रितको शतकमा सिंगापुरमाथि नेपालको शानदार जित

काठमाडौं । मलेसियामा जारी एसीसी यु–१९ पूर्वी क्षेत्रीय क्रिकेटअन्तर्गत समूह चरणको अन्तिम खेलमा नेपालले सिंगापुरलाई २ सय १७ रनले पराजित गरेको छ ।

नेपालले दिएको ३ सय २६ रनको लक्ष्य पछ्याएको सिंगापुरले ३९.१ ओभरमा सबै विकेट गुमाएर मात्र १ सय ९ रनमा समेटियो । सिंगापुरका लागि हरि कुक्रेजाले सर्वाधिक ३० रन बनाए । कन्नुसमी सतिशले २४ र चन्द्र मौली श्रीदेवले २३ रन बनाउनुबाहेक अन्य खेलाडीले दोहोरो अंकको रन जोड्न सकेनन् ।

बलिङतर्फ नेपालका कुशल मल्ल एक्लैले ४ विकेट लिए । यस्तै तिलकराज भण्डारीले २ विकेट लिँदा, सागर ढकाल र रसिद खानले समान एक–एक विकेट लिए ।

त्यसअघि टस जितेर पहिले ब्याटिङ गरेको नेपालले निर्धारित ५० ओभरको खेलमा ४ विकेटको क्षतिमा ३२६ रन बनाएको हो । प्रारम्भिक ब्याट्सम्यान रित गौतमले शतकीय पारी खेल्दा नेपालले स्कोर बोर्डमा ३०० रन कटाउन सफल भएको हो । गौतमले अविजित रहँदै ११५ रन बनाए ।

अर्का प्रारम्भिक ब्याट्सम्यान खडकबहादुर बोहराले ९० रन बनाए । पवन सर्राफ भने अर्धशतक बनाउनबाट चुके । उनी ४५ रन बनाएर बाहिरिएका थिए । पहिलो विकेटका लागि रित गौतम र पवन सर्राफले ९२ रनको साझेदारी गरेका थिए । १५ औं ओभरको चौथो बलमा सर्राफ बाहिरिँदा स्कोर बोर्डमा नेपालले ९२ रन जोडिसकेको थियो ।

त्यस्तै, दोस्रो विकेटका लागि रित गौतम र खडकबहादुर बोहराबीच १३१ रनको साझेदारी भएपछि नेपाल बलियो अवस्थामा पुगेको हो । दोस्रो विकेटका रुपमा खडकबहादुर ४० औं ओभरको पहिलो बलमा बाहिरिँदा नेपालले २२३ रन बनाएको थियो ।

तेस्रो र चौथो विकेट नेपालले चाँडै गुमायो । ४० औं ओभरकै पाँचौं बलमा विशाल विक्रम केसी व्यक्तिगत एक रन बनाएको अवस्थामा बाहिरिए भने रोहिकुमार पौडेल ४३ औं ओभरको अन्तिम बलमा ७ रन बनाएको अवस्थामा बाहिरिए । पाँचौं विकेटका रुपमा रित गौतम र कुशल मल्लबीच गतिलो साझेदारी भएको थियो । दुवैबीच ४२ बलमा ८२ रनको साझेदारी भयो ।

मल्लले विस्फोटक ब्याटिङ गर्दै २३ बलमै अर्धशतक प्रहार गरे । उनले चार चौका र पाँच छक्का प्रहार गरे । उनी ५१ रनमा अविजित रहे ।

पहिलो खेलमा चीनलाई १० विकेटले पराजित गर्दै नेपालले सेमिफाइनलमा स्थान पक्का गरिसकेको छ । सिंगापुरविरुद्धको जितसँगै नेपाल समूह विजेता भएको छ ।

प्रतिक्रिया दिनुहोस्
विशेष

काठमाडौं । जिल्ला प्रहरी कार्यालय सिन्धुलीअन्तर्गतका कार्यालयमा कार्यरत पाँच प्रहरी निलम्बनमा परेका छन् । सेवाग्राहीसंँग रकम लिँंदै गरेको अभियोगमा उनीहरुलाई…

सप्तरी । कोरोना संक्रमणबाट सप्तरीमा थप एक जनाको मृत्यु भएको छ । मंगलबार राति जिल्लाको डाक्नेश्वरी नगरपालिका ८ घर भई…

मेष– धन वृद्धि हुनेछ । कुटुम्ब सहयोग बढ्नेछ । भोजनको सुख  मिल्नेछ । वृष– विचारले वाधा दिनेछ । शंकाले चिन्ता…

काठमाडौं । अख्तियार दुरुपयोग अनुसन्धान आयोगका प्रमुख कोरोना भाइरस संक्रमित हुनुभएको छ । अख्तियार प्रमुख नवीनकुमार घिमिरे संक्रमित हुनुभएको प्रवक्ता…

काठमाडौं । परोपकार प्रसूति तथा स्त्रीरोग अस्पताल थापाथलीमा उपचारका लागि आउने सेवाग्राहीले अब त्यही अस्पतालबाट पीसीआर परीक्षणको सेवा प्राप्त गर्ने…

कञ्चनपुर । बेलौरी नगरपालिका वडा नम्बर ७ भगतपुरमा भएको खाती दम्पतीको हत्या प्रकरणमा संलग्नलाई प्रहरीले सार्वजनिक गरेको छ । बेलौरी…