अनाथको सहारा बन्दै दम्पत्ति

प्रिमेश शिवाकोटी
रौतहट ।
हृदयलाल कुश्वाहले सानैमा आमा–बुबा गुमाए । ११ वर्षदेखि अनाथालयमा बस्न थाले । गाउँकै एक शिक्षकले अनाथालयमा ल्याइदिए । त्यहीँ पढे । उनको जन्मथलो सर्लाहीको बरथवा हो । कर्मथलो रौटहटको गरुडा नगरपालिका वडा नं–४ । २७ वर्षीय कुश्वाहले दुर्गादेवीसँग बिहे गरे । ५ बर्षअघि अनाथलयमै बिहे भयो । विवाह समाजसेवी बंशिराम जैसवालले गराइदिए ।

दुई सन्तान छन् । अनाथालय बंशिरामले खोलिदिएका हुन् । ३२ जना टुहुरा बालबालिका छन् । कुश्वाह दम्पतिको दिनचर्या टुहुरा बालबालिको रेखदेखमा बित्छ । जिम्मेवारी ठुलो छ ।

श्रीमति उच्च शिक्षाका लागि भारत गइन् । केही बर्षपछि अनाथलय संस्थापक अध्यक्ष जैसवालले बोलाए । उनी फर्किइन । हृदयलाल देहरादुनको देवसंस्कृत विश्वविद्यालयबाट पोलि इन्जिनियरिङको पढाइ सकेर चेन्याइमा जागिर खान थाले ।

जागिए खाएको दुई वर्ष पुग्दै थियो, अनाथालयबाट जैसवाले पत्र पठाए । ‘बाध्यता छैन, तपाईं खुसी साथ आउने भए अनाथालयमा तपाईंको खाँचो छ’ पत्र पढेर कुश्वालाई भारत बस्न मन लागेन । जागिर छाडे । नेपाल फर्किए । अनाथलयको जिम्मेवारी सम्हाले । नेपाल फर्किए । त्यसपछि जागिरको आवश्यकता पर्यो । मौसम विभागमा जागिर पाए । अनाथलयको जिम्मेवारी त छँदै छ ।

८३ वर्षीय बंशिरामले सडमा अलपत्र बालबालिका देख्न सकेनन् । मन थामिएन । माया लाग्यो । अनाथालय बनाएर पालनपोषण गर्ने विचार गरे । २०५१ सालमा अनाथालयको स्थापना गरे । अहिले २ कठ्ठा ५ धुर जमिनमा अनाथालय छ । सधैं एकैनाश कहाँ हुन्छ र ? नौनाडी गल्दै गयो । हिंड्न गाह्रो भयो । अहिले उनी बिरामी छन् । उनलाई हेरचाह गर्ने हृदयलाल दम्पत्ति छन् ।

हृदयलाल दम्पति काम बाँडेर गर्छन् । आश्रमका लागि खर्च जुटाउनदेखि बाजेको रेखदेख हृदयलाले गर्छन् । शिक्षा नै सर्वोपरी भन्दै टुहुरालाई पढाउन २०५७ सालमा विद्यालय खोले । प्राथमिक तहसम्म पढाई हुन्छ ।  मासिक एकलाख भन्दा बढी खर्च हुन्छ । सधैं यसको व्यवस्थापनमा लाग्छन् उनी । गायत्रीको काम बालबालिको सरसफाइ, खानपिन र रेखदेख हो ।

३ देखि २० वर्षसम्मका ३२ जना बालबालिका अनाथालयमा छन् । भुकम्पले क्षति पुर्याएको भवन जीर्ण छ । कहिले भत्किन्छ थाहा छैन । बालबालिका त्रासमा छन् । भवनका पल्टर उप्किएका छन् । २०५२ सालमा एक संस्थाले निमार्ण गरिदिएको भवनमा पिलर छैन । इँटाको पर्खाल भएकाले भवन कमजोर बनेको हृदयलाल कुश्वाह बताउँछन् । दुईतले भवन छ । तल्लो तलामा बालबालिका बस्छन् । माथिल्लोमा कक्षाकोठा छ ।

अनाथालयको आम्दानीको स्रोत ट्याङकर हो । इन्धन ढुवानी गर्छन् । ट्याङ्करको आम्दानी र दाताको सहयोगले अनाथालय चलेको छ ।

‘भवन जीर्ण छ, पछिल्ला केही वर्षदेखि त भत्कने हो की भन्ने चिन्ताले सताइरहन्छ’ सस्थापक अध्यक्ष रहेका जैसवालले भने । नयाँ भवन निमार्णमा सहयोग गरीदिन दाता गुहारिरहन्छन् । स्थानीय तह, प्रदेश र संघीय सांसदहरूलाई पनि आग्रह गर्नुभएको छ । अनाथलय संचालन समितीले एक करोडको कोष स्थापनाको लागि प्रक्रिया अघि बढाएको छ ।

प्रतिक्रिया दिनुहोस्
विशेष

मेष- ईश्वरमा भक्तिभाव बढ्नेछ, धार्मिक व्यस्तता रहनेछ । वृष- स्वास्थ्य प्रतिकुल हुनेछ, काममा बाधा आउनेछ । मिथुन- प्रियजन सित मिलाप…

गोपाल पाठक / विनोद लामिछाने/अनिश्मा बस्नेत काठमाडौं । जनता टेलिभिजनमा आज (बुधबार) प्रसारण गरिएका एक सय समाचारको संगालो नै शत्…

मदन खाती/ ऋषि खतिवडा/ सन्तोष गिरी काठमाडौं । केही दशर्कयता महिला राेजगारीका लागि विदेशिने क्रम बढेको छ। रोजगारीको शिलशिलामा महिला…

कैलाली । गौरीगङ्गा नगरपालिकाका कर्मचारीले सेवाग्राहीलाई अनिवार्य रुपमा नमस्कार गर्नुपर्ने भएको छ । कर्मचारी र सेवाग्राहीबीचको सम्बन्ध राम्रो गराउन नगरपालिकाले…

काठमाडौं । फागुन ९ गते शुक्रबार मुलुकभर सार्वजनि बिदा हुने भएको छ । नेपाल सरकारले शिवरात्रीको अवसरमा सार्वजनिक बिदा दिएको…

यसकारण एमसिसि आवश्यक छ । विश्वका गरिब देशमध्ये नेपाल पनि एक हो । कूल जनसंख्याको आधा भन्दा बढी जनसंख्या दैनिक…