छोराको रहर

लघुकथा

-चन्द्रमणि पोखरेल

तीन तीन वटी छोरीहरु तामाका मुना झैँ थिए । पढ्न नि अब्बल, कक्षामा सधैँ पहिला हुन्थे । घर नै उज्यालो थियो, हिरा सरको ।

गाउँका जल्दाबल्दा युवा नेता , त्यसमा पनि मा.वि का प्र.अ. पत्नी नि सामाजिक कार्यकर्ता । फेरि कुन्नी कसको रहर या बाध्यता हो ? हिरा सर कि पत्नी दुई जिउ कि भइछन, जस अर्थमा छोरीहरु तरुनी तरुनी थिए, उनिहरुका अगाडि सरम त थियो नै तर छोरीहरु बुझ्ने नै थिए ।

नयाँ युग नयाँ प्रविधिबाट उनको गर्भ जाँच गर्दा छोरा नै भएको जानकारी पाएर हिरा सरको भुइँमा खुट्टा थिएन । पत्नी पनि खुशी नै थिइन ।समय सँगसँगै हिरा सरकि पत्नी अस्पताल भर्ना भइन् ।

आमाको उमेर अलिक बढी भएकाले डाक्टरले नर्मल डेलिभरी नहुने जनाएपछि अप्रेसनका लागि पैंसा जम्मा गरे हिरा सरले । छोराको मुख हेर्न पाउने भएँ भनेर हिरा सर गमक्क थिए । पैसा त जति नि खर्च गर्थे, छोराका लागि हिरा सर ।

बेलुका अप्रेसन भयो । अप्रेसन कक्षबाट बाहिर निस्कँदै हिरासरलाई डाक्टरले बधाई दिए छोरा भएकोमा । तर कसरी यस्तो भयो हँ ? भन्दै डाक्टरले हिरा सरलाई प्रतिप्रश्न गरे । गर्भ अवस्थामा राम्रो हेरबिचार गर्नु भएन कि क्या हो ? के भयो र डाक्टर साब ? शङ्कापुर्ण भावमा हिरा सरले डाक्टरलाई सोधे ।

खोइ अरु त केही भन्न सकिन्न, तर तपाईको नवजात शिशुको कुनै अंग छैन जस्तो लाग्छ । बाँकी त तपाईको छोरा हो आफै हेर्नुहोस । हिरा सर उफ भनेर खुइ काढ्दै भुइँमा थचक्क बसे । अनि गहिरो शंका लागेर हिरा सरले आफ्नो नवजात शिशुलाई हेरुँ की नहेरुँ भनी दोधारमा परे।

Janata Tv

प्रतिक्रिया दिनुहोस्
विशेष

वरिष्ठ नेता नेपालले सचिवालयमा ७ बुँदे असहमति पत्र नै पेश गर्नुभएको छ ।

अर्थतन्त्र र राजनीतिमा आउने परिवर्तनले तत्कालै नतिजा देखाउँछ र चेतनाबाट पनि प्रभाव कम हुँदै जान्छ

कपिलवस्तु । तौलिहवामा बैंकबाट निकालेकाे ३ लाख रुपैयाँ पेस्तोल देखाएर लुटिएको छ । बुद्धभूमि नगरपालिका वडा नम्बर १० विजगौरीका कुबेर…

सर्वदलीय बैठकले विधेयक परामर्श र सहमतिमै गर्ने निर्णय गरेको हो ।

प्रहरीले नक्कली छाप तथा कागजात बनाउने कार्यमा संलग्न २ जनालाई पक्राउ गरेको छ ।

विद्यार्थीहरुको भविष्यलाई सुनिश्चित गर्ने कार्यलाई व्यवस्थित गर्न हरेक वर्ष रोजगारी तथा इन्टनशिप दुवै अवसर जुटाउदै आएको छ ।