संसदीय समितिद्वारा पप्पु कन्स्ट्रक्सनलाई कारबाही गर्न निर्देशन

काठमाडौं । संसदीय समितिले पप्पु कन्स्ट्रक्सन कम्पनीलाई कारबाही गर्न निर्देशन दिएको छ । समितिले काठमाडौंको तीनकुनेस्थित बागमती नदी पुल निर्माणमा गम्भीर त्रुटी भएको जनाउँदै पप्पुलाई कारवाही गर्न निर्देशन हो ।

पुल निर्माण उपत्यका सडक विस्तार आयोजनाको निर्देशन विपरीत गुणस्तरहीन भएकाेले कारबाही गर्न सरकारलाई निर्देशन दिनुपरेको समितिकी सभापति कल्याणी खड्काले जानकारी दिनुभयो । समितिले पुलको स्थलगत निरीक्षण समेत गरेको थियो ।

निरीक्षणमा उपत्यका सडक विस्तार आयोजनाले समस्या समाधान गरेर मात्रै पुलको निर्माण कार्य अघि बढाउनु भनेको तर कम्पनीले त्यसको विपरीत काम गरेको समितिको निचोड छ । निर्देशन समेत पालना नगर्ने तथा पहुँच र प्रभावको आधारमा आफूखुशी गर्ने कम्पनीलाई कारबाही गर्नुकाे विकल्प नरहेको समितिको निष्कर्ष छ ।

समितिले पुलको पुन डिजाइन नगरी काम अघि नबढाउन सरकारलाई सचेत गराएको छ । बैठकमा समितिका सदस्य जीप छिरिङ लामाले पुलको निर्माण कार्यमा ढिलाई गर्न नहुनेमा जोड दिनु भएको थियो । उहाँले निर्माण कम्पनीले दिनरात काम गरेर भएपनि पुलको निर्माण कार्य गुणस्तरीय ढंगले सम्पन्न गर्नुपर्ने स्पष्ट पार्नु भयो ।

पप्पु कन्स्ट्रक्सन कम्पनी विवादित निर्माण कम्पनी हो । यसले अन्य आयोजनामा पनि निर्माण थालेर अलपत्र छाड्ने गरेको छ ।

Janata Tv

प्रतिक्रिया दिनुहोस्
विशेष

जनता टेलिभिजनमा आज

काठमाडौं । नवनियुक्त कृषि तथा पशुपंक्षी मन्त्री घनश्याम भूसालले कृषिक्षेत्रमा रहेको समस्यालाई समाधान गर्दै आधुनिक कृषि प्रणालीको विकास गरिने बताउनु…

काठमाडौं । राष्ट्रपति विद्यादेवी भण्डारीले नवनियुक्त ६ मन्त्रीलाई शपथ गराउनु भएको छ । राष्ट्रपति कार्यालय शीतलनिवासमा नवनियुक्त मन्त्रीहरूले पद तथा…

काठमाडौं । आज मंसिर ५ गते । तत्कालिन माओवादी विद्रोही र नेपाल सरकारबीच २०६३ साल मंसिर ५ गते विस्तृत शान्ति…

काठमाडौं । प्रधानमन्त्री तथा नेपाल कम्युनिष्ट पार्टी (नेकपा) का अध्यक्ष केपी शर्मा ओलीले अप्रत्याशित रुपमा दुई महत्वपूर्ण निर्णय गर्नुभएको छ…

जिम्मेवारी थपिनेछ, उत्साहले काम बन्नेछ ।