खम्बा गाडेको १० वर्षपछि बल्यो बिजुली

सिन्धुपाल्चोक । स्थानीय तह सञ्चालनमा आएसँगै गाउँमा विद्युत् बल्न थालेपछि टेम्केमैयुङ गाउँपालिका–८ गोगनेका स्थानीयवासी हर्षित भएका छन् ।

पोल गाडेको करीब १० वर्ष बितेको भए पनि स्थानीय तह सञ्चालनसँगै गाउँमा छोटो समयमै विद्युत्सेवा विस्तारभएपछि स्थानीयवासी हर्षित भएका हुन् ।

लामो समयदेखि विद्युत् बाल्ने आशामा बसेका स्थानीयवासीले गाउँपालिकाको गत आर्थिक वर्षको करिब ७५ लाखको बजेटमा विद्युत् विस्तारको काम सम्पन्न भएसँगै विद्युत्सेवा उपभोग गर्न पाएका हुन् ।

वडाभित्र रहेका करीब ४ सय ५० घर धुरीमध्ये मङ्गलबारबाट दुई सय घरमा विद्युत् बल्न थालेको वडा कार्यालयका सूचना अधिकारी सीताराम लुइँटेलले जानकारी दिनुभयो ।

स्थानीयवासीले विद्युत् मिटर समयमा पाउन नसेकाले अन्य घरमा विद्युत् विस्तारमा केही ढिला भएको वडा कार्यालयले जनाएको छ । गाउँपालिकाको लगानी र स्थानीयवासीको करिब ३० प्रतिशत जनश्रमदानमा वडाका सबै स्थानमा मुख्यलाइन पुगेको छ । तर शाखा लाइनमा विद्युत् विस्तारका लागि तार नपुग्दा भने ४० घरको हारहारीमा विद्युत् पुर्याउन समस्या रहेको वडा कार्यालयले जनाएको छ ।

Janata Tv

प्रतिक्रिया दिनुहोस्
विशेष

ताप्लेजुङदेखि दार्चुलासम्म हिमाली हरित पदमार्ग निर्माण गरिने भएको छ ।

मुलुकमा वर्ष भरीमा ८ हजार भन्दा बढी पत्रकारले सूचना विभागको प्रेसपास लिएका छन् ।

प्रहरीले गुलरिया नगरपालिका वडा नम्बर १२ टेशनपुरबाट १ सय ४० खसीसहित ट्रक नियन्त्रणमा लिएको हो ।

बडिमालिका नगरपालिकाका ५ वडाध्यक्षले सामूहिक रुपमा राजीनामा दिएका छन् ।

विप्लव समूहका नवलपरासी जिल्ला सदस्य तथा जनसरकार प्रमुख प्रेमप्रसाद ढकाल पक्राउ परेका छन् ।

मेष– घरबाहिर व्यस्तता बढ्नेछ । खेलकुदमा मन जाने एवं नयाँ मित्र भेटघाट हुनेछ । वादविवाद टुंगो लाग्ने एवं साथीभाइसँग नयाँ मित्रता…