गाडीको ठक्करबाट ४ पैदलयात्रीको मृत्यु

                                     फाइल तस्बिर

काठमाडौं । काठमाडौं, रौतहट, सप्तरी, बर्दिया र रुपन्देहीमा भएको सवारी दुर्घटनामा मंगलबार  ५ जनाको मृत्यु भएको छ । गाडीको ठक्करबाट ४ पैदलयात्री र १ जना मोटरसाइकल चालकको मृत्यु भएको हो ।

काठमाडौं– काठमाडौं महानगरपालिका १६ स्थित बनस्थलीमा ट्रकको ठक्करबाट ललितपुर इमाडोल ४ बस्ने ५५ वर्षीय उद्धव सुनाम नेपालीको मृत्यु भएको छ । ना ४ ख १४७९ नम्बरको ट्रकको ठक्करबाट गम्भीर घाइते नेपालीको
पिपुल्स अस्पताल नयाँबजारमा उपचारको क्रममा मंगलबार साँझ मृत्यु भएको प्रहरीले जनाएको छ ।

रौतहट– राजपुर नगरपालिकामा स्कारपियोको ठक्करबाट पैदलयात्रीको मृत्यु भएको छ । स्कारपियोको ठक्करबाट भारत सितामढी ग्राम पञ्चायत पोरही बस्ने ६० वर्षीय बिन्देश्वर दासको मृत्यु भएको हो । दासलाई वडा नम्बर २ फतवास्थित सडकमा मंगलबार दिउँसो बिआर ३२ पिए १५४१ नम्बरको स्कारपियोले ठक्कर दिएको थियो । उनको गौर अस्पतालमा उपचारको क्रममा मृत्यु भएको प्रहरीले जनाएको छ ।

सप्तरी– बोदेबरसाइन नगरपालिकामा मोटरसाइलको ठक्करबाट पैदलयात्रीको मृत्यु भएको छ । मोटरसाइकलको ठक्करबाट ७० वर्षीय फगुनी दासको मृत्यु भएको हो । दासलाई अनटेस्ट लेखिएको मोटरसाइकलले ठक्कर दिएको थियो । उनलाई उपचारको लागि अस्पताल लैजाँदै गर्दा बाटोमा मृत्यु भएको प्रहरीले जनाएको छ ।

बर्दिया – बासगढी नगरपालिकामा मोटरसाइकल पल्टिँदा एक जनाको मृत्यु भएको छ । नगरपालिकाकाको ६ सतरियामा भे २ प ७४५२ नम्बरको मोटरसाइकल पल्टिँदा वडा नम्बर ५ पानी ट्यांकी निवासी ४७ वर्षीय खेमलाल सुवेदीको मृत्यु भएको हो ।  उनको कोललपुर मेडिकल कलेजमा उपचारको क्रममा मृत्यु भएको प्रहरीले जनाएको छ ।

रुपन्देही– तिलोत्तमा नगरपालिकामा बलेरोको ठक्करबाट एक जनाको मृत्यु भएको छ ।  नगरपालिकाको वडा नम्बर १३ स्थित सडकमा लु १ च ३२४६ नम्बरको बलेरोले सडक छेउमा बसिरहेका २५ वर्षीय बसन्त थापालाई ठक्कर दिएको हो ।  वडा नम्बर १५ बस्ने थापाको मणिग्रामस्थित क्रिमसन अस्पतालमा उपचारको क्रममा मृत्यु भएको प्रहरीले जनाएको छ ।

Janata Tv

प्रतिक्रिया दिनुहोस्
विशेष

समाजको औद्योगिक चेतना, संस्कार र संस्कृतिजस्ता विषयहरुलाई अग्रगामी बनाउँदै लैजानुपर्छ भन्ने हाम्रो स्पष्ट मान्यता छ । यसैका लागि हामीले सानो-सानो…

गोपाल पाठक/विनोद लामिछाने/अनिश्मा बस्नेत काठमाडौं । जनता टेलिभिजनमा आज (मंगलबार) प्रसारण गरिएका एक सय समाचारको संगालो नै शत् प्रतिशत समाचार…

काठमाडाैं । दक्षिण एसियाली खेलकुद (साग) काे पुरूष फुटबलमा नेपालले स्वर्ण पदक प्राप्त गरेकाे छ । नेपालले भुटानलाई २–१ को…

चेकोस्लोभाकिया । पूर्वी शहर ओस्ट्रोभामा अवस्थित अस्पतालमा मङ्गलबार एक बन्दुकधारीले प्रहार गरेको गोलीबाट चार व्यक्तिको मृत्यु भएको छ । यस…

काठमाडौं । ‘यौनहिंसा भनेको के हो ? कसरी हुन्छ ? हिंसामा परेका महिलाले कसरी व्यक्त गर्ने ? कोसँग, कहाँ गएर…

मेष- नयाँ कामको सुरुवात हुनेछ, काममा रुचि बढ्नेछ । वृष- अनावस्यक विवाद पर्नेछ, यात्रामा कठीनाइ हुनेछ । मिथुन- नयाँ कामको…