Logo मंसिर ९, २०७७ मंगलबार


न्युजिल्याण्ड आईसीसी विश्वकप क्रिकेटको फाइनलमा प्रवेश, सेमिफाइनलमा भारत १८ रनले पराजित

काठमाडाैं । न्यूजिल्याण्ड आईसीसी एकदिवसीय विश्वकप क्रिकेट फाइनलमा प्रवेश गरेको छ ।

न्यूजिल्याण्डले प्रस्तुत गरेको २ सय ४० रनको मध्यम लक्ष्य पछ्याइरहेको भारत १८ रनले पराजित भयो ।

भारत ४९ ओभर ३ बलमा सबै बिकेट गुमाउँदै २ सय २१ रनमा समेटियो । ९२ रनमा ६ बिकेट गुमाएको भारतको पारी एमएस धोनी र रविन्द्र जडेजाले उकासेका थिए । यी दुईले सातौं विकेटका लागि १ सय १६ रनको साझेदारी गरेका थिए । जडेजाले ७७ र धोनीले ५० रनको महत्वपूर्ण योगदान गरे ।

त्यसैगरि रिसभ पन्त र हार्दिक पाण्डेयले समान ३२ रन बनाए । न्युजिल्याण्डका लागि म्याट ह्यान्रीले तीन तथा ट्रेन्ट वोल्ट र मिचेल स्यान्टनरले समान दुई–दुई विकेट हात पारे ।

यसअघि टस जितेर पहिले व्याटिङ् गरेको न्युजिल्याण्डले निर्धारित ओभरमा ८ विकेट गुमाएर थप २ सय ३९ रन बनायो । न्युजिल्याण्डका लागि कप्तान केन विलियम्सले ६७ र रोस टेलरले ७४ रन बनाएका थिए ।

अब न्युजिल्याण्ड २९ गते आइतबार हुने फाइनल खेलमा अस्ट्रेलिया र आयोजक इंग्ल्याण्डबीचको विजेता टिमसँग खेल्नेछ ।

प्रतिक्रिया दिनुहोस्
विशेष

काठमाडौं । सत्तारुढ नेपाल कम्युनिष्ट पार्टी (नेकपा) को गत सचिवालय बैठकमा प्रधानमन्त्री एवं पार्टी अध्यक्ष केपी शर्मा ओलीले राखेको मन्तव्यलाई…

काठमाडौं । कोरोना महामारीका कारण गत वैशाखमा हुन नसकेको कक्षा १२ को परीक्षा आजबाट सुरु भएको छ । देशभरका ४…

चुनावको नतिजा अस्वीकार गर्दै आएका अमेरिकी राष्ट्रपति डोनाल्ड ट्रम्पले अन्ततः राष्ट्रपतिमा निर्वाचित जो बाइडेनका लागि सत्ता सञ्चालनको बाटो खोल्ने भएका…

भारतीय विदेश मन्त्रालयले विदेश सचिवस्तरीय वार्ता उच्च स्तरीय कूटनीतिक भ्रमणको निरन्तरता रहेको जनाएको छ ।

घरपायक परीक्षा केन्द्र र परीक्षाको ३५ दिनअघि नै परीक्षा केन्द्र छनोट गरिसक्नुपर्नेछ ।

हाल देशको पहाडी भूभागमा आंशिक बदली रहेको छ। देशका अन्य भूभागमा मौसम सामान्यता सफा रहेको छ।