‘देशमा अनियन्त्रित आन्दोलनको खतरा’

काठमाडौं । मानव अधिकार तथा शान्ति समाजका संस्थापक कृष्ण पहाडीले देशमा ‘अनियन्त्रित आन्दोलनको खतरा’ रहेको बताउनुभएको छ ।

‘देशमा विभिन्न बाहनामा बितण्डा मच्चाउने र अराजकता फैलाउने कार्य भइरहेको छ, यदि कसैले आन्दोलन गर्यो भने त्यो अनियन्त्रित हुने खतरा छ’ नेपाल पत्रकार महासंघद्वारा शुक्रवार आयोजित कार्यक्रममा उहाँले भन्नुभयो, ‘ बितण्डा मच्चाउने कार्यमा विभिन्न समूह सक्रिय छन् । ज्योतिषीकै नाममा समेत बितण्डा मच्चाउन खोजियो । यसरी बितण्डा मच्चाउने र अराजकता फैलाउने कार्य बढ्ने हो भने देशमा अनियन्त्रित आन्दोलनको खतरा हुन्छ ।’

अधिकारवादी नेता पहाडीले कसैले आफूलाई मानव अधिकारवादी भन्दा घृणा लाग्ने गरेको उल्लेख गर्नुभयो । ‘कुनै बेला मानव अधिकारवादी हुँ भन्दा गर्व लाग्थ्यो तर अहिले घृणा लाग्छ’ उहाँले भन्नुभयो, ‘अहिले समाजको सबै क्षेत्रमा बिकृति छ । मानव अधिकारवादी भन्नेहरुमा झनै बिकृति छ । उनीहरुले मानव अधिकार नै बुझेका छैनन् ।’

अधिकारवादी नेता पहाडीले मानव अधिकार उल्लघन गर्नेहरुलाई जघन्य अपराधी मान्नुपर्ने  बताउनुभयो । ‘मानव अधिकार उल्लघंन र अपराध फरक पाटा हुन्’ उहाँले भन्नुभयो, ‘ मानव अधिकार उल्लघंन गर्ने कार्य जघन्य अपराध हो । मानव अधिकार उल्लघंनलाई विश्वमै जघन्य अपराध मानिन्छ ।’

Janata Tv

प्रतिक्रिया दिनुहोस्
विशेष

बिहान ५ः०० स्टेशनआइडी÷राष्ट्रियगान ५ः०२ योग÷एरोबिक्स ५ः२५ दर्शन दिग्दर्शन ५ः५५ विज्ञापन÷प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन÷प्रोमो ७ः०० जनता…

मेष– खुशियालीमा दिन बित्नेछ, काममा प्रगति हुनेछ । वृष– विलासितामा बढी खर्च हुनेछ, यात्रा कठीन हुनेछ । मिथुन– नयाँ कामको…

सचिवालय बैठकमा सभामुख र मन्त्रीको प्रतावित सूचीबारे छलफल हुने स्रोतले जनाएको छ ।

नेपाल निर्माण व्यवसायी संगठन सुदूरपश्चिम प्रदेशको संयोजकमा कमानसिंह धामी चयन हुनुभएको छ ।

राजविराजमा कोठा तोडफोड गर्ने युवाको रिहाइ गर्न प्रदर्शन भएकाे छ ।

राजविराजमा शिक्षकको कुटाइबाट विद्यार्थी घाइते भएका छन् ।