विश्वकप क्रिकेट : न्यूजिल्याण्ड फाइनलमा, भारत बाहिरियाे

काठमाडौं । न्यूजिल्याण्ड आईसीसी एकदिवसीय विश्वकप क्रिकेटको फाइनल प्रवेश गरेको छ ।

बुधबार भएको सेमिफाइनल खेलमा भारतलाई १८ रनले पराजित गर्दै न्यूजिल्याण्ड फाइनल प्रवेश गरेको हो । पराजित भएसँगै भारत प्रतियाेगिताबाट बाहिरिएकाे छ । बेलायतको म्यान्चेस्टरमा बुधबार २४० रनको चुनौति पछ्याएको भारत खेल सकिन ३ बल बाँकी छँदा २२१ रनमा अलआउट भयो ।

दवाबमा परेको भारतको पारी उकास्ने क्रममा आठौं नम्बरका ब्याट्सम्यान रविन्द्र जडेजाले ७७ रन बनाए । जडेजालाई बलियो साथ दिएका पूर्वकप्तान महेन्द्रसिंह धोनीले ५० रन बनाए । रिसभ पन्त र हार्दिक पाण्ड्याले ३२–३२ रन जोडे तर अन्य कुनै ब्याट्सम्यानले दोहोरो अंक बनाउन सकेनन् ।

ओपनरद्वय लोकेश राहुल र रोहित शर्मा १–१ रनमा आउट भए भने कप्तान विराट कोहली पनि १ रनमै आउट भए । दिनेश कार्तिक ६, भूवनेश्वर कुमार शुन्य र यसवन्त चाहल ५ रनमा आउट भए । जसप्रित बुमराहले कुनै पनि बल सामना गर्न पाएनन् ।

बलिङतर्फ मट हेनरीले ३ विकेट लिए भने ट्रेन्ट बोल्ट र मिचेल साट्नरले समान २–२ विकेट लिए ।

यसअघि न्युजिल्याण्डले निर्धारित ५० ओभरमा ८ विकेट गुमाएर २३९ रन बनाएको थियो । मंगलबारका लागि निर्धारित खेल पानी परेपछि बुधबार खेलाइएको हो । खराब सुरुवात गरेको न्युजिल्यान्डका लागि कप्तान केन विलियम्सनले ६७ रन बनाउँदै टिमलाई उकासेका थिए । उनले हेनरी निकोलससँग ६८ रनको साझेदारी गरे । निकोलस भने २८ रनमा आउट भए ।

Janata Tv

प्रतिक्रिया दिनुहोस्
विशेष

काठमाडौं । आज मंसिर ५ गते । तत्कालिन माओवादी विद्रोही र नेपाल सरकारबीच २०६३ साल मंसिर ५ गते विस्तृत शान्ति…

काठमाडौं । प्रधानमन्त्री तथा नेपाल कम्युनिष्ट पार्टी (नेकपा) का अध्यक्ष केपी शर्मा ओलीले अप्रत्याशित रुपमा दुई महत्वपूर्ण निर्णय गर्नुभएको छ…

जिम्मेवारी थपिनेछ, उत्साहले काम बन्नेछ ।

बिहान ५ः०० स्टेशनआइडी/राष्ट्रियगान ५ः०२ योग/एरोबिक्स ५ः२५ दर्शन दिग्दर्शन ५ः५५ विज्ञापन/प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन/प्रोमो ७ः०० जनता…

आफैले बनाएको घर पनि आफ्नो नभएको महशुस भएपछि उहाँ घर छोडेर वृद्धाश्रममा बस्न पुग्नुभयो ।

जग्गाको कारोबार गर्दै आएका इनरुवाका अन्दाजी ४० वर्षका कारी यादवको हत्या भएको छ ।