‘क्यानन्को नक्कली कार्टेज बिक्री’

प्रमोद कुमार साह
धनुषा । जनकपुरमा क्यानन् कम्पनीको इलेक्ट्रोनिक्स सामग्री भनेर नक्कली सामग्री बिक्री वितरण भईरहेका पाइएको छ ।

उद्योग विभागको निर्देशनमा जिल्ला प्रशासन कार्यालय धनुषाले गरेको अनुगमनका क्रममा जनकपुरमा नक्कली प्रिन्टर लगायतका सामग्री फेला परेको हो ।

जिल्ला प्रशासन कार्यालय धनुषाका प्रशासकिय अधिकृत दिनेश साहको नेतृत्वमा जनकपुर धाममा गरेको अनुगमनको क्रममा मेड इन चाइना लेखिएको नक्कली कार्टेज बिक्री भएको पाइएको हो ।

अनुगमनका क्रममा मिथिला कम्प्युटरबाट ६ थान, बिना कम्प्युटरबाट १२ थान, विशाल कम्प्युटरबाट २ थान लगायतका पसलबाट दुई दर्जन नक्कली कार्टेज फेला परेको थियो । पसलेलाई दुई दिनभित्र कागजात सहित उपस्थित हुन निर्देशन गर्दै सामान नियन्त्रणमा लिइएको छ ।

नेपालमा रहेको क्यानन् कम्पनीले गरेको उजुरीका आधारमा अनुगमन गरिएको जनाईएको छ । अनुगमन भएपनि कारबाही भने नहुने गरेको पीडितको गुनासो रहेको छ ।

कारबाही नहुनुमा आर्थिक चलखेल हुने गरेको स्थानीयको भनाइ छ ।

Janata Tv

प्रतिक्रिया दिनुहोस्
विशेष

अध्यक्ष पुप्पकमल दाहाल र वरिष्ठ नेता माधवकुमार नेपाल त्रिगुटमा अहिले सचिवालय मात्र होइन, सिङ्गो पार्टी संरचना कोल घुमेजस्तै घुमिरहेको छ…

अहिले नियमित ६ जना महिला घरमै मुढा बुनेर तयारी भएपछि ल्याउने गरेको भट्टराईको भनाइ छ ।

नेकपाको आइतबार बसेको सचिवालय बैठकले जिल्ला इन्चार्ज छिनोफानो गरेको हो ।

पहाडी तथा भिरालो भू–बनोटका कारण अधिकाँश क्षेत्रमा पहिरोको जोखिम रहेको हो ।

नेपाली कांग्रेसले महाधिवेशन प्रतिनिधिका लागि ७ वटै प्रदेशमा प्रशिक्षण कार्यक्रम सञ्चालन गर्ने भएको छ ।

त्रियुगा नगरपालिका –९ राजाबासमा एक परिवारका ५ र कटारी नगरपालिका –४ सिसाघारीका २ परिवारका ७ गरी १२ जना बिरामी भएका…