आइसक्रिम प्रेमिका !

-कविता 

मैले सँधै आइसक्रिम बन्नुपर्ने
तिमीले मजा लिई -लिई चुस्न मिल्ने
म खिइँदै -खिइँदै जानुपर्ने
तिमी हौंसिदै जान मिल्ने
म खिइँदै -खिइँदै जानुमा
तिमीले बहादुरी सोच्ने
चुस्ने चिज सकिएपछि
म फालिने रछ्यानमा
र तिमीले भन्ने
आहा ! आइसक्रिम स्वादिलो थियो ।

म तिम्री आइसक्रिम प्रेमिका
प्रत्येक पटकको तलतलमा
बदलिंदै जाने र खिइँदै जाने

अघि भर्खरसम्म थिएँ
तिमीसँगको प्रेमालापपछि
खिइदै गएँ, रित्तिदै गएँ
र ऐले सकिएँ !

म,
कुनै पसलेको फ्रिजभित्र
चुस्ने बस्तु बनेर थुनिएकी हुन्छु
तिमी आउँछौ
प्यारको गीत गाउँदै
पसलेसँग सोध्छौ
चकलेटी वाला
खुवा वाला
बदाम वाला
स्ट्रावेरी वाला
पाउ वाला
कुन -कुन फ्लेवरमा छ आइसक्रिम ?

पसले देखाउँदै जान्छ
तिमी छान्दै -छान्दै जान्छौ
आफ्नो रुची अनुसार
आफ्नो गच्छे अनुसार
कुनै एउटा छान्छौ
र एक पटक आँखा पनि नजुधाई
हतार – हतार चुस्न थाल्छौ !

कैले
तिम्रो रोजाईको चुरोट बनेर
मैले हरदम जल्नु पर्ने
धुवाँ बनेर उड्नु पर्ने
म उडेको धुवाँका गुच्छाहरू हेरेर
तिमी रोमाञ्चित हुने प्रेमले
अन्तिममा म
फालिनु पर्ने ठूटो बनेर
कैले,
तिम्रो रोजाईको आइसक्रिम बनेर
मैले लगातार पग्लनु पर्ने
हरेक मेरा घुट्काहरूमा
तिमीले तप्तिको महसुस गर्ने
मैले भने अन्तिममा
फालिनु पर्ने सिन्का बनेर
यो कुन खाले प्यार हो यार ?

मैले त सुनेको हो
प्यारमा बराबरी त्याग हुन्छ
बराबरी छनौट हुन्छ
र बराबरी आनन्द हुन्छ !

यो तिमीले चुस्ने
म पानी बनेर पग्लनु पर्ने

र एक्लै आनन्द लिने
यो तिमीले तान्ने र हावामा उडाउने
यो तिम्रो आइसक्रिम प्यार
मलाई अस्विकार्य छ यार !

म तिम्रो प्यारले अघाइसकें
यो लुटेरा प्यार भन्दा
मलाई घृणा मन पर्छ धेरै ।

म तिम्री आइसक्रिम प्रेमिका
आजबाट माग्दै छु
तिमीसँग घृणाको उपहार !

Janata Tv

प्रतिक्रिया दिनुहोस्
विशेष

ताप्लेजुङदेखि दार्चुलासम्म हिमाली हरित पदमार्ग निर्माण गरिने भएको छ ।

मुलुकमा वर्ष भरीमा ८ हजार भन्दा बढी पत्रकारले सूचना विभागको प्रेसपास लिएका छन् ।

प्रहरीले गुलरिया नगरपालिका वडा नम्बर १२ टेशनपुरबाट १ सय ४० खसीसहित ट्रक नियन्त्रणमा लिएको हो ।

बडिमालिका नगरपालिकाका ५ वडाध्यक्षले सामूहिक रुपमा राजीनामा दिएका छन् ।

विप्लव समूहका नवलपरासी जिल्ला सदस्य तथा जनसरकार प्रमुख प्रेमप्रसाद ढकाल पक्राउ परेका छन् ।

मेष– घरबाहिर व्यस्तता बढ्नेछ । खेलकुदमा मन जाने एवं नयाँ मित्र भेटघाट हुनेछ । वादविवाद टुंगो लाग्ने एवं साथीभाइसँग नयाँ मित्रता…