Nic

नेकपा सिन्धुलीमा गुटबन्दी, नेपाल समूहको नाममा छुट्टै बैठक

सिन्धुली । नेपाल कम्युनिष्ट पार्टी(नेकपा) जिल्ला कमिटीमा चरम गुटबन्दी शुरु भएको छ । जिल्ला नेतृत्व एकल ढङ्गले चलेको भन्दै  निर्वाचन क्षेत्र कमिटी र स्थानीय तहसम्मकाे एकता छिनोफानो नहुँदैगुटबन्दी शुरु भएको हो ।

पार्टीको जिल्ला अध्यक्ष लेखनाथ दाहाल ‘राजन’ र सचिव प्रदिप कटुवाल छन् । राजन विघटित माओवादी पक्षका हुन् । त्यस्तै एमाले पक्षबाट सचिव बनेका कटुवाल अध्यक्ष केपी ओली निकट मानिन्छन् । उनी एमालेका पूर्व जिल्ला अध्यक्ष हुन् । अध्यक्ष र सचिव चयनपछि अहिले जिल्ला कमिटी सदस्य सिफारिस गरिसकेका छन्  । जिल्ला सदस्य अध्यक्ष र सचिवको सिफारिसको आधारमा प्रदेश कमिटीले तोक्ने व्यवस्था छ ।

एमाले पक्षको भागमा पर्ने सदस्यमा सचिव कटुवालले मनोमानी गरेको केही नेताहरुको आरोप छ । एमालेका केही जिल्ला नेताले सदस्य सिफारिसमा सचिव कटुवालले सल्लाह नै नगरी मनोमानी गरेको भन्दै वरिष्ठ नेता माधवकुमार नेपाल पक्षको नाममा छुट्टै बैठक समेत गरेका छन् । नेपाल पक्षले पार्टीको संगठित सदस्य सिफारिसमा समेत मनोमानी भएकाे आरोप लगाएको छ ।

जिल्ला अध्यक्ष र सचिवले केन्द्रबाट अन्तरपार्टी निर्देशन(अपानी) नआउँदै स्थानीय तह कमिटी र संगठित सदस्यबारे मनोमानी ढंगले निर्णय गरिएकाे नेपाल पक्षको भनाई छ ।

यद्यपि वरिष्ठ नेता नेपाल भने गुटबन्दीमा सक्रिय हुनुहुन्न तर उहाँको नाममा विभिन्न ठाउँमा गुटबन्दी भइरहेको छ । सिन्धुली पनि त्यस्तै भएको छ । विगतमा एमालेभित्र ओली र नेपाल पक्षको नाममा मुलुकभर गुटबन्दी हुँदा सिन्धुलीमा नेपाल पक्ष बलियो थियो ।

Janata Tv

प्रतिक्रिया दिनुहोस्
विशेष

–सइन्द्र राई मोहनविक्रम सिंहसँग मेरो पुस्ताका कुनै युवाले कम्युनिष्ट इतिहास र ऐतिहासिक पात्रको चरित्रचर्चा गर्न खाजियो भने त्यो फिका होला…

काठमाडौं ।  भारतीय महानगर मुम्बईमा भीषण समुन्द्री आँधी उठेको छ । अरब सागरबाट शुरु भएको आँधीले मुम्बई शहरमा वितण्डता मच्चाएको…

प्रतिनिधिसभामा विनियोजित विभिन्न विधेयकबारे छलफल जारी छ । बुधबारको बैठकमा सांसदहरुले मन्त्रालयको खर्च घटाउन प्रस्ताव गर्ने कार्यसूची छ ।

आफ्नै पार्टीभित्र समेत नीतिका सवालमा र बेथितिबिरुद्ध खरो उत्रने शैलजा आचार्यले भ्रष्टाचारको मुद्दा उठाएर कृषिमन्त्रीबाट दिएको राजीनामा नेपाली राजनीतिमा उदाहरणीय…

अध्यक्ष र सचिव चयनपछि अहिले जिल्ला कमिटी सदस्य सिफारिस गरिसकेका छन् ।

देशको केही स्थानमा आज(बुधबार) हावाहुरी र मेघगर्जनसहित पानी पर्ने भएको छ । राति देशभरी नै सामान्य बादल लाग्नेछ ।