अन्तर्राष्ट्रिय मापदण्ड अनुसार विमानस्थलको विकास

काठमाडौं । त्रिभुवन अन्तर्राष्ट्रिय विमानस्थलको सेवा, सुविधामा कुनै कमी हुन नदिने गरी अन्तर्राष्ट्रिय मापदण्डअनुसार विकास गरिने भएको छ ।

संस्कृति, पर्यटन तथा नागरिक उड्डयनमन्त्री योगेश भट्टराईले इयूले नेपाली एयरलाइन्सलाई यूरोपको आकाशमा लगाएको प्रतिबन्ध खुलाउन आवश्यक पहल गर्ने तयारीमा सरकार लागेको बताउनुभयो ।

नेपाल चेम्बर अफ कमर्सले बुधबार आयोजना गरेको नेपालको पर्यटन क्षेत्र प्रवर्द्धनबारे अन्तरक्रियामा संस्कृति, पर्यटन तथा नागरिक उड्डयनमन्त्री योगेश भट्टराईले त्रिभुवन अन्तर्राष्ट्रिय विमानस्थललाई अन्तर्राष्ट्रिय मापदण्डअनुरुप बनाउन सुधारको काम भइरहेको जानकारी दिनुभयो । विमानस्थलमा राम्रो व्यवस्थापन होस् भनेर जनशक्ति व्यवस्थापनदेखि सकारात्मक सोचसम्मको तालिम उपलब्ध गराइन लागेको भट्टराईले बताउनुभएको छ ।

अन्य विमानस्थल लगायत पूर्वाधार विस्तारको काम चलिरहेको भन्दै भट्टराईले नेपाल भ्रमण वर्ष २०२० मा २० लाख पर्यटक भित्र्याइने र त्यसपछिका वर्षमा पर्यटकको संख्या क्रमशः बढ्दै जाने दाबी गर्नुभयो । भट्टराईले इयूले नेपाली एयरलाइन्सलाई त्यहाँको आकाशमा प्रतिबन्ध लगाउनुपर्ने कुनै कारण नभएको भन्दै प्रतिबन्ध खुलाउन आवश्यक पहल गरिने बताउनुभयो ।

भट्टराईले निजगढ अन्तर्राष्ट्रिय विमानस्थलको काम अगाडि बढाउने तयारी भइरहेको जानकारी दिनुभयो ।

कार्यक्रममा चेम्बरका अध्यक्ष राजेशकाजी श्रेष्ठले पर्यटन क्षेत्रमा गर्नुपर्ने सुधारबारे पर्यटनमन्त्रीको ध्यानाकर्षण गराउनुभएको थियो ।

प्रतिक्रिया दिनुहोस्
विशेष

प्रतिमा चौधरी/ शिव अधिकारी ‘यदुवंशी’ काठमाडौं । पाकिस्तानी नागरिक मोहम्मद लतिफको हत्या आरोपमा १४ वर्ष साउदी अरबमा जेल जीवन बिताएका…

बिहान ५ः०० स्टेशनआइडी/राष्ट्रियगान ५ः०२ योग/एरोबिक्स ५ः२५ दर्शन दिग्दर्शन ५ः५५ विज्ञापन/प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन/प्रोमो ७ः०० जनता…

मेष- यात्रा हुन सक्नेछ, भाग्यले साथ दिनेछ । वृष- तनाब, झमेला हुन सक्नेछ , स्वास्थ्यमा समस्या देखिनेछ । मिथुन- परिवारमा…

गोपाल पाठक/विनोद लामिछाने/अनिश्मा बस्नेत काठमाडौं । जनता टेलिभिजनमा आज (बुधबार) प्रसारण गरिएका एक सय समाचारको संगालो नै शत् प्रतिशत समाचार…

काठमाडौं । सरकारले १ सय ५० कलेजको सम्बन्धन खारेज तयारी गरेको छ ।  नेपालमा सञ्चालन भइरहेका कलेज हरेक दुई वर्षमा…

काठमाडौं । सांसद रेशम चौधरी लगायत जेलमा रहेका ११ जनाको मुद्धा फिर्ता गरी जेलमुक्त गर्नुपर्ने माग राख्दै थरुहट थारुवान राष्ट्रिय…