दम्पतीको मध्यराति हत्या, १० मिटरको दुरीमा भेटिए शव

विमल खड्का 

काठमाडौं ।  बागलुङको ढोरपाटन नगरपालिका–८ बोबाङको कुइनेबाटो अनरेका एक दम्पतीको हत्या भएको छ । आफ्नै घरमा रहेका ६८ वर्षीय ‘रेडियो भनिने’ भानबहादुर कामी र उनकी ६० वर्षीया श्रीमती बीमा कामीको शनिबार मध्यराति हत्या भएको हो ।

दम्पतीको धारिलो हतियार (बन्चरो) प्रहार गरी हत्या भएको हुन सक्ने जिल्ला प्रहरी कार्यालय बागलुङका प्रहरी नायव उपरीक्षक झविन्द्र भट्टराईले जानकारी दिनुभयो ।

भानबहादुरको हत्या गरि मकैबारीमा र भानबहादुरकी कान्छी श्रीमतीको हत्या घरभित्रै भएको इलाका प्रहरी कार्यालय बुर्तिबाङले जनाएको छ ।  दम्पतिकाे शव १० मिटरको दुरीमा रहेको इलाका प्रहरी कार्यालय बुर्तिबाङका प्रमुख ऋणबहादुर बैदवारले बताउनुभयो ।

कसरी भयो दम्पतीको हत्या ?
शनिबार साँझदेखि पानी परिरहेको थियो । थोरै बस्ती रहेको ठाउँमा भानबहादुर कान्छी श्रीमतीसँगै थिए । भानबहादुरका छोराबुहारी र जेठी श्रीमती नगरपालिकाकै–९ नवीगाउँमा गाइबस्तुसँगै आलुको सिजन भएकाले त्यहाँ बस्दै आएका थिए । दुई घर भएका भानबहादुर खाना खाएर उपल्लो घर र कान्छी श्रीमती तल्लोघरमा बस्दै आएका थिए ।

दाजुभाइ र उनकोसहित ५ घर रहेको बस्तीमा रातको १२ बजे दाजु भाउजू चिच्याएको सुनेका उनका भाइ मसाने विकलाई उदृत गर्दै वडाध्यक्ष नन्दे सुनारले जनता समाचारलाई जानकारी दिनुभयो ।

वडाध्यक्ष सुनारले भने,- ‘हामीले उनका भाइलाई सोध्यौँ, भाइले राति दाजुभाउजू कराएको भएपनि पानी परिरहेकाले त्यहाँ नगएको बताए । जंगल नजिक बस्ती रहेकाले बाघ आएको हुनाले कराएको हुनसक्ने भन्दै घरबाहिर ननिस्केको उनका भाइकाे भनाइ छ ।

बिहान दाजुभाउजुको शव देखेपछि भाइले प्रहरीलाई खबर गरेका थिए ।  प्रहरीका अनुसार भानबहादुरकी कान्छी श्रीमती तल्लो घर र श्रीमान उपल्लो घरमा बसेका थिए । भानबहादुरको हत्या गरि मकैबारीमा र भानबहादुरकी कान्छी श्रीमतीको हत्या घरभित्रै भएको इलाका प्रहरी कार्यालय बुर्तिबाङले जनाएको छ ।  दम्पतिकाे शव १० मिटरको दुरीमा रहेको इलाका प्रहरी कार्यालय बुर्तिबाङका प्रमुख ऋणबहादुर बैदवारले बताउनुभयो ।

मृतकदम्पतिको शरीरका विभिन्न भागमा रहेका चोट हेर्दा स्थानीय हतियार बञ्चरो प्रयोग भएको हुनसक्ने प्रहरी नायव उपरीक्षक भट्टराईले जानकारी दिनुभयो । गाउँमा लगाएको मकै हेर्नका लागि दम्पती त्यहाँ बस्दै आएका थिए । घटनाको विषयमा अनुसन्धान गर्न जिल्ला प्रहरी कार्यालयले प्रहरी निरीक्षक नरेन्द्र कार्कीको नेतृत्वमा तीन सदस्यीय प्रहरी टोली खटाएको छ ।

Janata Tv

प्रतिक्रिया दिनुहोस्
विशेष

मुलुकमा वर्ष भरीमा ८ हजार भन्दा बढी पत्रकारले सूचना विभागको प्रेसपास लिएका छन् ।

प्रहरीले गुलरिया नगरपालिका वडा नम्बर १२ टेशनपुरबाट १ सय ४० खसीसहित ट्रक नियन्त्रणमा लिएको हो ।

बडिमालिका नगरपालिकाका ५ वडाध्यक्षले सामूहिक रुपमा राजीनामा दिएका छन् ।

विप्लव समूहका नवलपरासी जिल्ला सदस्य तथा जनसरकार प्रमुख प्रेमप्रसाद ढकाल पक्राउ परेका छन् ।

मेष– घरबाहिर व्यस्तता बढ्नेछ । खेलकुदमा मन जाने एवं नयाँ मित्र भेटघाट हुनेछ । वादविवाद टुंगो लाग्ने एवं साथीभाइसँग नयाँ मित्रता…

गौरा पर्वमा देउडा गीतका माध्यमबाट एकअर्काका दुःख सुख बाड्नुका साथै माया प्रेम बाड्ने गरिन्छ ।