Logo ११ श्रावण २०७८, सोमबार


कविता – नाति

–कविता राई

प्रत्येक तीन महिनामा
वृद्धभत्ता थाप्छु म
अनि
मेरो नाति छेउमा आएर बस्छ
खल्तीबाट झिक्छु र,
दिन्छु हजारको नोट
उसलाई थाहा छ
मेरो छेउमा कतिपटक आउनु पर्छ
ऊ आइरहन्छ र म दिइरहन्छु
हजारको नोट, अन्तिम पटकसम्म ।।

सम्झन्छु आफूलाई
ऊवेला
वेसाहा बोकेर खुवाउने
बा थिए
बाको आँखा छलेर
पैसा दिने आमा थिइन्
खैनी माडिन्थ्यो
सुशेल्दै हिॅडिन्थ्यो डाँडाडाँडा
हिरोनीको कुरा गरिन्थ्यो
पछि लागेर रुनेहरूको हुलै थियो
जवानी थियो
के थिएन सबथोक थियो ।

मेरा लागि मरिमेट्ने
स्वास्नी थिई
उसकालागि मसंग समय थिएन
तर, मेरालागि ऊसंग भरपुर मायाँ थियो
अहिले असी वर्षको उमेरमा
मसंग समय छ तर उसको साथ छैन
जॉगर छ तर तागत छैन
घाम झुल्किन लाग्दा चिरविराउने
घाम डुब्न लाग्दा बास वस्ने
चराले सिकाएकै थिए
कौशीमा घुर्ने परेवाले सिकाएकै थिए
समयको आफ्नै प्रहर हुन्छ
समयको निश्चित कहर हुन्छ ।।

म भन्छु यी कुरा
रीतु दोहोरिए जस्तो
रुखमा पालुवा फेरिए जस्तो
प्रत्येक पूर्णिमामा जून आए जस्तो
यहिॅ जिन्दगी आउन सक्दैन फेरि
पत्यिउँदैन मेरो नाति
निभ्न लागेको आगो
डुब्न लागेको घाम
कसलाई मन पर्छ र हगि ???

प्रतिक्रिया दिनुहोस्
विशेष

काठमाडाैं । मनसुनको न्यून चापीय रेखा नेपालको तराई भूभाग नजिक रहेको जल तथा मौसम पूर्वानुमान महाशाखाले जनाएको छ । हाल…

मेष- भेटघाटमा दिनबित्नेछ । शंकाले प्रेममा बाधा गर्नेछ । अलमलमा दिन बित्नेछ वृष- सरसामान हराउन सक्नेछ । अनावस्यक धन खर्च…

मेष– मनोरन्जनमा खर्च हुनेछ । नयाँ जिम्मेवारी थपिनेछ ।  पारीवारिक कठिनाइ हुनेछ । वृष– स्वास्थ्यमा खर्च आउनेछ । सरसामान हराउन सक्नेछ…

काठमाडाैं । मनसुनको न्यून चापीय रेखा नेपालको तराई भूभाग नजिक रहेको जल तथा मौसम पूर्वानुमान महाशाखाले जनाएको छ । हाल…

मेष- बोलीको प्रभावले फाइदा हुनेछ । धनको कारोबार बढ्नाले आर्थिक झन्झट कम हुनेछ । वैवाहिक सुख मिल्ने एवम् इष्टमित्रबाट सहयोग…

काठमाडौं । नेकपा एमालेको भातृ संगठन राष्ट्रिय युवा संघ नेपालले आज युथफोर्सको भ्याली कमाण्ड घोषणा गरेको छ । काठमाडौंको बबरमहलस्थित…