भुरिगाउँ हत्याकाण्ड ‘बुबा मार्ने गुणरत्न पहिलो अभियुक्त’

प्रेम बुढा
बर्दिया । आफ्नै बुबाकाे हत्या गरेकाे आरोपमा युवक पक्राउ परेका छन् ।

ठाकुरबाबा-२, बलातीका ३५ वर्षीय विष्णु भन्ने गुणरत्न पाेखरेललाई ७४ वर्षीय वृद्ध बाबु रत्नलाल पाेखरेलकाे हत्या गरेकाे आरोपमा शुक्रबार प्रहरीले पक्राउ गरेकाे हाे ।

टाउकाे र शरीर छुट्टिएकाे अवस्थामा मृतककाे शव घरबाट चालिस फिट पर खाल्डाेमा गाडिएकाे अवस्थामा शुक्रबार प्रहरीले फेला पारेकाे छ । घटनास्थलबाट प्रहरीले बन्चराे,माेबाइलकाे ब्याट्री, चप्पल तथा रगतकाे टाटा फेला पारेकाे इलाका प्रहरी कार्यालय भुरीगाउँले जनाएकाे छ । डिएसपी महराले भन्नुभयो ‘लासको प्रकृति हेर्दा २ दिन अघि घटना भएको अनुमान गर्न सकिन्छ ।’

घटना हुनु भन्दा केही दिन अघि मृतककी श्रीमती तथा अभियुत्तकी आमा कुल पूजाका लागि सुर्खेत गएको देखिएको छ । आमा घरमा नभएकाले पनि घटनाको मोटिभ अभियुक्ततर्फ संकेत गर्ने प्रहरीको भनाइ छ ।

घटना घटेको दिन घरमा बाबु र छोरा मात्रै रहेको छिमेकीले बताएको प्रहरीको भनाइ छ । घरका अन्य व्यक्ति कोही नभएको मौका छोपी हत्या गरिएको हुन सक्ने प्ररारम्भिक चरण देखिएको घटनाको अनुसन्धानमा खटिनु भएका डिएसपी मदनजित महराले जानकारी दिनुभयो ।

डिएसपी महराका अनुसार घरको आन्तरिक किचलो प्रमुख कारण हुन सक्ने देखिएको छ । छिमेकीलाई उद्धृत गर्दै महराले भन्नुभयो ‘केही बर्ष अघि पनि बाबुलाई कुटेको रहेछ, विभिन्न समयमा बाबुछोरामा झगडा हुँदै आएको रहेछ ।’

अनुसन्धानबाट घटना घटाउनुको कारण खुल्ने प्रहरीको भनाइ छ ।

अभियुक्त गुणरत्न घरको साइलाे छोरा हुन् । घरमा बाबुको फोन नलागेपछि हालखबर बुझ्न घर गएकी बुहारीले घरमा रगत देखेपछि प्रहरीलाई खबर गरेको इलाका प्रहरी कार्यालय भुरिगाउँले जनाएको छ ।

घटनाको मुख्य कारण तथा घटनामा अन्य कसैको संलग्नता रहे नरहेको बारेमा अनुसन्धान केन्द्रीत गरिएको डिएसपी महराले जानकारी दिनुभयो ।

प्रतिक्रिया दिनुहोस्
विशेष

काठमाडौं । नेपाल आयल निगमले पेट्रोलियम पदार्थको मूल्य बढाएको छ । निगमले पेट्रोल, डिजेल र मट्टितेलकामे भाउ  प्रतिलिटर एक रुपैयाँले…

काठमाडौं । व्यवसायीले बन्दाबन्दी (लकडाउन) अवधिको बैंकको ब्याज शतप्रतिशत छुट दिन माग गरेका छन् । नेपाल राष्ट्रिय व्यवसायी महासंघले (लकडाउन)…

चितवन । बाढीले डाइभर्सन बगाउँदा पूर्वपश्चिम राजमार्गको नारायणगढ–बुटवल सडक अवरुद्ध भएको छ । गैँडाकोट नगरपालिका वडा ९ थुम्सीस्थित खहरे खोलामा…

मेष – सरसामान हराउन सक्नेछ । अनावश्यक आर्थिक चिन्ता बढ्नेछ । घरायसी खर्चमा वृद्धि हुनेछ । यात्रामा झमेला पर्नेछ ।…

काठमाडौं । टेकुस्थित शुक्रराज ट्रपिकल तथा सरुवा रोग अस्पतालमा दैनिक ६० देखि ७० जना एचआइभी संक्रमित नियमित औषधि लिन आउने…

मेष– अनावश्यक भ्रमण हुनेछ । व्यापारमा सन्तोष मिल्नेछ । साथीसंगतमा खर्च हुनेछ । वृष– क्षमताको कदर हुनेछ । राजनीतिमा अवसर…