Logo असार १, २०७८ मंगलबार


सिन्धुलीमाढी बजारक्षेत्रमा सीसी क्यामेरा जडान

बलवीर भुजेल

सिन्धुली । सिन्धुलीमाढी बजार क्षेत्र सोमबारदेखि सीसी क्यामेराको निगरानीमा रहेको छ ।

शान्ती सुुरक्षा थप सुुदृढ वनाउँदै सडक दुर्घटना तथा अपराधलाई न्यूनिकरण गर्न कमलामाई नगरपालिकाको आर्थिक सहयोगमा जिल्ला प्रहरी कार्यालय सिन्धुलीले सीसी क्यामेरा जडान गरेको हो ।

बजार क्षेत्र, मुुख्य सडक तथा संवेदनशील स्थान, बसपार्कका साथै सरकारी कार्यालय अगाडि गरी जम्मा २८ वटा सीसी क्यामेरा राखेर बजारक्षेत्रलाई २४ सै घण्टा निगरानीमा राखिएको जिल्ला प्रहरी कार्यालय सिन्धुलीका प्रहरी उपरीक्षक चक्रबहादुर सिंहले जानकारी दिनुभयो ।

सोमबार जिल्ला प्रहरी कार्यालयमा सीसी क्यामेरा जडानको उद्घघाटन गर्दै कमलामाई नगरपालिकाका मेयर खड्गबहादुर खत्रीले सीसी क्यामेरामार्फत आधुनिक तरिकाले प्रहरीलाई अपराध अनुसन्धान गर्न सहज हुने तथा सुरक्षित समाज निर्माणमा सहयोग पुग्ने बताउनुभयो । सुरक्षा निकायसँग सहकार्य गरेर अन्य संवेदनशील क्षेत्रको अध्ययन गरी थप सीसी क्यामेरा जडान गरिने बताउनुभयो ।

सिन्धुलीमाढी बजार क्षेत्रमा पाँच बर्ष पहिले नै सीसी क्यामेरा जडान गरिएको भएपनि त्यसको उचित मर्मत संभार नहुँदा ढेड वर्षदेखि प्रयोग विहिन बनेको थियो ।

कमलामाई नगरपालिकाको प्रविधियुक्त शहर निर्माण गर्ने अभियान अन्तर्गत आर्थिक वर्ष २०७५/०७६ को १ करोड १६ लाख रकमबाट सडकमा सोलार बत्ती तथा सीसी क्यामेरा जडान गरिएको हो । सीसी क्यामेरा जडानसँगै बजार क्षेत्रका ब्यापारीहरुले सुरक्षित महशुस गरेका छन् ।

प्रतिक्रिया दिनुहोस्
विशेष

काभ्रेपलाञ्चोक । काभ्रेपलाञ्चोकमा कोरोना संक्रमणको तेस्रो लहरमा बालबालिकालाई जोगाउन पूर्व तयारी थाचलिएको छ । बालबालिकामा संक्रमण दर उच्च हुने प्रक्षेपणका…

खानपिनमा धनको व्यय हुनेछ । वैदेशिक काम अधुरो रहनेछ । साथीबाट धोका हुनेछ ।

हाल देशभर सामान्यदेखि पूर्ण बदली रही बागमती, गण्डकी, लुम्बिनी प्रदेश, कर्णाली र सुदूरपश्चिम प्रदेशका केही स्थानहरुमा हल्कादेखि मध्यम वर्षा भईरहेको…

यसअघि पनि सरकारमा जाने विषयलाई लिएर शीर्ष नेताहरुबीच दुरी बढेको थियाे। पछिल्लो निर्णयले पार्टीभित्र थप विवाद चर्किने देखिएको छ।

नेपाली समय अनुसार पहिलो खेल अहिले साँझ ६ : ४५ मा शुरू हुँदैछ भने आजको अन्तिम खेल राति १२ :…

हिजाे आइतबार नेप्से २ हजार ९ सय ८३ मा पुगेर कायम भएको रेकर्ड साेमवार अर्काे रेकर्ड बनाउँदै नयाँ रेकर्ड बनाउन…