११ वर्षीय छोरा तारा बहादुर सुनुवार घटनास्थलमै मृत्यु भएको छ । फरार चालकको प्रहरीले खोजी गरिरहेको छ ।

यसैगरी ललितपुर बाग्मती गाउँपालिका–३ पाङदुरगैरा भट्टेडाँडास्थित सडकमा बा ४९ प ७२०९ नम्बरको मोटरसाइकल अनियन्त्रित भई दुर्घटना हुँदा मोटरसाइकल चालक बाग्मती गाउँपालिका – २ मल्टा बस्ने २६ वर्षीय भिम बहादुर जिम्बाको घटनास्थलमै मृत्यु भएको छ । दुर्घटनामा घाइते भएका मोटरसाइकलमा सवार भीमका बाबु ६४ वर्षीय बीर बहादुर जिम्बालाई पाटन अस्पताल हुँदै थप उपचारको लागि शिक्षण अस्पताल महाराजगंज काठमाडौं पठाइएको छ ।

दुर्घटना भएका सबै स्थानमा तत्काल खटिई गएको स्थानीय प्रहरीले उद्दार कार्य गर्नुका साथै दुर्घटनाका सम्बन्धमा आवश्यक अनुसन्धान समेत गरिरहेको छ ।

Janata Tv

प्रतिक्रिया दिनुहोस्
विशेष

आफूले के पाएँ के गुमाए भन्दापनि मुलुकको परिवर्तनको साझेदार भएको उहाँको दाबी थियो ।

सरकार सञ्चालनको संयोजक निकाय र नीति निर्माणको थलोका रुपमा भूमिका हुने संसदले नै राजनीतिको दिशा निर्धारण र मोडल तय गर्छ…

सहकारी यस्तो निकाय हो, जहाँ विभिन्न व्यक्तिले संयुक्त रुपमा रकम जम्मा कारोबार वा व्यवसाय गरिन्छ ।

मेष– अध्ययनको क्षेत्र बलियो बन्नेछ । आम्दानीको स्तर बढ्नाले धनको सञ्चय बढ्नेछ । मुद्दा मामिलामा प्रगति एवं विपक्षीको डर हटेर…

राष्ट्रियस्तरका पत्रपत्रिकाले शनिबार फरक – फरक विषयलाई प्राथमिकता दिएर समाचार प्रकाशन गरेका छन् ।

बिहान ५ः०० स्टेशनआइडी/राष्ट्रियगान ५ः०२ योग/एरोबिक्स ५ः२५ दर्शन दिग्दर्शन ५ः५५ विज्ञापन/प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन/प्रोमो ७ः०० जनता…