भावुक हुँदै प्रचण्डले भन्नुभयो, ‘प्रकाशले छोटो उमेरमा पूर्ण जीवन बिताए’

काठमाडौं । नेपाल कम्युनिस्ट पार्टी (नेकपा)का अध्यक्ष एवम् पूर्वप्रधानमन्त्री पुष्पकमल दाहाल प्रचण्डले स्व. प्रकाश दाहाल छोटो समयमा पूर्ण जीवन बिताएर जाने योद्धा भएको बताउनुभएको छ । पार्टी संगठनका लागि प्रकाशले गरेको कामको प्रशंसा गर्दै अध्यक्ष दाहालले युद्धका समयमा पनि एक असल सिपाही रहेको स्मरण गर्नुभयो ।

प्रकाश दाहाल फाउन्डेसले काठमाडौंमा आयोजना गरेको एक कार्यक्रममा बोल्दै अध्यक्ष दाहालले राष्ट्र र जनताका लागि छोटो समयमा रचनात्मक काम गरेका प्रकाशको मृत्युले मुलुकलाई स्तब्ध पारेको बताउनुभयो । प्रकाशको सम्झना नेपाली समाजमा रहिरहने भन्दै दाहालले एक होनाहार सिपाई गुमाउनुको पीडालाई शक्तिमा बदल्ने प्रयत्न गरिरहेको उल्लेख गर्नुभयो ।

३६ वर्षको छोटो उमेरमा निधन भएका प्रकाशले सोचेको सपनालाई मूर्त रुप दिन प्रतिष्ठान अग्रसर हुनुपर्ने दाहालको भनाइ थियो । ‘भूमीगत रुपमा विभिन्न स्कुलहरु परिवर्तन गरेर पढे । युद्ध हेर्ने, सिक्ने र आफैँ सहभागी हुने काम पनि गरे, ३६ वर्षको उमेरमा जीवनका तिता मिठा अनुभव गरे,’ दाहालले भावुक हुँदै भन्नुभयो, ‘एउटा पूरा जीवन हुन जसरी सबै काम गर्नुपर्छ, त्यो सबै अनुभव प्रकाशले पूरा गरेका छन् ।’

‘मैले शुरुमा प्रकाशले सगरमाथा आरोहण गर्छु भन्दा पत्याएको थिइन् तर उनको गर्छु भनेपछि गरिछाड्ने बानी थियो, उनले अरुलाई पनि उत्साह र प्रेरणा दिने गर्थे । उनका राम्रा गुण र पक्षलाई देश र जनताको लागि समर्पित गर्नुपर्छ,’ अध्यक्ष दाहालले भन्नुभयो ।’

दाहालले प्रकाशको जन्मदिन पारेर रचनात्मक र सकारात्मक काम गरेकोमा खानेपानी मन्त्री बिना मगर र प्रकाश दाहाल प्रतिष्ठानका सदस्यहरुलाई धन्यवाद ज्ञापन गर्नुभयो । दाहालले भन्नुभयो, ‘पहिलो कार्यक्रमको रुपमा आयोजित भएको कार्यक्रम आउने दिनमा अझ सकारात्मक, रचनात्मक हुँदै जानेछ, भन्ने विश्वास लिएको छु ।’

Janata Tv

प्रतिक्रिया दिनुहोस्
विशेष

बिहान ५ः०० स्टेशनआइडी/राष्ट्रियगान ५ः०२ योग/एरोबिक्स ५ः२५ दर्शन दिग्दर्शन ५ः५५ विज्ञापन/प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन/प्रोमो ७ः०० जनता…

काठमाडाैं । ‘समानताको पुस्ताः बलात्कार विरुद्ध ऐक्यवद्धता’ भन्ने मूल नाराका साथ गत २५ नोभेम्बरबाट शुरू भएको “लैङ्गिक हिंसा विरुद्धको १६…

गोपाल पाठक/विनोद लामिछाने/अनिश्मा बस्नेत काठमाडौं । जनता टेलिभिजनमा आज (बुधबार) प्रसारण गरिएका एक सय समाचारको संगालो नै शत् प्रतिशत समाचार…

रविन्द्र सिंह ठकुरी बाँके । पुस्तकालयमा युवा भन्दाबढी जागिरबाट रिटायर्ड भएकाहरु र बालबालिकाहरु देखिन थालेका छन् । पछिल्लो समय सामाजिक…

नारायण थापा भक्तपुर । उपत्यकाका विभिन्न महानगर र नगरपालिकाका मेयरहरुले पुर्वाधार विकासका लागि कार्य गर्दै आएको उपत्यका विकास प्राधिकरण खारेजीको…

मेष- धनको सहयोग आउनेछ, आफन्तले माया गर्नेछन् । वृष- साथीभाइ भेटघाट हुनेछ, यात्रामा सुख मिल्नेछ । मिथुन- रोगबाट तनाव मिल्नेछ,…