जनक बालपत्रिका विमोचित

काठमाडौं । बालबालिकालाई पढाइप्रति उत्प्रेरित गर्ने उद्देश्यले जनक शिक्षा सामग्री केन्द्रले ‘जनक बालपत्रिका’ प्रकाशनमा ल्याएको छ । आइतबार जनक शिक्षा सामग्री केन्द्रले गरेको कार्यक्रममा शिक्षा, विज्ञान तथा प्रविधि मन्त्रालयका सचिव खगराज बरालले पत्रिका विमोचन गर्नुभएको हो ।

पत्रिका विमोचन गर्दै उहाँले बालोपयोगी सामग्री समेटिएका यस्ता पत्रिकाले विद्यार्थीको पठन संस्कारको क्षितिज विस्तार गर्ने र पाठ्यान्तर क्रियाकलापमा विद्यार्थीको सक्रियता  बढाउने बताउनुभयो ।

विभिन्न विधाका बालोपयोगी पठन तथा अभ्यास सामग्री समेटिएको यस पत्रिकामा स्थापित रचनाकार एवम् बालबालिकाका विभिन्न रचना समावेश छन् ।

पत्रिकाको समीक्षा गर्दै पाठ्यक्रम विकास केन्द्रमा महानिर्देशक डा.लेखनाथ पौडेल, जनक शिक्षाका प्रबन्ध सञ्चालक महेश तिमिल्सेना र लेखक जीवनाथ धमलाले पत्रिकाले समेटेको चैतन्य पक्ष, विषय क्षेत्र विस्तार र निरन्तरता एवम् विद्यार्थीको प्रतिभा प्रस्फुटन र संस्थाको सामाजिक दायित्वको विषयमा चर्चा गर्नुभयो ।

चिरञ्जीवी बराल, गणेशप्रसाद भट्टराई, जयन्ती सत्याल र चित्र आचार्यद्वारा सम्पादित जनक बालपत्रिकाको डिजाइनर सन्तोषकुमार दाहाल हुनुहुन्छ । ६४ पृष्ठको रङ्गीन कलेवरमा रहेको यस पत्रिकाको मूल्य रु. १०/– रहेको छ ।

 

Janata Tv

प्रतिक्रिया दिनुहोस्
विशेष

बिहान ५ः०० स्टेशनआइडी÷राष्ट्रियगान ५ः०२ योग÷एरोबिक्स ५ः२५ दर्शन दिग्दर्शन ५ः५५ विज्ञापन÷प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन÷प्रोमो ७ः०० जनता…

मेष– नयाँ मित्र भेटघाट हुनेछ, पारिवारिक काम बन्नेछ । वृष– सरसामान हराउन सक्नेछ, अनावस्यक खर्च बढ्नेछ । मिथुन– वित्तीय कारोवार…

कम्पनीले हाल सञ्चालनमा रहेका ८ सय ४० सुपरमार्केटलाई सन् २०२५ को अन्त्यसम्ममा एक हजार दुईसय पु¥याउने बताएको छ ।

एकतर्फी प्रेमका कारण यस्तो घटना हुन पुगेको प्रहरीको प्रारम्भिक अनुसन्धानबाट पत्ता लागेको प्रहरीको भनाइ छ ।

मुस्ताङको मुक्तिनाथकाे मन्दिरस्थित कागबेनीमा सोह्र श्राद्ध तथा पितृ तपर्ण कार्य गर्न रोकिएको छ ।

जनताको भावना अनुसार चल्न सकेनौं भन्ने छुट छैन ।