कांग्रेस संरचना गठनमा आलटाल

काठमाडौं । राजधानीबाट प्रकाशित विभिन्न पत्रपत्रिकाले फरक – फरक विषयका समाचारलाई प्राथमिकतामा राखेर छापेका छन् ।

आइतबार जनता समाचार डटकम मा कस्तो छ प्रधानमन्त्रीलाई ? श्रमिकलाई नगद भुक्तानी गरे सरकारले कठोर कदम चाल्ने,एनसेल टावरमा फेरि आगजनी, रवि लामिछानेसहित तीनैजनालाई दुरूत्साहन मुद्दा, ‘अनियमितता र गुणस्तरहीन काम गर्नेलाई कारबाही’, सुनको मूल्य बढेको बढ्यै, किन्ने भन्दा बेच्नेको घुँइचो र रेडिअन्ट कप बास्केटबलमा इबीए क्वाटरफाइनलमा लगायतका समाचार प्रकाशित भए ।

गोरखापत्र दैनिक– गण्डकी प्रदेशको नवलपुरस्थित धौवादीमा फलाम उद्योग स्थापना गर्न स्वीकृत दिइउको छ । मन्त्रिपरिषद्को निर्णयबाट फलाम खानी स्थापना गर्न स्वकृत दिइएको हो । सरकारको निर्णयसँगै फलामको व्यावसायिक उत्पादन प्रक्रिया अगाडि बढ्नेछ ।

कान्तिपुर दैनिक– संसदमा पेश भएको एक वर्ष बितिसके पनि नागरिकता विधेयकको टुंगो लागेको छैन । संसदबाट विधेयक पारित नहुँदा संविधानमा राखिएका नागरिकता सम्बन्धी कतिपय नयाँ प्रावधान कार्यान्वयन हुन सकेका छैनन् ।

अन्नपूर्ण पोष्ट दैनिक– महालेखापरीक्षकको क्षेत्राधिकार संकुचन हुने गरी कानुन बन्न लागेको छ । स्वतन्त्र र स्वायत्त संवैधानिक निकायको अधिकारमा प्रधानमनत्रीको हात माथि पार्ने गरी विधेयक ल्याइएको छ ।

नागरिक दैनिक– प्रदेशसभा गठनको डेढवर्षपछि प्रदेश २ को नामाकरण र स्थायी राजधानी तोक्ने प्रक्रिया अघि बढे पनि दलभित्रै मतान्तरण बढेपछि यो बिषय पेचिलो बन्ने देखिएको छ ।

नयाँ पत्रिका दैनिक– शिक्षक सेवा आयोगले लिएको लिखित परक्षा र अन्तरवार्तामा समेत उत्तीर्ण भएर सिफारिस भएका शिक्षकले महिनौंसम्म पनि नियुक्ति पाएका छैनन । नियुक्ति नपाएपछि माध्यमिक तहका २९ शिक्षक अहिले दिनहुँ शिक्षा तथम मानवस्रोत विकास केन्द्र धाइरहेका छन् ।

राजधानी दैनिकले कांग्रेस संरचना गठनमा आलटाल भइरहेको समाचारलाई प्रमुख समाचारको रुपमा छापेको छ । प्रमुख प्रतिपक्षी दल नेपाली कांग्रेसको अन्तरिम संरचना गठनमा केन्द्रबाटै अलमल भइरहेको समाचारमा उल्लेख छ । कांग्रेसको केन्द्रीय निर्वाचन समितिका संयोजक राधेश्याम अधिकारीका अनुसार जिल्ला तहमा संरचना गठनका लागि प्रतिनिधि कसलाई पठाउने भन्ने टुंगो नलागेको र छलफलकै क्रममा रहेकाले अझै यो विषय टुंग्याउन १-२ दिन लाग्ने देखिन्छ ।

कारोबार दैनिक– चालू आर्थिक वर्षबाट पूर्ण रुपमा लागू भएको सामाजिक सुरक्षा योजनामा ४ हजार ५ सय रोजगारदाता (प्रतिष्ठान) र ३५ हजार ५ सय श्रमिक सूचीकरण भएका छन् ।
सामाजिक सुरक्षा कोषले साउनबाट दर्ता शुरु गरेसँगै एक महिना अवधिमा साढे ४ हजार प्रतिष्ठानका साढे ३५ हजार श्रमिक दर्ता भएको जनाएको छ ।

यसैगरी पत्रिकाले नेकपा सचिवालयको बैठक अध्यक्ष पुष्पकमल दाहालको अध्यक्षतामा पहिलोपटक बस्न सोमबार बस्न लागिरहेको विषयलाई प्रमुख समाचार बनाएको छ । पार्टी एकताको १५ महिनापछि पहिलोपटक नेकपाको सचिवालयको बैठक अध्यक्ष दाहालको अध्यक्षतामा बस्न लागेको हो । प्रधानमनत्री समेत रहनुभएका अकाृ अध्यक्ष केपी ओली उपचारको सिलसिलामा सिंंगापुर जानुभएका कारण अर्का अध्यक्षको अध्यक्षतामा सचिवालय बैठक बस्न लागेको हो ।

प्रतिक्रिया दिनुहोस्
विशेष

अहिले बैंकिङ प्रणालीमा यसै पनि निक्षेप बढी र कर्जाको माग कम हुँदा अधिक तरलता देखिएको छ ।

काठमाडौं । नेपाल प्रेस यूनियनले पत्रकार बलराम बानियाँको मृत्युबारे गहिरो अनुसन्धान गर्न माग गरेको छ । यूनियनले बुधबार शोक विज्ञप्ति…

तनहुँ ।  समुदायकामा कोरोना पुष्टि भएपछि देवघाट गाउँपालिका एक साताका लागि सिल गरिएको छ । कोरोनाको जोखिम न्यूनीकरणका लागि गाउँपालिकाले…

फाइल तस्बिर मुगु । छायाँनाथ रारा नगरपालिकामा जिप खस्दा १ जनाको मृत्यु भएको छ । दुर्घटनामा १० जना घाइते भएका…

काठमाडौं ।  लकडाउनसँगै जिल्ला प्रशासनले उपलब्ध गराउँदै आएको सवारी पास आज (बिहीबार)देखि बन्द भएको छ । मुलुकमा पछिल्लो समय कोरोना…

मेष– भोजनको सुख मिल्नेछ । उच्चव्यक्ति भेटघाट हुनेछ । धनको सुख मिल्नेछ । वृष– पदको प्रशंसा हुनेछ । रमाइलोमा खर्च…