‘अनियमितता र गुणस्तरहीन काम गर्नेलाई कारबाही’

काठमाडौं । शहरी विकासमन्त्री मोहम्मद इश्तियाक राईले सघन शहरी विकास कार्यक्रममा अनियमितता गर्ने र गुणस्तरहिन काम गर्ने लाई कारवाही गर्ने बताउनुभएको छ ।

प्रतिनिधिसभाको विकास तथा प्रविधि समितिको आइतबारको बैठकमा समिति सदस्यहरुले सघन शहरी विकास कार्यक्रममा अनियमितता भएको भन्दै प्रश्न उठाएपछि मन्त्री राईले त्यस्तो पाइए कडा कारबाही गर्ने बताउनुभएको हो । उहाँले कार्यक्रमको तत्काल अनुगमन गरी दोषीलाई कारबाही गर्न बैठकमा उपस्थित सचिवलाई निर्देशन नै दिनुभयो ।

‘गुुणस्तरहीन निर्माण सामाग्री प्रयोग भएको पाइए ठेकेदार र कर्मचारीलाई कारवाही गर्छौ’ उहाँले भन्नुभयो, ‘एक इन्च पनि गुणस्तरहीन काम शहरी विकास मन्त्रालयले गर्दैन । स्थानीयको अवरोध तथा स्थान अभावका कारण मुलुकका विभिन्न शहरमा निर्माण गर्ने भनिएको ल्याण्डफिल्ड साइट निर्माणको काम रोकिएको छ ।’

समितिले नयाँ शहर निर्माण गर्दै जाने सरकारको नीति अनुसारको कार्यप्रगति अपेक्षाकृत हुन नसकिरहेको अवस्थामा कार्य हुन नसक्नुको अवस्था पहिचान गरी प्राथमिकताको आधारमा प्रभावकारिताका साथमा काम अघि बढाउन शहरी विकास मन्त्रालयलाई निर्देशन दिएको छ । समितिले नयाँ शहर व्यवस्थापनमा भएका प्रगति तथा काठमाडौं उपत्यकाको फोहर संकलन र व्यवस्थापनका सम्बन्धमा शहरी विकास मन्त्रीको साथै सम्बन्धित निकायका अधिकारीसँग छलफल गरेको हो ।

Janata Tv

प्रतिक्रिया दिनुहोस्
विशेष

काठमाडौं । प्रधानमन्त्री केपी शर्मा ओलीले मन्त्रिपरिषद् परिवर्तन गर्ने तयारी गरेका छन् । केही दिनभित्रै प्रधानमन्त्री ओलीले केही मन्त्रीहरूको राजीनामा…

श्रेष्ठले नेताहरुमा सधै ‘पोष्ट, पावर, र प्रोपटीजस्ता थ्री पी’ को गलत प्रयोग बढ्ने कम्युनिष्ट पार्टी सकिने सम्भावना हुने बताउनुभयो ।

नारायण थापा भक्तपुर । राष्ट्रपति विद्या देवी भण्डारीको मैत्रीपूर्ण निमन्त्रणामा नेपाल भ्रमणमा आउनुभएका बंगलादेशका राष्ट्रपति मोहमद अब्दुल हमिदसहित ७० जनाको…

शिक्षामन्त्री गिरिरराजमणी पोखरेलले यतिबेला कालापानी क्षेत्रको सीमा विवादमा मुलुक होमिएको बेला अनशन बस्न नहुने आग्रह गरेको केही दिनमा केसीले अनसन…

प्रवक्ता शर्माले भारतसँगको सीमा समस्या समाधानका लागि परिणामुखि पहल गर्न पनि सरकारलाई आग्रह गर्नुभएको छ ।

बंगलादेशका राष्ट्रपति मोहम्मद अब्दुल हमिदलाई त्रिभुवन अन्तर्राष्ट्रिय विमानस्थलमा राष्ट्रपति भण्डारीले स्वागत गर्नुभयो ।