हलेसी जाेड्ने पक्की रनवे

खोटाङबाट फर्केपछि सइन्द्र राई
पूर्वी नेपालकै पुरानोमध्ये एक लामिडाडाँ विमानस्थल स्तरोन्नति भएको छ । २०२८ सालबाटै सञ्चालनमा आएको खोटाङको लामिडाँडा विमानस्थलको स्तरोन्नतिसँगै प्रदेश नम्बर एकको पर्यटकीय विकासमा सहयोग पुग्ने विश्वास गरिएको छ ।

हिन्दूले पूर्वको पशुपतिनाथ, बौद्धले पद्यसम्भवको तपोभूमि र किराँतले आफ्नो आदिमथलो मान्ने त्रिधार्मिकस्थल होः हलेसी महादेवस्थान । र, हलेसीबाट सबैभन्दा नजिकको विमानस्थल हो, लामिडाँडा ।

विडम्बना, २०२८ बाट सञ्चालित विमानस्थल लामो समयसम्म कच्ची नै थियो । हलेसी आउने धार्मिक पर्यटकबाहेक सोलुखम्बुका विमानस्थल र ओखलढुङ्गास्थित रुम्जाटार विमानस्थलको पनि वैकल्पिक विमानस्थल हो, लामिडाँडा । तर, ढिलै भए पनि लामिडाँडा विमानस्थल स्तरोन्नति गरिएको विमानस्थल आयोजना प्रमुख बिनायक भट्टराईले बताउनु भयो ।

६ करोड ३४ लाख रुपैयाँ लागतमा स्तरोन्नति गरिएपछि डेढ वर्षदेखि रोकिएको विमानस्थलबाट मंगलबार परीक्षण उडान भरियो । वर्षौँदेखि कच्ची विमानस्थलबाट विमान उडेको हेरेका स्थानीय गजब देखिएको पक्की विमानस्थलबाट विमान उडेको हेर्दै खुशी भए । पक्की रनवे उद्घाटन समारोहमा सहभागी जनप्रतिनिधिको उत्साहमा पनि कुनै कमी थिएन । बरू, योजना थियो ।

सांसद विशाल भट्टराईले भन्नुभयो, ‘दुर्गममा विमानस्थल सञ्चालनमा आएसँगै उडान भर्नु नै छ, तर विमान सेवाका नाममा दुर्गम भन्दै डलर धेरै आउने स्थलमा मात्र उडान भर्ने प्रवित्ति पनि अन्त्य हुनुपर्छ ।’

विमानस्थल सञ्चालनको प्रशस्त सम्भावना सुनाउँदै सांसद भट्टराईले नेपाली उड्डयन क्षेत्रमा ब्याप्त बेथिति अन्त्य जरुरी भएको बताउनु भयो ।

पक्की रनवे बनेसँगै, बाह्रैमास विमानस्थल सञ्चालनमा आपत्कालीन उद्धार, नियमित आवातजावत सहजता अनि धार्मिक र छिमेकी जिल्ला सोलुखुम्बुको हिमालय पर्यटकको संख्या बढ्ने विश्वास गरिएको छ । लामिडाँडा विमानस्थलको नियमित उडानले प्रदेश नम्बर एकको आर्थिक विकास बल पुर्‍याउने योजना बुनिएको छ ।

तस्बिरहरुः राधिका श्रेष्ठ, जनता समाचार डटकम

Janata Tv

प्रतिक्रिया दिनुहोस्
विशेष

कौरब खत्री गुल्मी । ‘अपांगता पूर्वजन्मको पाप हो र अपांगता भएका व्यक्तिले समाजमा केही योगदान पुर्याउन सक्दैनन्’ भन्ने गलत धारणा…

विद्यानन्द राम सप्तरी । प्रधानाध्यापकले आर्थिक अनियमितता गरेको भन्दै विष्णुपुर गाउँपालिका–१ स्थित जनता माध्यमिक विद्यालय खुरहुरियाका अभिभावकहरुले अनिश्चितकालिन रिले अनशन…

काठमाडौं । राजधानीबाट शुक्रबार प्रकाशित सबैजसो पत्रपत्रिकाहरुले प्रधानमन्त्री केपी शर्मा ओलीले नवनियुक्त मन्त्रीहरुलाई जनचाहनाअनुसार काम गर्न दिनुभएको निर्देशनलाई प्राथमिकताका साथ…

जनता टेलिभिजनमा आज

काठमाडौं । नवनियुक्त कृषि तथा पशुपंक्षी मन्त्री घनश्याम भूसालले कृषिक्षेत्रमा रहेको समस्यालाई समाधान गर्दै आधुनिक कृषि प्रणालीको विकास गरिने बताउनु…

काठमाडौं । राष्ट्रपति विद्यादेवी भण्डारीले नवनियुक्त ६ मन्त्रीलाई शपथ गराउनु भएको छ । राष्ट्रपति कार्यालय शीतलनिवासमा नवनियुक्त मन्त्रीहरूले पद तथा…