अब मदिरा बेच्नेलाई १५ हजार र सेवन गर्नेलाई ५ हजार जरिवाना

बैतडी । दशरथचन्द नगरपालिका वडा नम्बर ९ लाई मदिरा निषेधित क्षेत्र घोषणा गरिएको छ । मदिराका कारण महिला तथा बालबालिकामाथि हुने हिंसामा वृद्धि भएको वडा नम्बर ९ लाई मंगलबार मदिरा निषेधित क्षेत्र घोषणा गरिएको हो ।

भेला र समितिको निर्णयअनुसार मदिरा निषेधित क्षेत्र घोषणा गरिएको वडासचिव कृष्णबहादुर बोहराले जानकारी दिनुभयो । भेलाले लीलाधर जोशीको संयोजकत्वमा सात सदस्यीय मदिरा नियन्त्रण समिति र लक्ष्मीदत्त जोशीको संयोजकत्वमा तीन सदस्यीय अनुगमन समिति गठन गरेको छ ।

वडाले निषेधित क्षेत्रमा कसैले मदिरा बिक्रीबितरण गरे १५ हजार रुपैयाँ जरिवाना गर्ने निर्णय गरेको छ । मदिरा ओसारपसार गर्नेलाई १० हजार रुपैयाँ जरिवाना तोकिएको छ । मदिरा सेवन गरी गर्ने घटनाको प्रकृति हेरी १ हजार ५ सय देखि ५ हजार रुपैयाँसम्म जरिवाना तोकिएको छ । दोस्रो, तेस्रो सोही व्यक्ति दोहोरिएमा जरिवाना दोब्बर–तेब्बर हुने वडासचिव बोहराले जानकारी दिनुभयो ।

तीन पटकभन्दा बढी कसैले मदिराको कारोबार, ओसारपसार र सेवन गरेको पाइएमा सार्वजनिक मुद्दा दर्ता गर्ने निर्णयसमेत भएको छ ।

Janata Tv

प्रतिक्रिया दिनुहोस्
विशेष

ताप्लेजुङदेखि दार्चुलासम्म हिमाली हरित पदमार्ग निर्माण गरिने भएको छ ।

मुलुकमा वर्ष भरीमा ८ हजार भन्दा बढी पत्रकारले सूचना विभागको प्रेसपास लिएका छन् ।

प्रहरीले गुलरिया नगरपालिका वडा नम्बर १२ टेशनपुरबाट १ सय ४० खसीसहित ट्रक नियन्त्रणमा लिएको हो ।

बडिमालिका नगरपालिकाका ५ वडाध्यक्षले सामूहिक रुपमा राजीनामा दिएका छन् ।

विप्लव समूहका नवलपरासी जिल्ला सदस्य तथा जनसरकार प्रमुख प्रेमप्रसाद ढकाल पक्राउ परेका छन् ।

मेष– घरबाहिर व्यस्तता बढ्नेछ । खेलकुदमा मन जाने एवं नयाँ मित्र भेटघाट हुनेछ । वादविवाद टुंगो लाग्ने एवं साथीभाइसँग नयाँ मित्रता…