सुत्केरीलाई प्रोत्साहन भत्ता

सिन्धुली । शिशु तथा मातृमृत्युदर घटाउन तिनपाटन गाउँपालिकाले सुत्केरी महिलालाई प्रोत्साहन भत्ता दिन शुरु गरेको छ । गाउँपालिकाले २ हजार २ सय र नेपाल सरकारले दिने २ हजार ८ रुपैयाँ गरी पाँचहजार रुपैंयाँ भत्ता दिन शुरु गरेको हो ।

गर्भावस्थामा ४ पटकसम्म गर्भ जाँच गरी स्वास्थ्य संस्थामा नै सुत्केरी हुने महिलालाई प्रोत्साहन भत्ता उपलब्ध गराउन थालिएको गाउँपालिकाका प्रमुख प्रशासकीय अधिकृत राजन थापाले बताउनुभयो । चालु आर्थिक वर्ष (०७६/०७७) बाट भत्ता प्रदान गर्न थालिएको उहाँले बताउनुभयो । अस्पतालमा नै सुत्केरी गराई आमा र बच्चाको जीवन जोखिममा पर्नबाट जोगाउन प्रोत्साहनको कार्यक्रम ल्याइएको उहाँको भनाइ छ ।

गाउँपालिकाका स्वास्थ्य शाखाका संयोजक राम वेचन शाहका अनुसार गर्भवती हुँदा गर्नुपर्ने नियमित स्वास्थ्य जाँच सूचीकृत स्वास्थ्य संस्थामा गरेको, विभिन्न खोप लगाएको, आइरन चक्की र जुकाको औषधी खाएकोे तथा बच्चा जन्मिसकेपछि नियमित स्वास्थ्य जाँच गराएर ३५ दिनभित्र जन्म दर्ता समेत गराएका महिलालाई उक्त भत्ता दिन थालिएको हो ।

यस्तै गाउँपालिकाले गर्भवती तथा दुईवर्ष मुिनका बालबालिका भएका घरमा रिफ्लेक्ट साईनवोर्ड राखिएको जनाएको छ । सुत्केरी तथा गर्भवती महिलाका लागि स्वास्थ्य चौकी जान आउन गाउँपालिकाले निःशुल्क एम्बुलेन्स सेवा समेत प्रदान गर्ने गरि चालु वर्षको कार्यक्रम ल्याएको छ ।

तिनपाटन गाउँपालिका वडा नम्बर–८, स्थित बाहुनतिल्पुङ स्वास्थ्य चौकीका ईन्चार्ज इन्द्रबहादुर दुलालले पछिल्लो समय महिला अस्पतालमा नै आएर सुत्केरी हुने गरेको बताउनुभयो । समाचार राजधानी दैनिकमा प्रकाशित छ ।

Janata Tv

प्रतिक्रिया दिनुहोस्
विशेष

काठमाडौं । प्रधानमन्त्री केपी शर्मा ओलीले मन्त्रिपरिषद् परिवर्तन गर्ने तयारी गरेका छन् । केही दिनभित्रै प्रधानमन्त्री ओलीले केही मन्त्रीहरूको राजीनामा…

श्रेष्ठले नेताहरुमा सधै ‘पोष्ट, पावर, र प्रोपटीजस्ता थ्री पी’ को गलत प्रयोग बढ्ने कम्युनिष्ट पार्टी सकिने सम्भावना हुने बताउनुभयो ।

नारायण थापा भक्तपुर । राष्ट्रपति विद्या देवी भण्डारीको मैत्रीपूर्ण निमन्त्रणामा नेपाल भ्रमणमा आउनुभएका बंगलादेशका राष्ट्रपति मोहमद अब्दुल हमिदसहित ७० जनाको…

शिक्षामन्त्री गिरिरराजमणी पोखरेलले यतिबेला कालापानी क्षेत्रको सीमा विवादमा मुलुक होमिएको बेला अनशन बस्न नहुने आग्रह गरेको केही दिनमा केसीले अनसन…

प्रवक्ता शर्माले भारतसँगको सीमा समस्या समाधानका लागि परिणामुखि पहल गर्न पनि सरकारलाई आग्रह गर्नुभएको छ ।

बंगलादेशका राष्ट्रपति मोहम्मद अब्दुल हमिदलाई त्रिभुवन अन्तर्राष्ट्रिय विमानस्थलमा राष्ट्रपति भण्डारीले स्वागत गर्नुभयो ।