शब्द–रहरको ४९औं भागमा मुक्तककार काफ्ले

काठमाडौं। जब शब्दमा कलाको सम्मिश्रण हुन्छ तब शब्दले कविता, मुक्तक, गीत, गजल जस्ता साहित्य सिर्जनाका विभिन्न बान्कीमा रुपधारणा गर्छ । यिनै सिर्जनाका विभिन्न बान्कीहरुका बीच पोखिए रौतहटमा रहि मुक्तक बिधामा कलम चलाइरहेका प्रखर स्रष्टा हरिकृष्ण काफ्ले ।

कमजोरलाई सताएर बेइमान र खुनी बाँच्छ
लाचारीमा एउटा जीवन गधाको जुनी बाँच्छ
सबलाई समान न्याय गर्ने एउटा ईश्वर हुन्छ भन्थे
या उ होला पक्षपाती या त आँखा थुनी बाँच्छ

विगत लामो समयदेखि नेपाली साहित्यको श्रीवृद्धिमा लागि परेको ‘शब्द-रहर साहित्य अभियान’ को नियमित रचना वाचन कार्यक्रमको ४९औं श्रृङ्खलामा अतिथि कविको रुपमा आमन्त्रित काफ्लेले दर्जनौं मुक्तक सुनाएका थिए । उनले फाकीहरुद्वारा उपस्थित चार दर्जनभन्दा बढी फरकफरक बिधामा कलम चलाउने सर्जकहरुलाई मन्त्रमुग्ध पारे । उनले नेपाली वाङ्मयमा मुक्तकको भूमिका र औचित्य पनि पुष्टि गर्न भ्याए ।

अतिथि कविको विषयमा स्रष्टा रत्न बिरही घिमिरेले थप स्पष्ट पारेका थिए । काफ्लेले सिर्जना गरेको मुक्तिकिलो मुक्तकले माहोललाई थप रोमान्चक बनाएको थियो ।

कार्यक्रममा कवि हेम प्रभाश, रत्न बिरही घिमिरे, धरणीधर गुरागाईं, भवानीमैया पन्त लगायतले दमदार कविता प्रस्तुत गरेका थिए । शान्ती शर्मा, बासुदेव ठकुरी, श्रीधर पाण्डे, मनोहर पाण्डे, बेनीबहादुर थापा लगायतका स्रष्टाहरुको सुमधुर गजल, अन्चल बान्तवा, प्रकाश बस्नेत गफाडी, राजेन्द्र घिमिरे सागर, बद्री उप्रेती, उदास कार्की, शिबराम खड्का, उत्तम विचार लगायतका स्रष्टाहरुका चोटिला मुक्तकले कार्यक्रमलाई थप ओझिलो बनाएको थियो ।

अभियन्ता कृष्ण कीसुद्वारा सहजीकरण गरिएको कार्यक्रमको अध्यक्षता अभियानका सल्लाहकार श्रीहरी फुँयालले गरेका थिए ।

प्रतिक्रिया दिनुहोस्
विशेष

काठमाडौं । मुलुकको २८ औं प्रहरी महानिरीक्षक (आईजीपी) मा शैलेश थापा क्षेत्री नियुक्ति हुनुभएको छ । सरकारले प्रहरी अतिरिक्त महानिरीक्षक(एआइजी) …

काठमाडौं ।  काठमाडौं उपत्यकाको विभिन्न २३ स्थानमा कोरोना संक्रमित फेला परेका छन् । पछिल्लो २४ घण्टामा काठमाडौं, ललितपुर र भक्तपुरमा…

तनहुँ । व्यास नगरपालिकाले आफ्ना सटरमा राखिएका पसललाई २ महिनाको छुट गर्ने भएको छ । नगरपालिकाले व्यवसायीहरु कोरोना भाइरस संक्रमणको…

मेष– काममा प्रशंसा मिल्नेछ । राजनीतिक मोह जाग्नेछ , मानसिक तनाव आउनेछ । वृष– सामाजिक काममा व्यस्तता बढ्नेछ । धर्ममा…

कैलाली । सत्तारुढ दल नेपाल कम्युनिष्ट पाटी (नेकपा)मा शीर्ष नेताहरुबीच विवादको असर कैलालीमा परेको छ । शीर्ष नेताहरुकै सवाललाई लिएर…

काठमाडौं । प्रमुख प्रतिपक्ष दल नेपाली कांग्रेसको १४ औं महाधिवेशन काठमाडौंमा हुने भएको छ । कांग्रेसले १४ औं महाधिवेशन फागुन…