उल्टोतिर मुटु, झस्किए डाक्टर

हेडसरकै मुटुमा प्वाल

नु भुसाल
नवलपुर । मानिसको मुटु बायाँतिर हुन्छ । तर वुलिङटारमा भने एक व्यक्तिको मुटु दायाँतिर भेटिएको छ । 

वुलिङटार गाउँपालिकाकाे वडा नम्बर ५ स्थित भदौरी गाउँका बेलबहादुर पुलामीकाे  मुटु दायाँपट्टी भएको पाइएको छ। भदौरी गाउँमा आयोजित ‘स्वास्थ्य शिविर’मा परीक्षण गर्दा उहाँको मुटु दायाँपट्टी रहेको थाहा भएको हो ।

भदौरीमा चितवन मेडिकल कलेजका मुटुरोग विशेषज्ञ डा. अमिर खानसहितको चिकित्सक टोलीले गाउँका बासिन्दाको मुटु परीक्षण गरेका थिए । गाउँका बासिन्दाको मुटु पहिलो पटक इको मेशिनबाट परीक्षण गरिएको हो ।

परीक्षणको क्रममा ५८ वर्षीय पुलामीको मुटु जब दायाँपट्टी रहेको थाहा पाएपछि चिकित्सक समेत अचम्म परे । ‘गाउँका बासिन्दाको मुटुको अवस्था कस्तो छ भनेर जाँच्न आएको उहाँको मुटु दाहिनेतिर पो भेटियो’ डा खानले भन्नुभयो, ‘ दाहिनेतिर मुटु हुनु भनेको डेस्टोकाडिया हो । आत्तिनु पर्दैन । छातीमा बायाँतिर मुटु हुनेले त्यता बढी ख्याल गर्छन् । उहाँको दायाँपट्टी रहेछ । दायाँतिर बढी ख्याल गर्नुपर्ने हुन्छ । यस्तो थोरै मानिसमा हुन्छ ।’

पुलामीले पनि आफ्नो मुटु दायँतिर रहेको बल्ल थाहा पाएको बताउनु भयो ।  ‘रोगले नचाप्दासम्म अस्पताल आइदैन’ उहाँले भन्नुभयो, ‘दम छ । हातखुट्टा सुनिन्छ । त्यही भएर मुटु जाँचेको, अरुको बायाँतिर हुन्छ तर मेरो त दाहिनेतिर रहेछ । डाक्टर जता भए पनि केही हुँदैन भन्नु भएको छ । अब चाँहि बेलाबेलामा जचाइरहनु पर्ला ।’ गाउँको उदय माध्यमिक विद्यालयमा पहिलो पटक भएको शिविरमा गाउँमा १ हजार २ सय भन्दा बढीले मुटुजाँच गराएका छन् ।

हेडसरको मुटुमा प्वाल

परीक्षणको क्रममा प्रधानाध्यापक रामनारायण गुप्ता मुटुमा प्वाल भेटिएको छ । ५४ वर्षीय गुप्ताले मुटुमा प्वाल रहेको बल्ल थाहा पाएकाे बताउनु भयाे ।

प्रतिक्रिया दिनुहोस्
विशेष

काठमाडौं । मुलुकको २८ औं प्रहरी महानिरीक्षक (आईजीपी) मा शैलेश थापा क्षेत्री नियुक्ति हुनुभएको छ । सरकारले प्रहरी अतिरिक्त महानिरीक्षक(एआइजी) …

काठमाडौं ।  काठमाडौं उपत्यकाको विभिन्न २३ स्थानमा कोरोना संक्रमित फेला परेका छन् । पछिल्लो २४ घण्टामा काठमाडौं, ललितपुर र भक्तपुरमा…

तनहुँ । व्यास नगरपालिकाले आफ्ना सटरमा राखिएका पसललाई २ महिनाको छुट गर्ने भएको छ । नगरपालिकाले व्यवसायीहरु कोरोना भाइरस संक्रमणको…

मेष– काममा प्रशंसा मिल्नेछ । राजनीतिक मोह जाग्नेछ , मानसिक तनाव आउनेछ । वृष– सामाजिक काममा व्यस्तता बढ्नेछ । धर्ममा…

कैलाली । सत्तारुढ दल नेपाल कम्युनिष्ट पाटी (नेकपा)मा शीर्ष नेताहरुबीच विवादको असर कैलालीमा परेको छ । शीर्ष नेताहरुकै सवाललाई लिएर…

काठमाडौं । प्रमुख प्रतिपक्ष दल नेपाली कांग्रेसको १४ औं महाधिवेशन काठमाडौंमा हुने भएको छ । कांग्रेसले १४ औं महाधिवेशन फागुन…