‘मेरो कोख छोरीको लागि होइन’

– कामना न्यौपाने

माफ गर्नुहोला
त्यो मञ्च मेरो लागि होइन,
अहँ,
म त चर्को स्वरमा बोल्दिन
गीत गुनगुनाउदिन
खुलेर हाँस्दिन
मलाई अलच्छिनाइ बन्नु छैन ।

माफ गर्नुहोला
त्यो कुर्सी र माइक मेरो लागि होइन
म वादविवाद गर्दिन
म शिर उच्च बनाएर बोल्दिन
म आँखा जुधाएर हेर्दिन
मलाई सोमत नभएकी बन्नु छैन

माफ गर्नुहोला
पारिको त्यो सुनौलो क्षितिज मेरो लागि होइन
म एक्लै हिँड्दिन
म अपरिचित सँग बोल्दिन
म अपरिचित ठाउँमा पुग्दिन
मलाई चरित्रहिन बन्नु छैन

झुक्किनुभयो ?
माफ गर्नुहोला
त्यो रमाइलो मेरो लागि होइन
म संगीतको तालमा निर्धक्क झुम्न सक्दिन
म केटाहरुसँग त्यहाँ पुग्न सक्दिन
म ती पेय पदार्थतिर आँखा लगाउन सक्दिन
मलाई छम्मा या छप्की बन्नु छैन ।

माफ गर्नुहोला
त्यो रोमाञ्चक यात्रा मेरो लागि होइन
म कसैको हात नथामी हिंड्न सक्दिन
२५ काटेँ,
सिउँदो नभरी ‘सेटल’ हुन सक्दिन
मेरो आफ्नै परिचयले बाँच्न सक्दिन
मलाई बुढी कन्या या थारो भैंसी बन्नु छैन

सन्तान चाह ?
माफ गर्नुहोला
मेरो यो कोख मेरो छोरीको लागि होइन
म ऊ बाँधिएको हेर्न सक्दिन
म जस्तै ऊ कुण्ठित भएर बाँचेको हेर्न सक्दिन
म ऊ छोरी हुनुमा हिनताबोध गरेको हेर्न सक्दिन
म ऊ छोरी भएकै कारण मारिनु परेको देख्न सक्दिन
मलाई अभागी आमा बन्नु छैन ।

Janata Tv

प्रतिक्रिया दिनुहोस्
विशेष

काठमाडौं । आज मंसिर ५ गते । तत्कालिन माओवादी विद्रोही र नेपाल सरकारबीच २०६३ साल मंसिर ५ गते विस्तृत शान्ति…

काठमाडौं । प्रधानमन्त्री तथा नेपाल कम्युनिष्ट पार्टी (नेकपा) का अध्यक्ष केपी शर्मा ओलीले अप्रत्याशित रुपमा दुई महत्वपूर्ण निर्णय गर्नुभएको छ…

जिम्मेवारी थपिनेछ, उत्साहले काम बन्नेछ ।

बिहान ५ः०० स्टेशनआइडी/राष्ट्रियगान ५ः०२ योग/एरोबिक्स ५ः२५ दर्शन दिग्दर्शन ५ः५५ विज्ञापन/प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन/प्रोमो ७ः०० जनता…

आफैले बनाएको घर पनि आफ्नो नभएको महशुस भएपछि उहाँ घर छोडेर वृद्धाश्रममा बस्न पुग्नुभयो ।

जग्गाको कारोबार गर्दै आएका इनरुवाका अन्दाजी ४० वर्षका कारी यादवको हत्या भएको छ ।